Biblia Todo Logo
Bìoball air-loidhne

- Sanasan -




1 bṭrus 4:11 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

11 وانّا ءيساوالن، ءيلّا فلّاس ا‑يساوال س‑ماد‑اس‑يمالا ربّي. وانّا ءيتعاوانّ، ءيلّا فلّاس ا‑يتعاوان وييّاض س‑تژضّارت لّي‑اس‑ياكّا ربّي. غمكاد ا‑س‑راد‑كولّو‑الغن مدّن ربّي ف‑ما‑تسكارم س‑يسم ن‑ياسوع لماسيح. نتّان ا‑مي‑يلّا لمجد د‑لقوّا غيلاد ءولا كولّو مايد‑د‑يفتان، امين.

Faic an caibideil Dèan lethbhreac

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

11 wanna isawaln, illa fllas a‑isawal s‑mad‑as‑imala rbbi. wanna itɛawann, illa fllas a‑itɛawan wiyyaḍ s‑tẓḍḍart lli‑as‑yakka rbbi. ġmkad a‑s‑rad‑kullu‑alġn mddn rbbi f‑ma‑tskarm s‑ism n‑yasuɛ lmasiḥ. nttan a‑mi‑illa lmjd d‑lquwwa ġilad ula kullu mayd‑d‑iftan, amin.

Faic an caibideil Dèan lethbhreac




1 bṭrus 4:11
47 Iomraidhean Croise  

سّانف‑اغ ءي‑ما‑راد‑اغ‑يجلّو، تجّنجمت‑اغ زغ‑يبليس.›


لّيغ ءيفّوغ ياهودا ييني‑اسن ياسوع: «غيلاد ا‑را‑يتمجّد يوس ن‑بنادم، ءيبان‑د لمجد ن‑ربّي گيگي.


«ءيلّا موسا غ‑ومناگّار ن‑ايت‑ربّي غ‑لخلا، ييلي د‑يمزوورا‑نّغ، ييلي د‑لمالاك لّي‑سرس‑يساولن غ‑ودرار ن‑سينا. نتّان ا‑مي‑د‑يملا ربّي ءيواليون دّرنين اد‑اغ‑تن‑د‑يسّلكم نكُّني.


اشكو كولّو ما‑يلّان يوشكا‑د زغ‑ربّي، ييلي غ‑وفوس‑نس، ءيگ وينس. نتّان ا‑باهرا‑نتالغ غيلاد ءولا كولّو مايد ءيفتان، امين.


ربّي اد‑يّي‑يفكان لباراكا‑ياد ايلّيغ ژضارغ اد‑ينيغ ءي‑كرايگاتّ يان گيگون: ا‑ور‑تغالت د‑يخف‑نّك ءيس‑تگيت ءوگُّار ن‑ما‑تگيت والاينّي سوينگيم س‑لمعقول، كرايگاتّ يان د‑ونشك نّا‑ياس‑يفكا ربّي ليمان.


ربّي لّي‑دار كولّو تاحكيمت، نتّان ا‑باهرا‑نتالغ ف‑ياسوع لماسيح غيلاد ءولا كولّو مايد‑د‑يفتان. امين.


راد‑اون‑ينيغ، نتني اد‑دار تيميخار س‑كيگان. تاماخيرت تامزواروت: نتني ا‑مي‑يفكا ربّي ءيواليون‑نس.


والاينّي كولّو ما‑تشتّام ءولا كولّو ما‑تسّام ءولا كولّو ما‑تسكارم، ءيلّا فلّاون ا‑سرس‑تمالام لمجد ن‑ربّي.


گّوتنت‑توافكيو، والاينّي يان‑رّوح ا‑يلّان.


ربّي ءيبارك گيگي ءيفك‑يّي ا‑ن‑دارون‑سرسغ لّساس زوند ءيغ‑گيغ لمعلّم ابنّاي. غيلاد ار‑فلّاس‑بنّون مدّن ياضني، والاينّي ءيلّا ف‑كود يان ا‑ستّ‑يتاوي غ‑مامنك ا‑يبنّو.


اشكو نتّان ا‑كُن‑يسغان، ءيفك فلّاون اتيگ‑نّون. ءيلّا فلّاون غيلاد ا‑تمجّدم ربّي س‑دّات‑نّون.


ءور‑نگي نكُّني زوند ما‑يگّوتن ار‑تبرّاحن س‑واوال ن‑ربّي غير باش اد‑سرس‑قُّاين ءيقاريدن. اشكو نكُّني س‑نّييت ن‑وول‑نّغ ا‑س‑ا‑نساوال س‑يسم لّماسيح، نيسّان ءيزد ربّي اد‑اغ‑يوزنّ ار‑اغ‑بدّا‑يتمناد.


ءيگّوت ما‑را‑ت‑يشكر ف‑لمعاونت‑نّون، اشكو را‑سرس‑تملم ءيس‑ا‑تسكارم س‑لخبار ءيفولكين لّماسيح ار‑تّيريم ا‑تّعاوانم ءيمژلاين‑ان ءولا كولّو مدّن.


ءولا تاحكيمت‑نس لّي‑باهرا‑گينّغ‑يتجهّدن نكُّني لّي‑سرس‑يومنّ. اشكو تاحكيمت لّي‑گينّغ‑يلّان، تگا‑ت‑تحكيمت ءيتجهّدن


ا‑ور‑تادجم كرا ن‑يواليون أُخشنّين ا‑تكّان ءينفورن‑نّون. ساوالات س‑يواليون شوانين لّي‑را‑يعاون غويلّي سفليدنين غ‑مايلّي حتاجّان، اوين‑اسن‑د لباراكا.


ار‑بدّا‑تّشكارم ربّي باباتنّغ ف‑كرايگاتّ كرا س‑يسم ن‑سيديتنّغ ياسوع لماسيح.


اوال‑ينو ءيگُّران ءيگا‑ت: دوسات غ‑سيديتنّغ س‑تدواست‑نس ءيتجهّدن.


راد‑اون‑تيگات صّابت ن‑وفولكي لّي‑گيگون‑يسكار ياسوع لماسيح، ءيبان گيگون لمجد ن‑ربّي، الغن‑ت مدّن ف‑سّيبت‑نّون.


ييني كرايگاتّ ءيلس: «ياسوع لماسيح ا‑يگان سيديس ن‑كولّو ما‑يلّان.» غمكاد ا‑س‑راد‑كولّو‑وقّرن لمجد ن‑ربّي باباتنّغ.


ساوالات س‑يواليون شوانين ميمنين، تيسّانم مامنك ا‑تّرارام ءي‑كرايگاتّ يان اوال نّا‑ت‑يخصّان.


والاينّي ار‑نساوال س‑مكلّي گينّغ ءيرا ربّي لّي‑اغ‑يورمن ءيفك‑اغ اد‑اسن‑نسّلكام لخبار‑اد ءيفولكين. ءور‑ا‑نسكار ف‑ا‑نترضو بنادم والاينّي ار‑نسكار ف‑ا‑نرضو ربّي لّي‑يتارمن ءول‑نّغ.


ءيمّا غيلاد راد‑باهرا‑نتالغ اگلّيد لّي‑يدومن. ءور‑را‑يمّت ءولا ءيژرا‑ت يان. نتّان واحدوت ا‑يگان ربّي، ييلي‑اس لمجد د‑لوقر، غيلاد ءولا كولّو مايد‑د‑يفتان، امين.


نتّان واحدوت ا‑بدّا‑يدّرن، ءيزدغ غ‑تيفاوت لّي‑س‑ور‑يژضار يان ا‑ن‑سرس‑ياكمور. ءور‑جّو‑ت‑يژري يان ءولا ءيژضار يان ا‑ت‑يژر. نتّان ا‑مي‑يلّا لمجد د‑لقوّا، غيلاد ءولا كولّو مايد‑د‑يفتان، امين.


ءيمّا كيّي، ءيلّا فلّاك ا‑تسّلمادت مدّن اد‑سكارن كولّو س‑ما‑د‑يمشاشكان د‑ولمّود يُغژانّ.


سّلماد تيغاوسيوين‑اد ءي‑ايتماتن، ار‑اسن‑تّينيت اد‑سكارن غمكاد، ار‑تشّحشّامت وانّا ءيسكارن ما‑يُخشن س‑لامر لّي‑اك‑يتياوفكان. ا‑ور‑تادجت يان ا‑ك‑يحگر.


سوينگيماد‑د ءيمغارن لّي‑اون‑ين‑سّلكمنين اوال ن‑ربّي، ار‑دي‑تسوينگيمّ لفايتّ ن‑تودرت‑نسن، تامنم اوال ن‑ربّي غمكلّي ءومنّ نتني.


هان ءيلّا ف‑كولّو وينّا زّرينين ءونشك‑اد لّوقت لّي‑تزّريم كونّي، اد‑يژضارن اد‑سّلمادن وييّاض. ءيمّا كونّي، هاتي سول تحتاجّام ماد‑اون‑يسّلمادن تينباضين تيمزوورا ن‑وغاراس ن‑ربّي. ها‑كونّي سول‑كُن‑يخصّا‑وكُّفاي، ءور‑تا‑تژضارم ءي‑ومشّو.


واي‑ايتما عزّانين، سوانگمات غ‑ماياد: ءيلّا ف‑كود يان ا‑ييفسوس ا‑يسفلد، ييژّاي ا‑يساول، ييژّاي ا‑ور‑يقلاقل.


ءيغ‑يلّا كرا ن‑يان ءيغالن ءيزد امومن ا‑يگا والاينّي ءور‑ا‑يتنباض غ‑يلس‑نس، هاتين ءيجلا د‑يخف‑نس. ليمان‑نس ءور‑يگي يات.


سكارات افولكي غ‑گر‑ويلّي ءور‑سّينّين ربّي. واخّا ءيغ‑ا‑گيگون‑رگّمن راد‑ژرن ءيس‑يفولكي كولّو ما‑تسكارم، ءينين ءيلمّا ءيزد ربّي اد‑دار لحقّ غ‑واسّ لّي‑غ‑را‑د‑ياشك ا‑يوت لحوكم.


فكات ءيخف‑نّون ءي‑لماسيح زوند ءيژران دّرنين، باش ا‑سرون‑يبنّو يات‑تگمّي ن‑رّوح، ا‑ن‑گيس‑تسراسم غ‑لگدّام ن‑ربّي تيوافكيو ن‑رّوح لّي‑س‑را‑يترضو اشكو ار‑اس‑تنتي‑تاكّام س‑يسم ن‑ياسوع لماسيح.


ءيلّا ف‑كرايگاتّ يان ا‑يسكار س‑توافكا ن‑رّوح نّا‑ياس‑يفكا ربّي، ار‑سرس‑يتعاوان وييّاض س‑نّييت ن‑وول‑نس، باش ا‑كولّو‑تّمعاوانم ءي‑نگراتون س‑لباراكات ن‑ربّي لّي‑گّوتنين.


والاينّي ءيغ‑يرفوفن ف‑سّيبت ن‑ما‑يگا اماسيحي، ءيلّا فلّاس ا‑ور‑يحشم، والاينّي ا‑يالغ ربّي اشكو مدّن ار‑اس‑تگّان ءيسم لّي‑يگان وين لماسيح.


نتّان ا‑مي‑تلّا لقوّا غيلاد ءولا كولّو مايد‑د‑يفتان، امين.


Lean sinn:

Sanasan


Sanasan