1 bṭrus 4:10 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁰ ءيلّا ف‑كرايگاتّ يان ا‑يسكار س‑توافكا ن‑رّوح نّا‑ياس‑يفكا ربّي، ار‑سرس‑يتعاوان وييّاض س‑نّييت ن‑وول‑نس، باش ا‑كولّو‑تّمعاوانم ءي‑نگراتون س‑لباراكات ن‑ربّي لّي‑گّوتنين.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁰ illa f‑kraygatt yan a‑iskar s‑twafka n‑rruḥ nna‑yas‑ifka rbbi, ar‑srs‑itɛawan wiyyaḍ s‑nniyt n‑uwl‑ns, baš a‑kullu‑ttmɛawanm i‑ngratun s‑lbarakat n‑rbbi lli‑ggutnin.

1 bṭrus 4:10 Iomraidhean Croise

matta 20:28

ءولا نكّي لّي‑يگان يوس ن‑بنادم، ءور‑د‑وشكيغ اد‑فلّا‑تخدامن مدّن. ءوشكيغ‑د اد‑تخدامغ، فكغ تودرت‑ينو اد‑فوكّوغ ما‑يگّوتن.»

matta 24:14

را‑تّبرّاحم غ‑كولّو دّونيت س‑لخبار ءيفولكين ن‑تگلديت ن‑يگنّا ارد لكمنت توگّا‑نّون كرايگاتّ تامازيرت. غاكودان ا‑را‑د‑يروح ءيسيگُّرا.

matta 24:21

اشكو را‑تيلي‑تنوكموت غ‑ووسّان‑ان، ءور‑جّو‑تلّي زوند نتّات زغ‑يسيزوار ن‑دّونيت سول س‑غيلاد، ءولا راد‑داغ‑تيلي زوند نتّات.

matta 24:45

«مانوا ءيگان اخدّام ءيفولكين باب‑لعاقل؟ نتّان ا‑مي‑را‑يفل سيديس تيگمّي غ‑دّو‑وفوس‑نس، باش ا‑ياكّا ءي‑يخدّامن ياضني اد‑شتّان كرايگاتّ يان غ‑تاساعت‑نس.

matta 25:17

غمكاد ا‑يسكر ءولا غوالّي دار سنات لوزنات، ءيرار‑د سرسنت سنات ياضني.

matta 25:44

غاكودان را‑يّي‑سقسان ءولا نتني ‹ماناگو ا‑سيدي ا‑ك‑نژرا ياغ‑ك لاژ نغد ءيريفي، نغد تگيت اغريب نغد ياغ‑ك‑وسمّيض نغد توضنت نغد تلّيت غ‑لحبس ءور‑ن‑دارك‑نوشكي ا‑ك‑نعاون؟›

marqus 10:45

ءولا نكّي لّي‑يگان يوس ن‑بنادم، ءور‑د‑وشكيغ اد‑فلّا‑تخدامن مدّن. ءوشكيغ‑د اد‑تخدامغ، فكغ تودرت‑ينو اد‑فوكّوغ ما‑يگّوتن.»

luqa 12:42

ءيساول سيديتنّغ ييني: «مانوا ءيگان اخدّام ءيفولكين باب لّعاقل؟ نتّان ا‑مي‑را‑يفل سيديس تيگمّي‑نس باش ا‑ياطّو ف‑يخدّامن ياضني اد‑شتّان، كرايگاتّ يان غ‑تاساعت‑نس.

luqa 19:13

لّيغ ءور‑تا‑يدّي ءيغرا‑د ءي‑مراو ءيخدّامن‑نس س‑دارس، ءيفك ءي‑كرايگاتّ يان گيسن يان‑وقاريد ن‑وورغ، ييني‑اسن: ‹زايدات ار‑تساغم ار‑تزّنزام ارد‑د‑وورّيغ.›

luqa 8:3

تيلي يووانّا تامغارت ن‑خوزي لّي‑يگان امغار غ‑تگمّي ن‑وگلّيد هيرودوس. تيلي سوسانّا د‑تييّاض گّوتنين، ار‑تعاوانّت ياسوع د‑يمحضارن‑نس زغ‑ما‑يگان وينسنت.

ruma 15:25

ءيمّا غيلاد راد‑دّوغ زوار س‑وروشاليم اد‑عاونغ ءيمژلاين ن‑ربّي غين.

ruma 15:27

ءيبايّن‑اسن ءيس‑يفولكي اد‑سكرن ماياد، اشكو ءيلّا فلّاسن نتني ن‑ايت‑تميزار ياضني اد‑رارن لخير ءي‑ايت‑يودايا. ءيقّان‑تن‑د ا‑تن‑تعاوانّ س‑لباراكات ن‑دّات، اشكو ءومژن زغ‑دارسن لباراكات ن‑رّوح.

1 kurintus 15:10

والاينّي ربّي ءيسكر‑يّي افولكي ءيفك‑يّي اد‑گغ ماد‑گيغ غيلاد. ءورد بلا لفايتّ اد‑يّي‑يسكر افولكي، اشكو وورّيغ ار‑تخدامغ ءوگُّار ن‑كولّو وييّاض، واخّا ءورد نكّي ا‑ت‑يسكارن والاينّي لباراكا ن‑ربّي لّي‑داري‑يلّان.

1 kurintus 3:10

ربّي ءيبارك گيگي ءيفك‑يّي ا‑ن‑دارون‑سرسغ لّساس زوند ءيغ‑گيغ لمعلّم ابنّاي. غيلاد ار‑فلّاس‑بنّون مدّن ياضني، والاينّي ءيلّا ف‑كود يان ا‑ستّ‑يتاوي غ‑مامنك ا‑يبنّو.

1 kurintus 4:7

اشكو ما‑ك‑يبضان د‑وييّاض؟ ما‑دارك‑يلّان بلا‑ياك‑ت‑يفكا ربّي؟ والاينّي لّيغد ربّي اد‑اك‑ت‑يفكان، ماخ ايلّيغ ا‑تسّفورّوگت زوند ءيغد ءيخف‑نّك ا‑د‑يكّا؟

2 kurintus 6:1

س‑يسم ن‑ربّي لّي‑د‑نخدم، نضالب‑كُن ا‑ور‑تادجم رّحمت‑نس لّي‑س‑تومنم ا‑تضر بلا لفايتّ غ‑دارون.

2 kurintus 9:1

ءور‑يّي‑يخصّا اد‑زايدغ اراغ‑اون‑ين ف‑لمعاونت لّي‑را‑ناوي ءي‑يمژلاين غ‑وروشاليم،

afsus 3:8

واخّا مژّيغ باهرا غ‑گر كولّو ءيمژلاين ن‑ربّي، ءيفكا‑يّي لباراكا‑ياد اد‑تبرّاحغ ءي‑ايت‑تميزار ن‑دّونيت ف‑تميخار لّماسيح لّي‑وگُرنين كولّو ءيسوينگيمن ن‑بنادم.

afsus 4:11

نتّان ا‑يفكان ءي‑كرا گينّغ اد‑گن ءيرقّاسن‑نس، ءيفك ءي‑وييّاض اد‑ساوالن س‑ماد‑اسن‑يمالا ربّي، ءيفك ءي‑وييّاض اد‑تبرّاحن س‑لخبار ءيفولكين، ءيفك ءي‑وييّاض اد‑تگابالن ار‑سّلمادن مدّن‑نس

2 timutaws 1:18

ضالبغ سيديتنّغ اد‑اس‑يسّيگت رّحمت غ‑واسّ لّحساب. تسّنت مامنك ا‑يّي‑يعاون باهرا ءولا غ‑تمدينت ن‑افسوس.

tiṭus 1:7

ءيقّان‑د انگابال ا‑يگ واد غ‑ور‑اكُّ‑يلّي كرا لّعيب اشكو تاووري ن‑ربّي ا‑را‑يگابل. ا‑ور‑يگ واد ءيتحگارن وييّاض نغد واد ءيتقلاقالن نغد واد باهرا ءيسّان تيسّي ءيكتين نغد واد ءيتمّاغن نغد واد ءيتّيرين ا‑يسّمون ما‑يگّوتن ءي‑يخف‑نس.

iɛbrin 6:10

نتّان، س‑لحقّ ا‑س‑ا‑يتحكام. ءور‑را‑يتّو تاووري لّي‑تسكرم ءولا ءيتّو مامنك ا‑توسيم ءيسم‑نس س‑لفرح تعاوانم ءيمژلاين‑نس، ار‑تن‑سول‑تّعاوانم.

1 bṭrus 5:10

والاينّي ربّي لّي‑بدّا‑يران اد‑اغ‑يبارك، ءيغرا‑ياون‑د ا‑تكشمّ س‑لمجد‑نس ءيدومن غ‑تامونت لّماسيح. تيگيرا ن‑ما‑ترفوفنم يان ءيميكّ، را‑كُن‑ياوي س‑سّلامت ءيكمّلن ءيسّدوس‑كُن ءيزّگا‑كُن ءيسّبيدّ‑كُن ف‑لّساس ءيصحان.

1 bṭrus 5:12

تابرات‑اد ءيگزّولن ءوريغ‑اون‑تّ‑ين ف‑وفوس ن‑سيلوانوس لّي‑داري‑يگان گما ءيفولكين ءيزگان. اراغ‑تّ‑ين باش ا‑كُن‑زّعامغ، ملغ‑اون ءيزد غمكاد ا‑تگا لباراكا ن‑ربّي س‑لحقّ. زگايات غ‑لباراكا‑ياد.