Biblia Todo Logo
Bìoball air-loidhne

- Sanasan -




1 bṭrus 5:8 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

8 امژات غ‑يخف‑نّون ترارم لعاقل، اشكو ار‑يتلّي‑ونوّاش‑نّون ءيبليس زوند ءيزم، ار‑يندّر ار‑يسيگّيل س‑ما‑يقُّاي.

Faic an caibideil Dèan lethbhreac

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

8 amẓat ġ‑ih̬f‑nnun trarm lɛaql, ašku ar‑itlli‑unuwwaš‑nnun iblis zund izm, ar‑inddr ar‑isiggil s‑ma‑iqqʷay.

Faic an caibideil Dèan lethbhreac




1 bṭrus 5:8
61 Iomraidhean Croise  

انوّاش لّي‑تن‑ين‑يلوحن ءيگا‑ت ءيبليس. تامگرا تگا ءيسيگُّرا ن‑دّونيت، ءيشوّالن گان لمالايكا.


ضوفات اشكو ءور‑تسّينم مان اسّ ا‑را‑د‑ياشك سيديتون.


ءينيغ ءيلمّا ءي‑ويلّي لّانين ف‑وژلماض ‹ءيتّيات‑ن زغ‑گيگي ا‑ويلّي ءيخزا ربّي، تدّوم س‑لعافيت لّي‑ور‑را‑سار‑يخسي، تّياوسكار ءي‑يبليس د‑لمالايكا‑نس.


ءيدّو ياسوع غاكودان، ياوي‑ت رّوح لقودوس س‑لخلا ا‑ت‑يتارم ءيبليس.


ءيفل‑ت ءيبليس غاكودان، اشكين‑د دارس لمالايكا ار‑تي‑تعاوانّ.


كرا ن‑مدّن گان زوند امود لّي‑يضرن غ‑وغاراس. لّيغ سفلدن ءي‑واوال ياشك‑يد شيطان، ءيكّيس‑اسن اوال لّي‑دارسن‑يلّان.


«اويات‑ستّ غ‑يخف‑نّون ا‑ور‑تلهوم س‑ومشّو ءولا تيسّي ءولا تيغوفيوين ن‑تودرت‑اد، ا‑ور‑يميل ءيروح‑كُن‑د‑واسّ‑ان ءيغوي‑كُن زوند اگضيض لّي‑تغوي‑تژقّورت.


رارات لعاقل تضوفم‑بدّا ار‑تّضالابم ربّي ا‑كُن‑يسّدوس ا‑تنجمّ زغ‑كولّو غايلّي را‑يجرو، تبيدّم غ‑لگدّام ن‑يوس ن‑بنادم تزگام.»


ءيساول ياسوع س‑بطرُس ييني‑اس: «سيمعان، سيمعان، هان شيطان ءيضالب ا‑كُن‑يزوزّر غمكلّي ءيزوزّور‑وفلّاح ءيبضو اليم د‑يردن.


وين باباتون ءيبليس ا‑تگام، ار‑تّيريم ا‑تسكارم ما‑يرضان باباتون. ءيگا واد ءينقّان زغ‑يسيزوار، ءور‑جّو‑يسكير س‑لحقّ اشكو لحقّ ءور‑دارس‑يلّي. غاكود نّا‑يسّكاركس ار‑يسكار س‑ما‑گيس‑يلّان، اشكو بو‑تكركاس ا‑يگا، ءيگ باباس ن‑كولّو ما‑يسّكيركيسن.


باش ا‑ور‑تّ‑فلّانّغ‑يزّري شيطان، اشكو نسّن تيلّاي‑نس.


باش ا‑ور‑تادجم ءي‑يبليس مانيزغ ا‑ن‑سرون‑يكشم.


اسيات كولّو ءيمقلاد ن‑ربّي باش ا‑تيژضارم ا‑تّضاضّام لحيلات ن‑يبليس.


والاينّي را‑تنجم‑تمغارت س‑تلاليت ن‑تاروا ءيغ‑ا‑تّقاما غ‑ليمان ار‑تّحنّو غ‑وييّاض ار‑تّزگا غ‑يخف‑نس س‑وول ءيغوسن.


ريغ اد‑حشمنت‑تمغارين لسنت مالسّا ءينگادّان لّي‑تنت‑يد‑يقّانّ، ءورد س‑تالّامين ن‑وازّار نغد ءورغ نغد لجوهر نغد تيملسا غُلانين،


ءولا تيمغارين، ءيقّان‑تند‑د اد‑گنت تيد زگانين غ‑وفولكي، ار‑تنباضنت غ‑يخف‑نسنت، ار‑سكارنت س‑لحقّ. ا‑ور‑گنت تيد ساوالنين غ‑مدّن.


ءيقّان‑د انگابال ا‑يگ واد غ‑ور‑يلّي لعيب، ءيطّاف غير يات‑تمغارت، ءيزگا‑بدّا غ‑لعاقل‑نس ار‑يتنباض غ‑كولّو ما‑يسكار، ار‑يتفولكي د‑مدّن ار‑يسّمرحبا س‑ويلّي تمودّونين، ييسّان مامنك ا‑يسّلماد وييّاض.


والاينّي ءيبيدّ ديدي سيديتنّغ، ءيسّدوس‑يّي اد‑اسن‑تبرّاحغ س‑لخبار ءيفولكين غمكلّي ءيگا. سفلدن‑اس ءيبرّانيين كولّوتن، نجمغ نكّي زغ‑يمي ن‑ييزم.


ءيقّان‑د ا‑يگ واد ءيسّمرحبان س‑ويلّي تمودّونين، ءيگ واد دار ءيعزّا كولّو ما‑يفولكين، ار‑يتنباض غ‑وگايّو‑نس ار‑بدّا‑يسكار س‑لحقّ، ءيغوس‑وول‑نس ءيغوي غ‑يخف‑نس.


ار‑اغ‑يسّلماد ا‑نتانف ءي‑كولّو ما‑ت‑ور‑يرضين ءولا شّهوات ن‑دّونيت‑اد. ار‑اغ‑يسّلماد ا‑نتنباض غ‑يخف‑نّغ ار‑نسكار س‑لحقّ ءولا كولّو ما‑ت‑يرضان غيلاد غ‑سول‑نقاما غ‑دّونيت.


ءيني ءي‑يرگازن مقّورنين اد‑زگان غ‑يخف‑نسن، ار‑بدّا‑تفولكين د‑مدّن، ار‑تنباضن غ‑كولّو ماد‑سكارن. تينيت‑اسن اد‑دوسن غ‑وغاراس لّماسيح ار‑تحنّون غ‑وييّاض ار‑تزايادن غمكاد بلا‑دا‑ترماين.


ار‑اسنت‑مالانت مامنك ا‑تگا تايري لّي‑س‑راد‑تعاوانّت ءيرگازن‑نسنت ءولا تاروا‑نسنت.


ءيني ءي‑يعيّالن اد‑تنباضن غ‑يخف‑نسن.


مايان ا‑ف‑راد‑اون‑ينيغ، فكات ءيخف‑نّون غ‑دّو‑وفوس ن‑ربّي. ضاضّات ءيبليس س‑يروول زغ‑گيگون.


ف‑مايان ا‑ف‑راد‑اون‑ينيغ، بكيسات ءيخف‑نّون ترارم لعاقل، تزگام باهرا غ‑رّجا لّي‑س‑ا‑تّرجوم ف‑لباراكا لّي‑راد‑اون‑ييلي غاكود لّيغ را‑د‑ياشك ياسوع لماسيح ءيبايّن.


هاتي ياكمور‑د ءيسيگُّرا ن‑كولّو ما‑يلّان. رارات لعاقل تغويم غ‑يخف‑نّون باش ا‑تّژالّام ار‑تضالابم ربّي.


سفلدغ ءيلمّا ءي‑يان‑واوال ءيتجهّدن ءيساول غ‑يگنّا ييني: «غيلاد اد‑اغ‑يجّنجم ربّي‑نّغ، تبان‑د‑تحكيمت‑نس ءيتجهّدن، تاشك‑يد‑تگلديت‑نس، يامژ لماسيح‑نس لحوكم. اشكو غوالّي ءيتاشتكّان س‑ايتماتنّغ غ‑لگدّام ن‑ربّي‑نّغ غ‑ييض ءولا ازال، هاتي ءيتياولواح س‑ييزدار.


فرحات اي‑يگنوان ءولا كولّو ما‑گيسن‑يلّان. ءيمّا كونّي اي‑اكال د‑ومدا، تاگوضي ا‑راد‑اون‑ييلي اشكو ءيگّوز سرون ءيبليس، نكرن‑د گيس ءيريين باهرا اشكو ءيسّن ءيس‑ور‑اس‑تقاما غير لوقت ءيدروسن.»


ءيتياوگار‑ن‑ولگمّاض‑ان ءيمقّورن س‑ييزدار. نتّان ا‑مي‑تّينين ‹ءيبليس› ءولا ‹شيطان›، ءيگ ابنكال اقديم لّي‑يجلّون كولّو ءيمزدغن ن‑دّونيت. ءيتياوگار‑ن س‑واكال نتّا د‑لمالايكا‑نس.


ءيتّلوح‑ن ءيبليس لّي‑تن‑يجلان غ‑تمدا لّعافيت د‑لكبريت لّي‑غ‑يلّا‑واغُژن د‑نّابي بو‑تكركاس. راد‑كولّو‑غين‑ترفوفونّ غ‑ييض ءولا ازال س‑ورفوفن ءور‑سار‑يتمّين.


يامژ الگمّاض لّي‑مي‑تّينين ‹ابنكال اقديم› ءولا ‹ءيبليس› ءولا ‹شيطان›، ءيكرس‑ت باش ا‑يقاما غ‑يسكراف الف ن‑وسگُّاس.


Lean sinn:

Sanasan


Sanasan