1 bṭrus 3:8 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ ءيمّا غيلاد راد‑اون‑ينيغ، ا‑كولّو‑تگم يان غ‑ما‑تسوينگيمّ ءولا ما‑س‑ا‑تسّحسّوم، ار‑تّحوبّوم ءي‑نگراتون س‑تايري ن‑ايتماتن، ار‑دي‑تّادرم ءي‑يخف‑نّون ار‑تّحنّوم ءي‑نگراتون.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ imma ġilad rad‑awn‑iniġ, a‑kullu‑tgm yan ġ‑ma‑tswingimm ula ma‑s‑a‑tssḥssum, ar‑ttḥubbum i‑ngratun s‑tayri n‑aytmatn, ar‑di‑ttadrm i‑ih̬f‑nnun ar‑ttḥnnum i‑ngratun.

1 bṭrus 3:8 Iomraidhean Croise

matta 18:33

ءيس‑ور‑فلّاك‑يلّي ءولا كيّي ا‑تحنّوت زغ‑گماك غمكلّي زگيك حنّاغ نكّي؟›

luqa 10:33

والاينّي ها‑يان‑وبرّاني گو‑ساميرا ءيمودّا ءولا نتّا، ءيروح‑د ارگاز‑ان. لّيغ‑ت‑يژرا ءيقاما گيس باهرا.

irqqasn 2:1

زرين‑ووسّان ايلّيغ‑د‑يروح لعيد ن‑وين سمّوس ءيد‑مراو. مونّ كولّوتن غ‑يات‑تگمّي.

irqqasn 27:3

نديد ازكّا نلكم لمرسا ن‑صايدا. يوليوس ءيسكر لخير غ‑بولُس، يادج‑ت ا‑يدّو س‑دار ءيمدّوكُّال‑نس غ‑تمدينت‑ان باش اد‑اس‑فكن ما‑ت‑يخصّان.

irqqasn 28:7

ءيلين كرا ن‑يگران غ‑تسگا لّي‑غ‑نلّا، گان وين لحاكم ن‑يگزير‑ان ءيسم‑نس بوبليوس. ءيشّكشم‑اغ س‑تگمّي‑نس ءيگ‑اغ د‑ينبگيون‑نس كراض‑ووسّان.

irqqasn 4:32

كولّو ءيمومنّ، يان اد‑گان غ‑ماد‑سوينگيمن ءولا ما‑س‑ا‑سّحسّون. ءور‑يلّي ما‑يتّينين تيغاوسيوين‑نس غير تينس اد‑گانت، والاينّي كود يان ار‑ياطّو اينّا دارس ءيلّان د‑وييّاض.

ruma 12:10

تحوبّوات ءي‑نگراتون غمكلّي تمحوبّون ايتماتن، ار‑يتّيري كرايگاتّ يان ا‑يوقّر وايّاض ءوگُّار ن‑يخف‑نس.

ruma 15:5

ضالبغ ربّي لّي‑ياكّان صّبر د‑زّعامت، اد‑اون‑يفك ا‑بدّا‑دي‑تّمشاشكام ءي‑نگراتون غ‑تامونت لّماسيح ياسوع،

1 kurintus 1:10

واي‑ايتما، را‑كُن‑ضالبغ غيلاد س‑يسم ن‑سيديتنّغ ياسوع لماسيح، ا‑د‑كولّو‑تمشاشكام بلا‑دا‑تاطّوم ءي‑نگراتون. ءيلّا فلّاون ا‑تگم يان غ‑يسوينگيمن‑نّون د‑تنباضين‑نّون.

1 kurintus 12:26

ءيغ‑يلّا يان‑وگزّوم يوضن، راد‑اضنّ ءيگزمان كولّوتن. ءيغ‑يتياووقّار يان‑وگزّوم، راد‑فرحن ءيگزمان كولّوتن.

afsus 4:2

ژّيمژايات ءيخف‑نّون ار‑تّرخوم ار‑تّصبارم ار‑تّحنّوم ءي‑نگراتون.

afsus 4:31

ا‑ور‑تّژيم ءولا‑دا‑تّمّاغم ءولا‑دا‑تّكرهوم يان. ا‑ور‑ترگّمّ ءولا‑دا‑تّغوّاتم ءولا‑دا‑تّنوّاشم غ‑يان.

afsus 4:32

ءيلّا فلّاون ا‑تّحنّوم ار‑تّفولكيم ار‑تّصاماحم ءي‑نگراتون غمكلّي‑اون‑يصامح ربّي ف‑سّيبت لّماسيح.

filibbi 2:3

ا‑ور‑تسكارم كرا ف‑ا‑تزّوورم ءيخف‑نّون ءولا‑دا‑تّيريم ا‑تملم ءيس‑تگام كرا، والاينّي ژّيمژايات ءيخف‑نّون ار‑بدّا‑تّگّام وييّاض د‑ما‑كُن‑يوفن.

filibbi 3:16

ءيمّا غيلاد ءيلّا فلّانّغ ا‑بدّا‑نسكار س‑تنباضين لّي‑نلمد.

kulussi 3:12

كونّي، ءيمژلاين ن‑ربّي ا‑تگام. ءيرا‑كُن ءيژلي‑كُن ا‑تگم وينس. ف‑مايان ا‑ف‑كُن‑د‑يقّان ا‑تعمّرم س‑لحنانت، ار‑تّمعاوانم ار‑تژّيمژايم ءيخف‑نّون، ار‑تّرخوم ار‑تّصبارم ءي‑نگراتون

iɛbrin 13:1

زايدات ار‑بدّا‑تّحوبّوم ءي‑نگراتون غمكلّي تمحوبّون ايتماتن.

yaɛqub 2:13

اشكو وانّا ءور‑يتصاماحن، را‑فلّاس‑يحكام ربّي بلا‑ياس‑يصامح. ءيمّا وانّا ءيتصاماحن، ءور‑را‑ت‑يلكم لحوكم.

yaɛqub 3:17

والاينّي يان دار تاحكيمت لّي‑د‑يكّان ءيگنّا، غمكاد ا‑را‑يگ. امزوارو ءيغوس‑وول‑نس، ييري سّلامت، ار‑يترخو د‑مدّن، ار‑سرسن‑يسفليد، ار‑گيسن‑يتحنّو، ار‑د‑يتاوي صّابت ن‑وفولكي. ءور‑ا‑يسكار س‑وودماون ءولا‑دا‑يسكار زوند ءيغ‑يگا كرا ءور‑يگي.

yaɛqub 5:11

نگا‑تن د‑يمباركين اشكو صبرن سول زگان. تسفلدم كونّي ف‑ايّوب غمكلّي ءيصبر ءيزگا، تيسّانم مامنك ا‑ت‑يبارك سيدي ربّي تيگيرا. اشكو سيديتنّغ ار‑باهرا‑يتحنّا ار‑بدّا‑يسكار افولكي.

1 bṭrus 1:22

هاتي تسّغوسم ءولاون‑نّون لّيغ تومژم اغاراس لّحقّ، ار‑تّحوبّوم ايتماتون س‑نّييت ءيصفان. ءيمّا غيلاد، تحنّوات ءي‑نگراتون زغ‑تّمي ن‑وول‑نّون.

1 bṭrus 2:17

ءوقّرات كولّو مدّن، ار‑تّيريم ايتماتون غ‑لماسيح. تاويات‑ستّ باهرا غ‑ربّي، ار‑تّوقّارم اگلّيد.

1 bṭrus 5:5

غمكان ءولا كونّي ا‑يعيّالن، ءيلّا فلّاون ا‑تسفليدم س‑يمغارن‑نّون. بكيسات كولّوكن س‑تبانّكا ن‑صّبر باش ا‑تّخدامّ ءي‑نگراتون. اشكو ءيتيارا: «ربّي ار‑يتضاضّا وانّا ءيسّيمغورن ءيخف‑نس، ار‑يتباراك وانّا ءيژّيمژاين ءيخف‑نس.»

2 bṭrus 1:7

تزايدم ف‑مايان ا‑باهرا‑تّحوبّوم مدّن، تزايدم ف‑مايان ا‑بدّا‑تحنّوم غ‑وييّاض.

1 yuḥanna 3:14

والاينّي نسّن ءيس‑نزري نكُّني زغ‑لموت س‑تودرت، اشكو تلّا گينّغ تايري ن‑ايتماتنّغ. والاينّي يان ءور‑يتّيرين ايتماس، هاتي سول ءيقاما غ‑لموت.