1 bṭrus 3:4 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ والاينّي ءيخصّا ا‑يگ‑وفولكي‑نّونت افولكي ءينتلن ن‑وول ءيهنّان ءيعمّرن س‑لحنانت. ءور‑سار‑يضر‑وفولكي‑اد، ءيعزّو باهرا دار ربّي.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ walaynni ih̬ṣṣa a‑ig‑ufulki‑nnunt afulki intln n‑uwl ihnnan iɛmmrn s‑lḥnant. ur‑sar‑iḍr‑ufulki‑ad, iɛzzu bahra dar rbbi.

1 bṭrus 3:4 Iomraidhean Croise

matta 11:29

گات‑ن فلّاون ءيحلاسن‑ينو ار‑زگيگي‑تّلمادم، اشكو ءيهنّا‑وول‑ينو ءيعمّر س‑صّبر، تافم گيگي اسونفو ءي‑يخف‑نّون.

matta 21:5

«ءينيات ءي‑تمدينت ن‑ايت‑ربّي، هاي‑اگلّيد‑نّم يوشكا‑د سرم. يودر ءي‑يخف‑نس، ءيني ف‑وغيّول ءولا ف‑وسنوس ن‑تغيّولت.»

matta 23:26

واي‑افاريسي ابوكاض، سّغوس زوار لكاس ءولا تيمكيلت زغ‑وگُنس، ءيغوس ءيلمّا ءولا برّا.

matta 5:5

ءيمباركين اد‑گان غويلّي تصبارنين، اشكو نتني ا‑را‑يشّكشم ربّي س‑كولّو تيميخار‑نس.

luqa 11:40

وا‑ينافالن، ربّي لّي‑يسكرن برّا، ءيس‑ورد نتّان ا‑يسكرن اگُنس؟

luqa 16:15

ءيمّا نتّا ءيرور‑اسن: «ها‑كونّي ار‑تمالام ءيخفاون‑نّون غ‑لگدّام ن‑مدّن باش ا‑فلّاون‑تّينين تفولكيم، والاينّي ربّي ءيسّن ما‑يلّان غ‑وولاون‑نّون. اشكو غايلّي ءيعزّان دار مدّن، تاجلخيت ا‑يگا دار ربّي.

ruma 1:23

ءونفن ءي‑ربّي لّمجد لّي‑بدّا‑يلّان، ار‑تعبادن تيغاوسيوين لّي‑سكارن س‑يفاسّن‑نسن ار‑تنت‑سّرواسن س‑بنادم لّي‑يتمتاتن د‑يگضاض د‑لوحوش د‑يبنكالن.

ruma 2:29

ا‑يگان گو‑يودايا س‑لحقّ د‑والّي ءيسّغوسن ءول‑نس. ءيسّغوس‑ت س‑تحكيمت ن‑رّوح لقودوس ءورد س‑وارّاتن ن‑شّرع، ءيبدّل زغ‑وگُنس‑نس ءورد برّا‑نس. وانّا ءيسكارن غمكاد، ءورد بنادم ا‑را‑ت‑يالغ والاينّي ربّي ا‑را‑ت‑يالغ.

ruma 6:6

نسّن مايد‑اغ‑يجران. ءيمّوت زغ‑گينّغ بنادم اقديم لّي‑ستّين‑نكّا نگا‑ت. ءيمّوت د‑لماسيح ف‑وگّجدي باش ا‑تيتّي لقوّا ن‑دّنوب زغ‑وول‑نّغ ا‑ور‑سول‑نگ ءيسمگان ءي‑دّنوب.

ruma 7:22

غ‑وول‑ينو ار‑تفراحغ س‑تنباضين ن‑ربّي،

2 kurintus 10:1

ءيمّا غيلاد را‑كُن‑ضالبغ نكّي بولُس س‑يسم لّماسيح لّي‑بدّا‑يحنّان ءيصبر د‑كود يان، اشكو ار‑فلّا‑تّينين كرا ن‑مدّن ءيس‑ضعفغ غاكود نّا‑دارون‑لّيغ، شقوغ ديدون غاكود نّا‑فلّاون‑اگّوگغ.

2 kurintus 4:16

مايان ا‑ف‑ور‑اكُّ‑ا‑نترماي. واخّا دا‑تّضعاف دّات‑نّغ، ار‑يتدوس‑وول‑نّغ اسّ ف‑واسّ.

گالاطيّا 5:23

ار‑ديدسن‑نترخو ار‑بدّا‑نقُّاي غ‑يخف‑نّغ. هاتي وان تيغاوسيوين‑اد، ءور‑يلّي كرا ن‑شّرع تنت‑ياگُين.

afsus 4:2

ژّيمژايات ءيخف‑نّون ار‑تّرخوم ار‑تّصبارم ار‑تّحنّوم ءي‑نگراتون.

kulussi 3:12

كونّي، ءيمژلاين ن‑ربّي ا‑تگام. ءيرا‑كُن ءيژلي‑كُن ا‑تگم وينس. ف‑مايان ا‑ف‑كُن‑د‑يقّان ا‑تعمّرم س‑لحنانت، ار‑تّمعاوانم ار‑تژّيمژايم ءيخف‑نّون، ار‑تّرخوم ار‑تّصبارم ءي‑نگراتون

kulussi 3:3

اشكو تمّوتم ف‑تودرت لّي‑يزرين، ترگس تودرت‑نّون لّجديد غ‑دار ربّي غ‑يلّيغ ءيرگس لماسيح.

1 tasaluniki 4:11

ءيريات ا‑بدّا‑طّرّحم ار‑تّلهوم س‑تووري ن‑يخف‑نّون ار‑تّخدامّ س‑يفاسّن‑نّون، غمكلّي‑اون‑ننّا غايد ءيزرين.

2 tasaluniki 3:12

زوند غوين، را‑تن‑نوصّا غيلاد س‑يسم ن‑سيديتنّغ ياسوع لماسيح، ننصح‑تن اد‑تخدامن اسّ ف‑واسّ باش اد‑امژن ماد‑شتّان ف‑تووري لّي‑سكارن.

1 timutaws 2:2

ءيلّا فلّاسن اد‑تژالّان ف‑يگلدان ءولا كولّو ويلّي تحكامنين، باش ا‑ندّر س‑لهنا د‑سّلامت نسكر افولكي ءولا كولّو ما‑يرا ربّي.

2 timutaws 2:25

س‑لحنانت ا‑س‑را‑يمالا لحقّ ءي‑وينّا‑ت‑ضاضّنين، ءيرجو‑ن غ‑ربّي اد‑اسن‑يرار اد‑فلن كولّو ما‑يُخشنّ وورّين ءيسّانّ لحقّ،

tiṭus 3:2

تينيت‑اسن ا‑ور‑رگمن غ‑يان ءولا ژين د‑يان. ءيلّا فلّاسن اد‑تصبارن ار‑ترخون د‑كولّو مدّن.

yaɛqub 1:21

كّيسات زغ‑گيگون ءيسكّيرن ركانين ءولا لخُشانت لّي‑يگّوتن غ‑مدّن. تادرات ءي‑يخف‑نّون ار‑تّقبالم اوال لّي‑گيگون‑يتژّو ربّي، اشكو ءيژضار‑واوال‑ان ا‑كُن‑يجّنجم.

1 bṭrus 1:23

اشكو تلولم تالاليت ن‑تودرت لّجديد، ءورد س‑وامود لّي‑يفنّون والاينّي س‑وامود لّي‑ور‑را‑يفنو، ا‑ت‑يگان د‑واوال ن‑ربّي، ءيگ اوال ءيدّرن ءيقاما‑بدّا.

1 bṭrus 3:15

والاينّي گات لماسيح د‑سيديس ن‑وول‑نّون، توجادم غ‑كرايگاتّ تاساعت ا‑دي‑ترارم اوال ءي‑كولّو وانّا‑كُن‑يسقسان ف‑رّجا لّي‑گيگون‑يلّان.