1 bṭrus 4:13 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹³ والاينّي فرحات لّيغ تكشمّ د‑لماسيح غ‑ترفوفنت، باش ا‑تفرحم س‑وگُّار غاكود لّيغ را‑د‑يبان لمجد‑نس ءي‑كولّو مدّن.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹³ walaynni frḥat lliġ tkšmm d‑lmasiḥ ġ‑trfufnt, baš a‑tfrḥm s‑uggʷar ġakud lliġ ra‑d‑iban lmjd‑ns i‑kullu mddn.

1 bṭrus 4:13 Iomraidhean Croise

matta 16:27

ءيمّا نكّي لّي‑يگان يوس ن‑بنادم راد‑د‑اشكغ س‑لمجد ن‑بابا ربّي د‑لمالايكا‑نو، باش اد‑رارغ ءي‑كرايگاتّ يان ف‑ما‑يسكر.

matta 25:21

ييني‑اس سيديس ‹ءيشوا ماياد، اي‑اخدّام ءيفولكين ءيصلحن. تسكرت ما‑ك‑يد‑يقّانّ س‑مايلّي ءيدروسن. ءيمّا غيلاد راد‑فلغ غ‑وفوس‑نّك ما‑يگّوتن. كشم‑د تفرحت د‑سيديك.›

matta 25:23

ييني‑اس سيديس ‹ءيشوا ماياد، اي‑اخدّام ءيفولكين ءيصلحن. تسكرت ما‑ك‑يد‑يقّانّ س‑مايلّي ءيدروسن. ءيمّا غيلاد راد‑فلغ غ‑وفوس‑نّك ما‑يگّوتن. كشم‑د تفرحت د‑سيديك.›

matta 25:31

ءيزايد ياسوع ييني‑اسن: «غاكود لّيغ راد‑د‑وورّيغ س‑دّونيت‑اد، مونّ‑د ديدي كولّو لمالايكا س‑لمجد ءيگّوتن، راد‑سكيوسغ نكّي لّي‑يگان يوس ن‑بنادم ف‑لعرش ن‑تگلديت‑ينو،

matta 25:34

ساولغ ءيلمّا، نكّي لّي‑يگان اگلّيد، س‑ويلّي لّانين ف‑وفاسي ءينيغ‑اسن ‹اشكاد‑د ا‑يمباركين ن‑بابا ربّي، كشمات س‑تگلديت لّي‑اون‑يجّوجاد زغ‑يسيزوار ن‑دّونيت.

matta 5:12

تهنّايات تفرحم باهرا، اشكو تگّوت لباراكا لّي‑راد‑اون‑ييلي غ‑يگنّا. هان غمكان اد‑سّرفوفنّ ءولا لانبيا لّي‑كُن‑د‑زوارنين.

marqus 8:38

وانّا ءينّان ءور‑يّي‑يسّين ءولا ءيسّن اوال‑ينو غ‑گر مدّن ن‑تاسوت‑اد ءيجلان يُخشنّ، راد‑ينيغ ءور‑ت‑سّينغ ءولا نكّي لّي‑يگان يوس ن‑بنادم غاكود لّيغ راد‑د‑اشكغ د‑لمالايكا ن‑يگنّا س‑لمجد ن‑ربّي بابا.»

luqa 17:30

غمكان ا‑را‑د‑داغ‑ييلي غ‑واسّ لّي‑غ‑را‑د‑يبان يوس ن‑بنادم.

irqqasn 16:25

غ‑طوژّونت ن‑يض‑ان ار‑يتژالّا بولُس د‑سيلا ار‑تّيريرن ار‑تالغن ربّي. ار‑اسن‑سفليدن ءيحبّاسن ياضني.

irqqasn 5:41

فّوغن ءيرقّاسن زغ‑لمحكاما، فرحن باهرا اشكو ءيگا‑تن ربّي د‑ويد‑ف‑يرضا ايلّيغ رفوفنّ ف‑يسم ن‑ياسوع.

ruma 5:3

والاينّي ءورد غير مايان ا‑س‑ا‑نتفراح. ار‑نتفراح ءولا س‑ترفوفنت نّا‑دارنّغ‑يلّان، اشكو نسّن ءيزد س‑ترفوفنت ا‑س‑را‑گينّغ‑يتزاياد صّبر.

ruma 8:17

لّيغ نگا تاروا‑نس، نيسّان ءيس‑را‑نطّاف لوورت لّي‑را‑ييلي ءي‑مدّن ن‑ربّي، را‑نكشم غ‑لوورت لّماسيح. ءيغ‑ديدس‑نمون غ‑ورفوفن، را‑ديدس‑نيلي غ‑لمجد.

ruma 8:18

سّنغ نكّي تارفوفنت ن‑ووسّان‑اد ءور‑تسوي يات غ‑لگدّام لّمجد لّي‑راد‑اغ‑يفك ربّي غ‑مايد‑د‑يوشكان.

2 kurintus 1:5

ءونشك لّي‑باهرا‑نكّات تامّارا ف‑يسم لّماسيح، ا‑ياغ‑باهرا‑يسّفجّيج ربّي غ‑تامونت لّماسيح.

2 kurintus 1:7

نسّن ءيس‑را‑تدوسم تصبرم، اشكو ءيغ‑ا‑تكّاتم تامّارا زوند نكُّني را‑كُن‑يسّفجّيج ربّي زوند نكُّني.

2 kurintus 4:10

نوسي‑بدّا لموت ن‑ياسوع ف‑دّات‑نّغ باش ا‑تّبان ءولا تودرت ن‑ياسوع غ‑دّات‑نّغ.

2 kurintus 4:17

اشكو تانوكموت‑اد ءيفسّوسن غ‑ا‑نزراي ءوسّان‑اد دروسنين، راد‑اغ‑تگُّرو س‑لمجد ءيدومن لّي‑باهرا‑يوگُرن كولّو غاياد.

filibbi 3:10

ءيمّا غيلاد ريغ اد‑يسّانغ لماسيح ءولا تاحكيمت ءيتجهّدن لّي‑ت‑يد‑يسّنكرن زغ‑لموت، ءيسّانغ ءولا تامونت ن‑تمّاريو‑نس، ءيريغ اد‑گغ زوند نتّان غ‑لموت‑نس

kulussi 1:24

فرحغ غيلاد س‑ترفوفنت‑اد غ‑ا‑زرايغ ف‑سّيبت‑نّون. اشكو ار‑تكمّالغ س‑دّات‑ينو ما‑يقامان غ‑ترفوفنت لّماسيح ف‑سّيبت ن‑دّات‑نس لّي‑يگان امناگّار ن‑مدّن‑نس.

2 timutaws 2:12

ءيغ‑ا‑نتصبار را‑ديدس‑نتحكام. ءيغ‑ننّا ءور‑ت‑نسّين را‑ييني ءور‑اغ‑يسّين.

1 bṭrus 1:13

ف‑مايان ا‑ف‑راد‑اون‑ينيغ، بكيسات ءيخف‑نّون ترارم لعاقل، تزگام باهرا غ‑رّجا لّي‑س‑ا‑تّرجوم ف‑لباراكا لّي‑راد‑اون‑ييلي غاكود لّيغ را‑د‑ياشك ياسوع لماسيح ءيبايّن.

1 bṭrus 2:21

ربّي ءيغرا‑ياون‑د ا‑تزّرايم ماياد، اشكو لماسيح ءيرفوفن ءولا نتّا ف‑سّيبت‑نّون، ءيمل‑اون ما‑يفولكين باش ا‑تضفورم لاترت‑نس.

1 bṭrus 5:1

راد‑ضالبغ ءيمغارن غ‑گراتون، نكّي‑اد ءيگان امغار زوند كونّي، گغ ءينيگي ف‑ورفوفن لّماسيح، طّافغ تاغامت غ‑لمجد لّي‑را‑د‑يبان.

1 bṭrus 5:10

والاينّي ربّي لّي‑بدّا‑يران اد‑اغ‑يبارك، ءيغرا‑ياون‑د ا‑تكشمّ س‑لمجد‑نس ءيدومن غ‑تامونت لّماسيح. تيگيرا ن‑ما‑ترفوفنم يان ءيميكّ، را‑كُن‑ياوي س‑سّلامت ءيكمّلن ءيسّدوس‑كُن ءيزّگا‑كُن ءيسّبيدّ‑كُن ف‑لّساس ءيصحان.

yahuda 1:24

ءيمّا غوالّي ءيژضارن ا‑كُن‑ينجّا باش ا‑ور‑تضرم، ءيسّلكم‑كُن‑ين س‑لگدّام لّمجد‑نس س‑لفرح ءيگّوتن بلا گيگون ءيلّا كرا لّعيب، نتّان ا‑مي‑يلّا لمجد د‑تموغرا د‑تژضّارت د‑لقوّا غيلاد ءولا كولّو غايد ءيزرين ءولا كولّو مايد‑د‑يفتان. د‑غمكاد ا‑ف‑راد‑بدّا‑نتالغ غوالّي ءيگان ربّي انجّام‑نّغ س‑يسم ن‑سيديتنّغ ياسوع لماسيح، امين.

anurẓm 1:7

هاتي را‑د‑يفتو غيلاد غ‑گر ءيمدلا، ژرن‑ت كولّو مدّن، ژرن‑ت ءولا غويلّي‑ت‑سّياگّاسنين. راد‑الّانت‑كولّو‑تميزار ن‑دّونيت ف‑سّيبت‑نس. غمكاد ا‑را‑ييلي، امين.

anurẓm 1:9

ءيمّا نكّي يوحانّا گماتون د‑وسمون‑نّون غ‑تنوكموت ءولا تاگلديت ءولا صّبر لّي‑اغ‑يلّان س‑يسم ن‑ياسوع، لّيغ غ‑يگزير ن‑باطموس تياماژغ ف‑سّيبت ن‑تبرّاحت ن‑واوال ن‑ربّي ءولا ف‑توگّا ن‑ياسوع.