1 bṭrus 4:16 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁶ والاينّي ءيغ‑يرفوفن ف‑سّيبت ن‑ما‑يگا اماسيحي، ءيلّا فلّاس ا‑ور‑يحشم، والاينّي ا‑يالغ ربّي اشكو مدّن ار‑اس‑تگّان ءيسم لّي‑يگان وين لماسيح.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁶ walaynni iġ‑irfufn f‑ssibt n‑ma‑iga amasiḥi, illa fllas a‑ur‑iḥšm, walaynni a‑yalġ rbbi ašku mddn ar‑as‑tggan ism lli‑igan win lmasiḥ.

1 bṭrus 4:16 Iomraidhean Croise

irqqasn 11:26

لّيغ‑ت‑يوفا، ياوي‑ت ديدس س‑انطاكيّا. قامان غين اسگُّاس ار‑تمونون د‑ومناگّار ن‑ايتماتن ار‑سّلمادن مدّن گّوتنين. غ‑تمدينت ن‑انطاكيّا ا‑غ‑بدان مدّن ار‑تّينين ءي‑يمحضارن ‹ءيماسيحين›.

irqqasn 26:28

ءيساول ءيلمّا اگريبّاس س‑بولُس ييني‑اس: «ءيس‑تريت ا‑يّي‑ترارت اد‑گغ اماسيحي غ‑يات تاساعت ءيگزّولن؟»

irqqasn 28:22

والاينّي نرا اد‑اغ‑تملت ءيسوينگيمن‑نّك، اشكو نسفلد ءيس‑ا‑تّينين مدّن غ‑كرايگاتّ ماني ءور‑يشوي‑وغاراس‑ان.»

irqqasn 5:41

فّوغن ءيرقّاسن زغ‑لمحكاما، فرحن باهرا اشكو ءيگا‑تن ربّي د‑ويد‑ف‑يرضا ايلّيغ رفوفنّ ف‑يسم ن‑ياسوع.

filibbi 1:20

ءيگّوت گيگي رّجا، ءيريغ باهرا اد‑سكارغ كولّو ما‑يّي‑د‑يقّانّ س‑زّعامت ءيگّوتن، باش ا‑گيگي‑تبان‑تموغرا لّماسيح غيلاد زوند كرايگاتّ لوقت، ءيغ‑سولغ ءولا ءيغ‑مّوتغ.

filibbi 1:29

اشكو لّيغ‑اون‑يفكا ا‑تامنم س‑لماسيح، ءيفكا‑ياون ءولا تارفوفنت ف‑سّيبت‑نس.

2 timutaws 1:12

مايان ا‑ف‑ا‑ترفوفونغ غمكاد. والاينّي ءور‑اكُّ‑حشيمغ، اشكو سّنغ غوالّي‑س‑ومنغ. وورّيغ ءيسّانغ ءيس‑يژضار ا‑يگابل لامانت‑ينو ار اسّ ءيگُّران.

yaɛqub 2:7

ءيس‑ورد نتني ا‑يرگّمن ءيسم ءيفولكين ن‑والّي مي تگام وينس؟

1 bṭrus 2:12

سكارات افولكي غ‑گر‑ويلّي ءور‑سّينّين ربّي. واخّا ءيغ‑ا‑گيگون‑رگّمن راد‑ژرن ءيس‑يفولكي كولّو ما‑تسكارم، ءينين ءيلمّا ءيزد ربّي اد‑دار لحقّ غ‑واسّ لّي‑غ‑را‑د‑ياشك ا‑يوت لحوكم.

1 bṭrus 4:11

وانّا ءيساوالن، ءيلّا فلّاس ا‑يساوال س‑ماد‑اس‑يمالا ربّي. وانّا ءيتعاوانّ، ءيلّا فلّاس ا‑يتعاوان وييّاض س‑تژضّارت لّي‑اس‑ياكّا ربّي. غمكاد ا‑س‑راد‑كولّو‑الغن مدّن ربّي ف‑ما‑تسكارم س‑يسم ن‑ياسوع لماسيح. نتّان ا‑مي‑يلّا لمجد د‑لقوّا غيلاد ءولا كولّو مايد‑د‑يفتان، امين.

1 bṭrus 4:14

ءيمباركين ا‑تگام ءيغ‑ا‑كُن‑رگّمن ف‑سّيبت ن‑ما‑تگام وين لماسيح، اشكو ءيگّوز‑د فلّاون رّوح لّمجد لّي‑يگان رّوح ن‑ربّي.

1 bṭrus 4:19

ماياد ا‑ف‑راد‑ينيغ ءي‑كولّو وينّا رفوفنّين ف‑ما‑يرا ربّي: فكات ءيخفاون‑نّون غ‑وفوس ن‑والّي‑كُن‑يخلقن لّي‑بدّا‑يزگان غ‑واوال‑نس، تزايدم ار‑تسكارم افولكي.