1 bṭrus 5:4 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ غاكود لّيغ را‑د‑ياشك‑ومكسا ءيمقّورن راد‑اون‑يفك تّاج لّمجد لّي‑ور‑را‑سار‑يمدو.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ ġakud lliġ ra‑d‑yašk‑umksa imqqurn rad‑awn‑ifk ttaj l‑lmjd lli‑ur‑ra‑sar‑imdu.

1 bṭrus 5:4 Iomraidhean Croise

yuḥanna 10:11

نكّي ا‑يگان امكسا ءيفولكين. امكسا ءيفولكين ا‑يتمتاتن ف‑وولّي.

1 kurintus 9:25

كولّو وانّا ءيتازّالن ار‑يسّدوس ءيخف‑نس. ار‑ت‑يسّدوس باش ا‑يامژ كرا لّكاس لّي‑ور‑را‑يدوم. ءيمّا نكُّني ار‑نسّدوس ءيخفاون‑نّغ باش ا‑نامژ لكاس لّي‑راد‑بدّا‑يدوم.

2 timutaws 4:8

راد‑يّي‑ييلي تّاج غيلاد ن‑يان ءيرضان ربّي. ءيحضا‑يّي‑ت سيديتنّغ لّي‑بدّا‑يحكامن س‑لحقّ، باش اد‑يّي‑ت‑يفك غ‑واسّ لّي‑غ‑را‑د‑ياشك. ءورد غير نكّي ا‑مي‑را‑ييلي، والاينّي را‑ت‑يفك ءي‑كولّو ويلّي‑ن‑گيس‑رجانين ار‑سرس‑تقلن.

iɛbrin 13:20

ءيمّا غيلاد، ضالبغ ءي‑ربّي ن‑سّلامت لّي‑د‑يسّنكرن زغ‑لموت امكسا ءيمقّورن سيديتنّغ ياسوع لّي‑يتگابالن ءولّي‑نس، ءيسكر لعهد‑اد ءيدومن غ‑گراتنّغ د‑ربّي س‑يدامّن‑نس.

yaɛqub 1:12

امباركي ا‑يگا وانّا ءيصبرن ءيزگان غ‑تاساعت ن‑تنوكموت. اشكو لّيغ ءيتيارام سول‑يزگا، راد‑اس‑ييلي تّاج ن‑تودرت ءيدومن لّي‑ف‑ينّا ربّي را‑ت‑يفك ءي‑ويلّي رانين ربّي.

1 bṭrus 1:4

ءيفك‑اغ يا‑لّوورت لّي‑ور‑را‑يفنو ءولا را‑يخسر ءولا را‑يمدو، ءيحضا‑ياون‑ت غ‑يگنّا.

1 bṭrus 2:25

غايد ءيزرين تجلام زوند ءولّي، ءيمّا غيلاد توورّيم‑د س‑دار‑ومكسا لّي‑يتگابالن ءولاون‑نّون.

1 bṭrus 5:2

ضالبغ‑كُن ا‑تكسم تاوروت ن‑ربّي لّي‑يفل غ‑گر ءيفاسّن‑نّون. تگابلم‑تّ ءورد س‑بزّز والاينّي س‑لفرح غمكلّي ءيرا ربّي، ءورد باش ا‑تامژم كرا ءي‑يخف‑نّون والاينّي س‑نّييت ءيصفان.

1 yuḥanna 3:2

واي‑ايتما عزّانين، نگا تاروا ن‑ربّي غيلاد. ءور‑تا‑ياغ‑يسّبايّن ما‑را‑نگ غ‑مايد‑د‑يفتان، والاينّي نسّن ماياد: غاكود لّيغ را‑د‑ياشك لماسيح را‑نگ زوند نتّان، اشكو را‑ت‑نژر غمكلّي ءيگا.

anurẓm 1:7

هاتي را‑د‑يفتو غيلاد غ‑گر ءيمدلا، ژرن‑ت كولّو مدّن، ژرن‑ت ءولا غويلّي‑ت‑سّياگّاسنين. راد‑الّانت‑كولّو‑تميزار ن‑دّونيت ف‑سّيبت‑نس. غمكاد ا‑را‑ييلي، امين.

anurẓm 2:10

ءيمّا غيلاد، اد‑ور‑تيكساطّ تانوكموت لّي‑را‑فلّاك‑يزري. هاتي را‑ك‑يارم ءيبليس ءيلوح‑ن كرا گيگون غ‑لحبس. را‑ترفوفنت مراو‑ووسّان. زگا غ‑وغاراس‑ينو ار لموت، فكغ‑اك تّاج ن‑تودرت.

anurẓm 3:11

غير ءيميكّ را‑ن‑اشكغ. امژ غ‑ما‑دارك‑يلّان، ا‑ور‑تادجت يان اد‑اك‑ياكُر تّاج‑نّك.