1 bṭrus 3:5 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ اشكو غمكان ا‑ستّين كّانت‑تمغارين تيمومنين لّي‑ترجونين غ‑ربّي غايد ءيزرين. غمكان ا‑س‑ا‑سّفولكينت ءيخفاون‑نسنت ار‑سفليدنت س‑يرگازن‑نسنت.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ ašku ġmkan a‑sttin kkant‑tmġarin timumnin lli‑trjunin ġ‑rbbi ġayd izrin. ġmkan a‑s‑a‑ssfulkint ih̬fawn‑nsnt ar‑sflidnt s‑irgazn‑nsnt.

1 bṭrus 3:5 Iomraidhean Croise

luqa 2:37

تيلي دارس تام ءيد‑مراو د‑كّوژ (84) ن‑وسگُّاس. ءور‑ا‑تّفّوغ تيگمّي ن‑ربّي، ار‑گيس‑تّعباد ربّي ار‑تّاژوم ار‑تي‑تّضالاب غ‑ييض ءولا ازال.

irqqasn 1:14

ار‑كولّو‑تمونون س‑يان‑وول اد‑تژالّان ار‑تضالابن ربّي، نتني د‑تمغارين‑نسن د‑ايتماس ن‑ياسوع د‑ينّاس ماريام.

irqqasn 9:36

تلّا يات‑تمحضارت لّماسيح غ‑تمدينت ن‑يافّا، ءيسم‑نس طابيتا. تگا لمعنا ن‑يسم‑نس ‹تاژنكطّ›. نتّات ار‑بدّا‑تسكار افولكي غ‑مدّن ار‑تّعاوان ءيمژلاض.

afsus 5:33

والاينّي ءيملا‑ياغ‑داغ ءيس‑يلّا ف‑كرايگاتّ يان گيگون ا‑بدّا‑يتحنّو غ‑تمغارت‑نس زوند ءيخف‑نس، ييلي ف‑تمغارت ا‑بدّا‑تسفليد س‑ورگاز‑نس.

1 timutaws 2:10

والاينّي س‑يفولكيتن لّي‑سكارنت غمكلّي‑د‑يقّان تيمغارين لّي‑توقّارنين ربّي.

1 timutaws 2:15

والاينّي را‑تنجم‑تمغارت س‑تلاليت ن‑تاروا ءيغ‑ا‑تّقاما غ‑ليمان ار‑تّحنّو غ‑وييّاض ار‑تّزگا غ‑يخف‑نس س‑وول ءيغوسن.

1 timutaws 5:10

ار‑تّي‑تالغن مدّن ف‑لخير لّي‑تسكار، تربّو تاروا‑نس ف‑ما‑يفولكين، ار‑تسّمرحبا س‑ويلّي تمودّونين ار‑تّقاسا ءيمژلاين ن‑ربّي، ار‑تّعاوان وينّا لّانين غ‑تنوكموت، ار‑ن‑بدّا‑تّگّا تيقّي‑نس ا‑تسكار افولكي د‑كولّو مدّن.

1 timutaws 5:5

ءيمّا تاهجّالت نّا‑يقامان واحدوتّ بلا يان، تگا رّجا‑نس غ‑ربّي ار‑اس‑تّژالّا ار‑زگيس‑تّضالاب غ‑ييض ءولا ازال.

iɛbrin 11:11

ف‑سّيبت ن‑ما‑يومن ربّي ا‑ف‑يورو غ‑تيزي لّي‑غ‑ور‑ا‑يتارو يان، ءولا تژضار‑تمغارت‑نس سارا ا‑تربّو. يوورّي ءيگا باباس ن‑يان‑وارّاو، اشكو يومن ءيس‑يزگا ربّي غ‑واوال‑نس.

1 bṭrus 1:3

ار‑باهرا‑نتالغ ربّي باباس ن‑سيديتنّغ ياسوع لماسيح، اشكو س‑رّحمت‑نس ءيگّوتن ا‑س‑اغ‑يفكا ا‑نلال تالاليت ن‑تودرت لّجديد. ءيعمّر‑اغ س‑رّجا ءيدّرن لّيغ‑د‑يسّنكر ياسوع لماسيح زغ‑لموت.