1 bṭrus 5:1 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹ راد‑ضالبغ ءيمغارن غ‑گراتون، نكّي‑اد ءيگان امغار زوند كونّي، گغ ءينيگي ف‑ورفوفن لّماسيح، طّافغ تاغامت غ‑لمجد لّي‑را‑د‑يبان.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹ rad‑ḍalbġ imġarn ġ‑gratun, nkki‑ad igan amġar zund kunni, gġ inigi f‑urfufn l‑lmasiḥ, ṭṭafġ taġamt ġ‑lmjd lli‑ra‑d‑iban.

1 bṭrus 5:1 Iomraidhean Croise

luqa 24:48

كونّي تگام ءيناگان ف‑تغاوسيوين‑اد.

irqqasn 1:8

والاينّي را‑تعمّرم س‑تحكيمت ءيتجهّدن غاكود نّا‑د‑فلّاون‑يگّوز رّوح لقودوس. را‑فلّا‑تاكّام توگّا غ‑وروشاليم ءولا كولّو تامازيرت ن‑يودايا ءولا ساميرا ار تيميزار اگّوگنين ن‑دّونيت.»

irqqasn 11:30

سكرن غمكان، ازن‑تّ ءي‑يمغارن غ‑وروشاليم ف‑وفوس ن‑بارنابا د‑شاول.

irqqasn 14:23

ءيستي بولُس د‑بارنابا غ‑كرايگاتّ امناگّار ماد‑اسن‑يتگّان ءيمغارن. ار‑تژالّان ار‑تاژومن ار‑تن‑فالن غ‑وفوس ن‑سيديتنّغ لّي‑س‑ومنّ.

irqqasn 15:4

لّيغ روحن ءوروشاليم سّمرحبان سرسن ايت‑ومناگّار د‑يرقّاسن د‑يمغارن. ييني‑اسن بولُس د‑بارنابا ف‑كولّو ما‑سرسن‑يسكر ربّي.

irqqasn 15:6

مناگّارن ءيلمّا ءيرقّاسن د‑يمغارن باش اد‑مشاوارن ف‑تغاوسا‑ياد.

irqqasn 2:32

«هاتي ياسوع ا‑د‑يسّنكر ربّي زغ‑گر ويلّي مّوتنين. نگا نكُّني كولّواغ ءيناگان ف‑مايان، نژرا‑ت.

irqqasn 20:17

لّيغ ءيلّا بولُس غ‑ميليتوس يازن س‑يمغارن ن‑ومناگّار غ‑افسوس، ءيضالب‑اسن ادّ‑دارس‑اشكين.

irqqasn 20:28

اويات‑ستّ غيلاد غ‑يخف‑نّون، تاويم‑تّ ءولا غ‑تووروت كولّوتّ لّي‑ف‑كُن‑يرور رّوح لقودوس اد‑اس‑تگم ءينگابالن، تكسم امناگّار ن‑ربّي لّي‑يسغا س‑يدامّن‑نس.

irqqasn 21:18

نديد ازكّا نمون د‑بولُس ا‑نژر ياعقوب، ءيلين غين ءيمغارن كولّوتن.

irqqasn 3:15

ءيمّا ربّي ءيسّنكر‑ت‑يد زغ‑لموت. نگا نكُّني ءيناگان ف‑مايان، نژرا‑ت.

2 kurintus 5:1

نسّن ماياد، ءيغ‑تّياوهلاك‑تخيّامت لّي‑يگان دّات‑نّغ ن‑دّونيت‑اد، راد‑اغ‑يفك ربّي يات‑تزدغت غ‑يگنّا. راد‑اغ‑يفك يات‑تگمّي لّي‑ور‑يتياوسكارن س‑يفاسّن ن‑بنادم، راد‑بدّا‑تدوم.

2 kurintus 5:8

مايان اد‑اغ‑يزّعامن باهرا. نيري ا‑نفل دّات‑اد، نروح دار سيديتنّغ.

filibbi 1:19

اشكو مايد‑يّي‑يجران، سّنغ ءيس‑را‑زگيس‑نجمغ تيگيرا ف‑سّيبت ن‑ما‑فلّا‑تّضالابم ربّي ار‑يّي‑يتعاوان رّوح ن‑ياسوع لماسيح.

1 timutaws 5:1

ا‑ور‑تشّحشّمت كرا ن‑وفقّير ءيغ‑يسكر كرا يُخشنّ، والاينّي سّفهم‑اس ما‑ت‑يخصّان زوند ءيغ‑يگا باباك.

1 timutaws 5:19

ا‑ور‑تسفلدت س‑يان ءيتاشتكّان س‑ومغار ءيغ‑ور‑د‑ييوي سين نغد كراض ءيناگان.

2 timutaws 4:8

راد‑يّي‑ييلي تّاج غيلاد ن‑يان ءيرضان ربّي. ءيحضا‑يّي‑ت سيديتنّغ لّي‑بدّا‑يحكامن س‑لحقّ، باش اد‑يّي‑ت‑يفك غ‑واسّ لّي‑غ‑را‑د‑ياشك. ءورد غير نكّي ا‑مي‑را‑ييلي، والاينّي را‑ت‑يفك ءي‑كولّو ويلّي‑ن‑گيس‑رجانين ار‑سرس‑تقلن.

tiṭus 1:5

ماياد ا‑ف‑ك‑ين‑فلغ غ‑يگزير ن‑كريت، باش ا‑تكمّلت ما‑يقامان غ‑تووري، تژليت كرا ن‑مدّن غ‑كرايگاتّ تامدينت اد‑گن ءيمغارن ن‑ومناگّار غمكلّي‑ف‑ك‑وصّاغ.

filimun 1:9

والاينّي سّنغ ءيس‑دارك‑نعزّا. مايان ا‑ف‑ريغ ا‑ت‑زگيك‑ضالبغ، نكّي‑اد ءيگان افقّير گغ غيلاد احبّاس ف‑يسم لّماسيح ياسوع.

iɛbrin 12:1

ءيمّا غيلاد غ‑اغ‑تلولّي‑تمدلوت‑اد ن‑يناگان، ءيلّا فلّانّغ ا‑نلوح كولّو ماد‑اغ‑يژّوژّاين، نفل دّنوب لّي‑بدّا‑تّيرينين اد‑اغ‑سّموكروسن، باش ا‑نتازّال بلا‑دا‑نترماي غ‑وغاراس لّي‑يرژمن غ‑لگدّام‑نّغ.

1 bṭrus 1:12

والاينّي ءيسّبايّن‑اسن‑د ربّي ءيس‑ورد ف‑سّيبت ن‑يخف‑نسن ا‑ف‑ا‑ساوالن ف‑تغاوسيوين‑اد والاينّي ف‑سّيبت‑نّون. ءيمّا غيلاد تسفلدم ف‑كولّو ماياد ف‑يمي ن‑ويلّي‑اون‑ين‑يوينين لخبار ءيفولكين، ار‑دارون‑تبرّاحن س‑تحكيمت ن‑رّوح لقودوس لّي‑د‑يتيازانّ زغ‑يگنّا. ءيمّا تيغاوسيوين‑اد، ءولا لمالايكا ار‑باهرا‑تّيرين اد‑يسّانّ مامنك اد‑گانت.

1 bṭrus 1:7

ءيزري فلّاون مايان باش ا‑تيسّانم ءيس‑يصحا ليمان‑نّون. اشكو ءيعزّا ليمان‑نّون باهرا، ءوگُّار ن‑وورغ لّي‑يفنّون واخّا‑دا‑يتصفو س‑لعافيت. اشكو غمكان ا‑س‑را‑كُن‑يالغ ربّي ءيسّاتّوي‑كُن ءيسّيمغور‑كُن غاكود لّيغ را‑د‑ياشك ياسوع لماسيح ءيبايّن.

1 bṭrus 4:13

والاينّي فرحات لّيغ تكشمّ د‑لماسيح غ‑ترفوفنت، باش ا‑تفرحم س‑وگُّار غاكود لّيغ را‑د‑يبان لمجد‑نس ءي‑كولّو مدّن.

1 bṭrus 5:4

غاكود لّيغ را‑د‑ياشك‑ومكسا ءيمقّورن راد‑اون‑يفك تّاج لّمجد لّي‑ور‑را‑سار‑يمدو.

1 yuḥanna 3:2

واي‑ايتما عزّانين، نگا تاروا ن‑ربّي غيلاد. ءور‑تا‑ياغ‑يسّبايّن ما‑را‑نگ غ‑مايد‑د‑يفتان، والاينّي نسّن ماياد: غاكود لّيغ را‑د‑ياشك لماسيح را‑نگ زوند نتّان، اشكو را‑ت‑نژر غمكلّي ءيگا.

2 yuḥanna 1:1

زغ‑ومغار ءي‑تمغارت تامژلايت د‑تاروا‑نس. تعزّام داري س‑لحقّ، نكّي ءولا كولّو ويلّي سّنّين لحقّ.

3 yuḥanna 1:1

زغ‑ومغار ءي‑گما ءيعزّان گايوس. تعزّات داري س‑لحقّ.

anurẓm 1:9

ءيمّا نكّي يوحانّا گماتون د‑وسمون‑نّون غ‑تنوكموت ءولا تاگلديت ءولا صّبر لّي‑اغ‑يلّان س‑يسم ن‑ياسوع، لّيغ غ‑يگزير ن‑باطموس تياماژغ ف‑سّيبت ن‑تبرّاحت ن‑واوال ن‑ربّي ءولا ف‑توگّا ن‑ياسوع.