1 bṭrus 4:2 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

² ءور‑سول‑ا‑يزّراي ءوسّان‑نس غ‑ما‑يتّيري بنادم ءي‑يخف‑نس، والاينّي ار‑يزّراي ماد‑اس‑يقامان غ‑دّونيت‑اد غ‑ما‑يرضان ربّي.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

² ur‑sul‑a‑izzray ussan‑ns ġ‑ma‑ittiri bnadm i‑ih̬f‑ns, walaynni ar‑izzray mad‑as‑iqaman ġ‑ddunit‑ad ġ‑ma‑irḍan rbbi.

1 bṭrus 4:2 Iomraidhean Croise

matta 12:50

اشكو وانّا ءيسكارن ما‑يرا بابا ربّي ن‑يگنّا، نتّان ا‑يگان گما، ءيگ ءولّتما، ءيگ ءينّا.»

matta 20:4

ييني‑اسن: ‹اشكاد‑د تخدمّ ءولا كونّي غ‑يگر ن‑واضيل، راد‑اون‑فكغ تيغراد نّا‑ياون‑يگان.› دّون ءولا نتني س‑يگر.

matta 21:31

ءيسقسا‑تن ياسوع: «مانوا غ‑سين‑اد ا‑يسكرن ما‑يرا باباس؟» ءينين‑اس: «امزوارو.» ءيرار‑اسن ياسوع: «لحقّ ا‑راد‑اون‑ينيغ، ار‑كُن‑زگّورونت‑تمگّانين د‑ايت‑نكّاس س‑تگلديت ن‑ربّي.

matta 7:21

«هان ءورد كولّو وانّا‑يّي‑يتّينين ‹وا‑سيدي، وا‑سيدي› ا‑را‑يكشم س‑تگلديت ن‑يگنّا. ءور‑را‑سرس‑يكشم ابلا غويلّي سكارنين ما‑يتّيري بابا لّي‑يلّان غ‑يگنّا.

marqus 3:35

اشكو وانّا ءيسكارن ما‑يرا ربّي، نتّان ا‑يگان گما ءيگ ءولّتما ءيگ ءينّا.»

marqus 7:21

اشكو زغ‑وگُنس ن‑وول ن‑بنادم، ا‑زغ‑ا‑دي‑تفّوغن ءيسوينگيمن أُخشنّين د‑لفساد د‑تمخّارت د‑تناغا د‑زّنا

yuḥanna 1:13

نتني، ءورد س‑تلاليت ن‑واحليگ ا‑س‑لولن نغد س‑تايري ن‑دّات نغد س‑تايري ن‑ورگاز، والاينّي ربّي ا‑تن‑يگان د‑تاروا‑نس.

yuḥanna 7:17

وانّا ءيران ا‑يسكار ما‑يرا ربّي، نتّان ا‑را‑ييسّان المّود‑اد ءيزد دار ربّي ا‑زغ‑د‑يوشكا نغد ار‑د‑ساوالغ زغ‑يخف‑ينو.

ruma 12:2

ا‑ور‑تسكارم زوند مدّن ن‑دّونيت‑اد، والاينّي ادجات ربّي ا‑كُن‑يرار ا‑تگم لجديد، ءيبدّل كولّو تينباضين لّعاقل‑نّون. غمكان ا‑س‑را‑تيسّانم ما‑گيگون‑يتّيري ربّي ءيفولكي ءيرضو سرس يوف كولّو كرا ءيلّان.

ruma 14:7

كولّواغ، ءيغ‑ندّر ءولا ءيغ‑نمّوت، ءورد ءيخف‑نّغ ا‑نترضو.

ruma 6:11

غمكاد ا‑كُن‑د‑يقّان ءولا كونّي ا‑تگم ءيخف‑نّون د‑ويلّي مّوتنين ءي‑دّنوب تدّرم ءي‑ربّي ف‑سّيبت ن‑ما‑تگام وين لماسيح ياسوع.

ruma 6:2

ءوهو، ءورد غمكان ا‑را‑نسكار. اشكو نكُّني نمّوت ءي‑دّنوب. مامنك ا‑را‑نيري ا‑سول‑گيسن‑نزايد؟

ruma 7:4

غمكاد ا‑تگام ءولا كونّي اي‑ايتما. تمّوتم س‑لموت لّماسيح ءي‑ما‑يگان وين شّرع، ءيطّاف‑كُن يان ياضني، ا‑ت‑يگان د‑والّي‑د‑ينكرن زغ‑لموت باش ا‑نسكار لغلّت ءيفولكين ءي‑ربّي.

2 kurintus 5:15

ءيمّوت نتّا ف‑سّيبت ن‑كولّو مدّن باش اد‑وورّين غويلّي دّرنين ا‑ور‑سول‑سكارن ف‑اد‑رضون ءيخف‑نسن والاينّي اد‑رضون غوالّي ءيمّوتن ءينكر‑د زغ‑لموت ف‑سّيبت‑نسن.

afsus 2:3

نكّا‑تّين كولّواغ ار‑ديدسن‑نتّيدو غ‑وغاراس‑ان ار‑نسكار س‑كولّو ما‑يرا بنادم ءي‑يخف‑نس ار‑تّ‑نتاوي غير غ‑يسوينگيمن‑نّغ ءولا شّهوات‑نّغ. ءولا نكُّني غ‑ووسّان‑ان، ءيلّا فلّانّغ لغاضاب ن‑ربّي زوند كولّو مدّن.

afsus 4:17

ءيمّا غيلاد را‑كُن‑وصّاغ س‑يسم ن‑سيديتنّغ، ءينيغ‑اون ا‑ور‑سول‑تسكارم زوند غويلّي ءور‑سّينّين ربّي. نتني جلان‑تن ءيسوينگيمن‑نسن باهرا،

afsus 5:17

ا‑ور‑تجلوم د‑يخف‑نّون والاينّي ژرات ما‑گيگون‑يتّيري ربّي.

afsus 6:6

ا‑ور‑تسكارم غير باش ا‑كُن‑ژرن مدّن شكرن‑كُن، والاينّي خدمات غمكلّي‑د‑يقّانّ ءيخدّامن لّماسيح، ار‑بدّا‑تسكارم ما‑يرا ربّي س‑نّييت‑نّون.

kulussi 1:9

ف‑مايان ا‑ف‑ا‑بدّا‑نتژالّا ار‑نتضالاب ربّي ف‑سّيبت‑نّون، زغ‑واسّ لّي‑غ‑فلّاون‑نسفلد سول س‑غاسّاد. ار‑ت‑نتضالاب اد‑اون‑يسّبايّن كولّو ما‑گيگون‑يتّيري س‑تواسّنا ءولا تاحكيمت لّي‑راد‑اون‑يمالا رّوح لقودوس.

kulussi 3:3

اشكو تمّوتم ف‑تودرت لّي‑يزرين، ترگس تودرت‑نّون لّجديد غ‑دار ربّي غ‑يلّيغ ءيرگس لماسيح.

kulussi 4:12

ار‑ن‑فلّاون‑يتسلّام ابافراس. ءيگا زغ‑گيگون ءولا نتّا، ءيگ اخدّام لّماسيح ياسوع. س‑نّييت‑نس ا‑س‑ا‑يتژالّا باهرا ف‑سّيبت‑نّون، باش ا‑تدوسم تزگام غ‑وغاراس ن‑ربّي ار‑تسكارم كولّو ما‑گيگون‑يرا ربّي.

1 tasaluniki 5:18

ار‑تّشكارم ربّي غمكنّا ءيگا لحال، اشكو غمكاد ا‑گيگون‑يرا غ‑تامونت لّماسيح ياسوع.

iɛbrin 13:21

ضالبغ‑اس اد‑اون‑ياكّا كولّو ما‑يگان افولكي، باش ا‑تسكارم ما‑يتّيري. ضالبغ‑اس ا‑گينّغ‑يسكر كولّو ما‑ت‑يترضون س‑يسم ن‑ياسوع لماسيح. نتّان ا‑باهرا‑نتالغ غيلاد ءولا كولّو مايد‑د‑يفتان. امين.

yaɛqub 1:18

ءيسكر ما‑يقصاد، ءيفك‑اغ تودرت لّجديد س‑واوال لّحقّ، باش ا‑نوورّي نگ لغلّت تامنزوت ن‑كولّو ما‑يخلق.

1 bṭrus 1:14

سكارات س‑واوال ن‑ربّي، غمكلّي سكارن تاروا س‑واوال ن‑ايت‑دارسن. ا‑ور‑سول‑تّلهوم س‑غايلّي ستّين تكّام ار‑تّيريم ءي‑يخف‑نّون لّيغ ءور‑تا‑تسّينم لحقّ.

1 bṭrus 2:1

ف‑ماياد ا‑ف‑راد‑اون‑ينيغ، لوحات‑ن س‑كولّو ما‑يگان تانوّاشت ءولا تيكركاس. ا‑ور‑تسكارم غ‑لگدّام ن‑مدّن ما‑ور‑تگيم. اد‑اون‑ور‑طيّر ف‑وييّاض طّافنين كرا ترام ءي‑يخف‑نّون، ءولا‑دا‑ترگّمّ غ‑يان.

1 yuḥanna 2:17

ار‑تزراي دّونيت ءولا كولّو ما‑گيس‑تّيرين مدّن، ءيمّا يان ءيسكارن س‑ما‑يرا ربّي، را‑يدّر تودرت ءيدومن.