1 bṭrus 5:5 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ غمكان ءولا كونّي ا‑يعيّالن، ءيلّا فلّاون ا‑تسفليدم س‑يمغارن‑نّون. بكيسات كولّوكن س‑تبانّكا ن‑صّبر باش ا‑تّخدامّ ءي‑نگراتون. اشكو ءيتيارا: «ربّي ار‑يتضاضّا وانّا ءيسّيمغورن ءيخف‑نس، ار‑يتباراك وانّا ءيژّيمژاين ءيخف‑نس.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ ġmkan ula kunni a‑iɛyyaln, illa fllawn a‑tsflidm s‑imġarn‑nnun. bkisat kullukn s‑tbannka n‑ṣṣbr baš a‑tth̬damm i‑ngratun. ašku ityara: «rbbi ar‑itḍaḍḍa wanna issimġurn ih̬f‑ns, ar‑itbarak wanna iẓẓimẓayn ih̬f‑ns.»

1 bṭrus 5:5 Iomraidhean Croise

luqa 22:26

ءيمّا كونّي، ا‑ور‑ييلي غمكان غ‑گراتون، اشكو غوالّي گيگون ءيمقّورن ءيلّا فلّاس ا‑يگ زوند غوالّي ءيمژّين، ءيگ‑ومزوارو زوند اخدّام.

ruma 12:10

تحوبّوات ءي‑نگراتون غمكلّي تمحوبّون ايتماتن، ار‑يتّيري كرايگاتّ يان ا‑يوقّر وايّاض ءوگُّار ن‑يخف‑نس.

ruma 13:14

لسات افولكي ن‑سيديتنّغ ياسوع لماسيح بلا‑دا‑تّلهوم س‑دّات ءولا ما‑يتّيري بنادم ءي‑يخف‑نس.

afsus 5:21

ءيلّا ف‑كود يان ا‑يسفليد س‑وايّاض. غمكاد ا‑س‑را‑تّوقّارم لماسيح.

filibbi 2:3

ا‑ور‑تسكارم كرا ف‑ا‑تزّوورم ءيخف‑نّون ءولا‑دا‑تّيريم ا‑تملم ءيس‑تگام كرا، والاينّي ژّيمژايات ءيخف‑نّون ار‑بدّا‑تّگّام وييّاض د‑ما‑كُن‑يوفن.

kulussi 3:12

كونّي، ءيمژلاين ن‑ربّي ا‑تگام. ءيرا‑كُن ءيژلي‑كُن ا‑تگم وينس. ف‑مايان ا‑ف‑كُن‑د‑يقّان ا‑تعمّرم س‑لحنانت، ار‑تّمعاوانم ار‑تژّيمژايم ءيخف‑نّون، ار‑تّرخوم ار‑تّصبارم ءي‑نگراتون

1 timutaws 5:1

ا‑ور‑تشّحشّمت كرا ن‑وفقّير ءيغ‑يسكر كرا يُخشنّ، والاينّي سّفهم‑اس ما‑ت‑يخصّان زوند ءيغ‑يگا باباك.

iɛbrin 13:17

سفليدات س‑يمغارن‑نّون ار‑تسكارم س‑واوال‑نسن، اشكو ار‑بدّا‑سرون‑تراران لعاقل. ءيقّان‑تن‑د اد‑فلّاون‑فكن لحساب ءي‑ربّي. سكارات س‑واوال‑نسن باش اد‑فرحن س‑تووري‑نسن، ءورد ا‑تن‑فلّاس‑تيگُراژ. اشكو ءيغ‑تن‑تژّيگُراژم ءور‑راد‑اون‑تيلي لفايتّ.

yaɛqub 4:6

والاينّي ءوگُّار ا‑تگا لباراكا لّي‑اغ‑ياكّا، غمكلّي ءيتياران: «ربّي ار‑يتضاضّا وانّا ءيسّيمغورن ءيخف‑نس، والاينّي ار‑يتباراك وانّا ءيژّيمژاين ءيخف‑نس.»

1 bṭrus 3:8

ءيمّا غيلاد راد‑اون‑ينيغ، ا‑كولّو‑تگم يان غ‑ما‑تسوينگيمّ ءولا ما‑س‑ا‑تسّحسّوم، ار‑تّحوبّوم ءي‑نگراتون س‑تايري ن‑ايتماتن، ار‑دي‑تّادرم ءي‑يخف‑نّون ار‑تّحنّوم ءي‑نگراتون.

1 bṭrus 4:1

مايان ا‑ف‑راد‑اون‑ينيغ، لّيغ ءيرفوفن لماسيح غ‑دّات‑نس، ءيلّا فلّاون ا‑تبكيسم ا‑ترفوفنم ءولا كونّي. اشكو وانّا ءيرفوفنّ غ‑دّات‑نس ءور‑سول‑ا‑يتلهو س‑دّنوب.

1 bṭrus 4:5

والاينّي ءيقّان‑تن‑د لحساب غ‑دار غوالّي يوجادن ا‑يوت لحوكم ف‑ويلّي دّرنين ءولا غويلّي مّوتنين.