1 bṭrus 5:10 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁰ والاينّي ربّي لّي‑بدّا‑يران اد‑اغ‑يبارك، ءيغرا‑ياون‑د ا‑تكشمّ س‑لمجد‑نس ءيدومن غ‑تامونت لّماسيح. تيگيرا ن‑ما‑ترفوفنم يان ءيميكّ، را‑كُن‑ياوي س‑سّلامت ءيكمّلن ءيسّدوس‑كُن ءيزّگا‑كُن ءيسّبيدّ‑كُن ف‑لّساس ءيصحان.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁰ walaynni rbbi lli‑bdda‑iran ad‑aġ‑ibark, iġra‑yawn‑d a‑tkšmm s‑lmjd‑ns idumn ġ‑tamunt l‑lmasiḥ. tigira n‑ma‑trfufnm yan imikk, ra‑kʷn‑yawi s‑sslamt ikmmln issdus‑kʷn izzga‑kʷn issbidd‑kʷn f‑llsas iṣḥan.

1 bṭrus 5:10 Iomraidhean Croise

luqa 22:32

والاينّي ضالبغ ربّي فلّاك ا‑ور‑يمّت ليمان‑نّك. غاكود لّيغ توورّيت، سّدوس ايتماك.»

ruma 15:13

ضالبغ ربّي لّي‑ياكّان رّجا، ا‑كُن‑يعمّر س‑لفرح د‑سّلامت ءيگّوتن غيلاد غ‑سرس‑تومنم، باش ا‑باهرا‑گيگون‑يتّيگات رّجا‑ياد س‑تحكيمت ن‑رّوح لقودوس.

ruma 15:5

ضالبغ ربّي لّي‑ياكّان صّبر د‑زّعامت، اد‑اون‑يفك ا‑بدّا‑دي‑تّمشاشكام ءي‑نگراتون غ‑تامونت لّماسيح ياسوع،

ruma 16:25

ءيمّا غيلاد، ا‑نالغ ربّي لّي‑يژضارن ا‑كُن‑يزّگا غ‑ليمان‑نّون غمكلّي‑اون‑نّيغ س‑لخبار ءيفولكين لّي‑س‑ا‑تبرّاحغ ف‑لماسيح ياسوع.

ruma 9:11

لّيغ ءور‑تا‑د‑لولن‑وارّاضن‑ان ءيساول ربّي س‑ريفقا، ءور‑تا‑سكيرن كرا يُخشنّ ءولا كرا ءيشوان. ييني‑اس فلّاسن: «امزوارو را‑يگ اخدّام ءي‑ويس سين.» غمكاد ا‑تن‑يبضا ربّي اشكو ءيقصاد مايان، ءورد ف‑سّيبت ن‑كرا سكرن نتني.

ruma 9:24

ا‑تن‑يگان د‑نكُّني لّي‑مي‑يغرا زغ‑گر ايت‑يودايا ءولا‑داغ زغ‑گر ايت‑تميزار ياضني. غمكلّي ءينّا ربّي غ‑وارّا ن‑نّابي هوشاع:

1 kurintus 1:10

واي‑ايتما، را‑كُن‑ضالبغ غيلاد س‑يسم ن‑سيديتنّغ ياسوع لماسيح، ا‑د‑كولّو‑تمشاشكام بلا‑دا‑تاطّوم ءي‑نگراتون. ءيلّا فلّاون ا‑تگم يان غ‑يسوينگيمن‑نّون د‑تنباضين‑نّون.

1 kurintus 1:9

ربّي ءيقاما‑بدّا غ‑واوال‑نس. نتّان اد‑اون‑د‑يغران ا‑تكشمّ غ‑تامونت ن‑ياسوع لماسيح سيديتنّغ.

2 kurintus 13:11

واي‑ايتما، اوال‑ينو ءيگُّران ءيگا‑ت: فرحات، ار‑تسكارم ف‑وفولكي، ار‑تزّعامّ ءي‑نگراتون، تگم يان غ‑يسوينگيمن‑نّون، ار‑تزرايم غ‑سّلامت. غمكاد ا‑س‑راد‑بدّا‑ديدون‑ييلي ربّي لّحنانت د‑سّلامت.

2 kurintus 4:17

اشكو تانوكموت‑اد ءيفسّوسن غ‑ا‑نزراي ءوسّان‑اد دروسنين، راد‑اغ‑تگُّرو س‑لمجد ءيدومن لّي‑باهرا‑يوگُرن كولّو غاياد.

filibbi 4:13

ژضارغ ءي‑كرايگاتّ كرا س‑تدواست لّماسيح لّي‑يّي‑يسّدوسن.

kulussi 2:7

زّوگزات تادروت ن‑لّساس‑نّون غ‑لماسيح ار‑فلّاس‑تبنّوم، تامژم گيس ار‑تّدوسم غمكلّي تلمدم، ار‑بدّا‑تّشكارم ربّي.

1 tasaluniki 2:12

ار‑كُن‑نتنصاح نيني‑اون ا‑تسكارم غمكلّي‑د‑يقّانّ غويلّي گانين وين ربّي لّي‑اون‑د‑يغران ا‑تكشمّ س‑تگلديت‑نس ءولا لمجد‑نس.

2 tasaluniki 2:14

كولّو ماياد، ءيغرا‑ياون‑د سرس ربّي س‑لخبار ءيفولكين لّي‑اون‑ين‑نيوي، باش اد‑اون‑تيلي تاغامت غ‑لمجد ن‑سيديتنّغ ياسوع لماسيح.

2 tasaluniki 2:17

ار‑ت‑نتضالاب ا‑باهرا‑يزّعام ءيسّدوس ءولاون‑نّون باش ا‑تسكارم ار‑تساوالم س‑كولّو ما‑يفولكين.

2 tasaluniki 3:3

ءيمّا سيديتنّغ ءيقاما‑بدّا غ‑واوال‑نس، را‑كُن‑يسّدوس ءيسّنتال‑كُن زغ‑والّي يُخشنّ.

1 timutaws 6:12

بكيس ار‑تكّاتّ تاكرّايت لّيمان، تامژت غ‑تودرت ءيدومن لّي‑س‑اك‑يغرا ربّي لّيغ تنّيت ءي‑يناگان گّوتنين ف‑مامنك ا‑تومنت س‑لماسيح.

2 timutaws 1:9

ءيجّنجم‑اغ ربّي زغ‑دّنوب‑نّغ ءيغر‑اغ ا‑نگ ءيمژلاين‑نس، ءورد ف‑سّيبت ن‑كرا نسكار نكُّني والاينّي ف‑سّيبت ن‑ما‑يقصاد نتّان اد‑اغ‑يبارك ف‑وودم لّماسيح ياسوع ءور‑تا‑يخلق دّونيت.

2 timutaws 2:10

ماياد ا‑ف‑ا‑كولّو‑تصبارغ، باش اد‑تنجامن ءيمژلاين ن‑ربّي ف‑وودم لّماسيح ياسوع، كشمن س‑لمجد ءيدومن.

iɛbrin 9:15

غمكان ا‑يسكر لماسيح يا‑لّعهد لّجديد غ‑گر ربّي د‑بنادم، ءيشّكشم سرس غويلّي مي‑د‑يغرا ربّي س‑لوورت ءيدومن لّي‑ف‑اسن‑ينّا راد‑اسن‑ييلي. ءيمّوت لماسيح باش ا‑يفرو مدّن زغ‑دّنوب لّي‑سكرن لّيغ سول لّان غ‑لعهد امزوارو.

1 bṭrus 1:15

والاينّي سكارات كولّو س‑وول ءيغوسن، غمكلّي ءيغوس ربّي لّي‑اون‑د‑يغران.

1 bṭrus 4:10

ءيلّا ف‑كرايگاتّ يان ا‑يسكار س‑توافكا ن‑رّوح نّا‑ياس‑يفكا ربّي، ار‑سرس‑يتعاوان وييّاض س‑نّييت ن‑وول‑نس، باش ا‑كولّو‑تّمعاوانم ءي‑نگراتون س‑لباراكات ن‑ربّي لّي‑گّوتنين.

1 bṭrus 4:11

وانّا ءيساوالن، ءيلّا فلّاس ا‑يساوال س‑ماد‑اس‑يمالا ربّي. وانّا ءيتعاوانّ، ءيلّا فلّاس ا‑يتعاوان وييّاض س‑تژضّارت لّي‑اس‑ياكّا ربّي. غمكاد ا‑س‑راد‑كولّو‑الغن مدّن ربّي ف‑ما‑تسكارم س‑يسم ن‑ياسوع لماسيح. نتّان ا‑مي‑يلّا لمجد د‑لقوّا غيلاد ءولا كولّو مايد‑د‑يفتان، امين.

2 bṭrus 1:3

س‑تحكيمت‑نس ءيتجهّدن ا‑س‑اغ‑د‑يفكا ربّي كولّو ما‑نحتاجّا باش ا‑ندّر غ‑دّونيت ار‑ت‑نترضو. اشكو نوورّي نسّن غوالّي‑اغ‑د‑يغران ا‑نكشم س‑لمجد‑نس د‑وفولكي‑نس.

1 yuḥanna 2:25

اشكو س‑واوال ءيزگان ا‑س‑اغ‑يملا ماياد، ييني‑اغ ءيس‑راد‑اغ‑يفك تودرت ءيدومن.

yahuda 1:24

ءيمّا غوالّي ءيژضارن ا‑كُن‑ينجّا باش ا‑ور‑تضرم، ءيسّلكم‑كُن‑ين س‑لگدّام لّمجد‑نس س‑لفرح ءيگّوتن بلا گيگون ءيلّا كرا لّعيب، نتّان ا‑مي‑يلّا لمجد د‑تموغرا د‑تژضّارت د‑لقوّا غيلاد ءولا كولّو غايد ءيزرين ءولا كولّو مايد‑د‑يفتان. د‑غمكاد ا‑ف‑راد‑بدّا‑نتالغ غوالّي ءيگان ربّي انجّام‑نّغ س‑يسم ن‑سيديتنّغ ياسوع لماسيح، امين.