1 bṭrus 3:21 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²¹ مايلّي ءيجران غ‑ووسّان‑ان ءيرواس ءي‑ودوم غ‑وامان لّي‑س‑تنجمّ كونّي، ءورد س‑يريد ن‑يركان ن‑دّات‑نّون والاينّي ءيگا تاماتارت ن‑يس‑يوورّي ءيغوس‑وول‑نّون، تفكم ءيخف‑نّون ءي‑ربّي، تنجمّ ف‑سّيبت ن‑ما‑د‑ينكر ياسوع لماسيح زغ‑لموت.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²¹ maylli ijran ġ‑uwssan‑an irwas i‑udum ġ‑waman lli‑s‑tnjmm kunni, urd s‑irid n‑irkan n‑ddat‑nnun walaynni iga tamatart n‑is‑iwrri iġus‑uwl‑nnun, tfkm ih̬f‑nnun i‑rbbi, tnjmm f‑ssibt n‑ma‑d‑inkr yasuɛ lmasiḥ zġ‑lmut.

1 bṭrus 3:21 Iomraidhean Croise

matta 28:19

دّوات غيلاد س‑كرايگاتّ تامازيرت، ترارم مدّن اد‑گن ءيمحضارن‑ينو، تسّدّمّ‑تن غ‑وامان س‑يسم ن‑بابا د‑يوس د‑رّوح لقودوس،

marqus 16:16

وانّا يومنّ ءيدّم غ‑وامان، هاتي را‑ينجم. وانّا ءور‑يومينّ، را‑فلّاس‑ييلي لحوكم ن‑ربّي.

yuḥanna 13:9

ييني‑اس‑د ءيلمّا سيمعان بطرُس: «ءيغ‑يگا غمكاد ا‑سيدي، ا‑ور‑يّي‑تسيردت غير ءيضارن. سيرد‑يّي ءولا ءيفاسّن د‑وگايّو.»

irqqasn 16:33

ياوي‑تن غ‑تاساعت‑ان غ‑ييض، ءيسيرد‑اسن تيگّاس‑نسن. سّدّمن‑ت ءيلمّا غ‑وامان، نتّا د‑ايت‑تگمّي‑نس كولّوتن.

irqqasn 2:38

ءيساول بطرُس ييني‑اسن: «فلات كولّو ما‑تسكارم يُخشن، ءيدّم كود يان گيگون غ‑وامان س‑يسم ن‑ياسوع لماسيح، اد‑اون‑يصامح ربّي ف‑دّنوب‑نّون ءيفك‑اون لباراكا ن‑رّوح لقودوس.

irqqasn 22:16

ءيمّا غيلاد ماخ ايلّيغ سول تگاورت؟ نكر ا‑ك‑سّدّمغ غ‑وامان، تغرت س‑يسم ن‑سيديتنّغ ا‑ك‑يسّغوس زغ‑دّنوب‑نّك.›

irqqasn 8:36

زايدن سّودون غ‑وغاراس ايلّيغ لكمن يان‑ودغار گيس امان، ييني لوازير ءي‑فيليبّوس: «هاي‑امان. ءيس‑يلّا ما‑راد‑يّي‑يكّيس ا‑يّي‑تسّدّمت؟»

irqqasn 8:37

ييني‑اس فيليبّوس: «ءور‑يلّي ما‑راد‑اك‑ت‑يكّيس ءيغ‑تومنت س‑نّييت ن‑وول‑نّك.» ييني‑اس: «ها‑يّي ءومنغ ءيس‑يگا ياسوع لماسيح يوس ن‑ربّي.»

ruma 5:14

والاينّي ار‑كولّو‑تمتاتن مدّن‑ان. ار‑تن‑تّنرو لموت زغ‑ووسّان ن‑ادام د‑سول غ‑ووسّان ن‑موسا، ار‑تّنرو ءولا غويلّي ءور‑فّوغنين زغ‑كرا ن‑واوال ن‑ربّي غمكلّي ءيفّوغ ادام س‑لمعصيت لّي‑يسكر نتّان. ءيرواس ادام ءي‑ياسوع لّي‑د‑يوشكان تيگيرا‑نس.

1 kurintus 12:13

اشكو ندّم كولّواغ س‑ودوم ن‑يان‑رّوح باش ا‑نوورّي نگ يات‑دّات، نگ‑ييت ايت‑يودايا نغد ايت‑تميزار ياضني، نگ‑ييت ءيسمگان نغد وين ءيخف‑نّغ. كولّواغ زغ‑يان‑رّوح ا‑زغ‑اغ‑يسّوا.

1 kurintus 4:6

واي‑ايتما، ساولغ غمكاد ف‑يخف‑ينو ءولا ف‑ابولُس باش ا‑تيسّانم مامنك ا‑كُن‑يخصّا ا‑تّمنادم غ‑مدّن. ريغ ا‑زگينّغ‑تلمدم «ا‑ور‑تّفّوغم زغ‑ما‑يتياران،» ءولا ءيلّا گيگون ما‑يسّفورّوگن ءولا ما‑يتحگارن.

2 kurintus 1:12

نفرح غيلاد اشكو ءيملا‑ياغ‑وول‑نّغ ءيزد س‑وفولكي ن‑ربّي ا‑س‑ا‑نسكار د‑كولّو مدّن س‑نّييت ءيصفان. ءولا كونّي، غمكان ا‑ديدون‑نسكر، ءورد غير س‑لعاقل ن‑بنادم والاينّي س‑لباراكا ن‑ربّي.

2 kurintus 7:1

واي‑ايتما عزّانين، لّيغ‑اغ‑ينّا ربّي راد‑اغ‑يسكر كولّو ماياد ءيفولكين، ييلي فلّانّغ ا‑نغوس ناگّوگ زغ‑كولّو ما‑را‑يسّركو ءول‑نّغ ءولا دّات‑نّغ. ييلي فلّانّغ ا‑نتياوژلاي ءي‑ربّي س‑وفولكي ءيكمّلن، ار‑باهرا‑نتّيري ا‑ت‑نرضو.

گالاطيّا 3:27

اشكو كولّو وانّا گيگون ءيدّمن س‑ودوم ن‑وامان باش ا‑يمل ءيس‑يگا وين لماسيح، هاتي يوورّي ءيدّر س‑تودرت لّماسيح.

afsus 5:26

باش ا‑ت‑يژلي س‑واوال‑نس، ءيسّغوس‑ت س‑وسيرد ن‑وامان.

kulussi 2:12

اشكو غاكود لّيغ تدّمّ س‑ودوم ن‑وامان، تّياومضالم د‑لماسيح تنكرم‑د ديدس، اشكو تومنم س‑تحكيمت ءيتجهّدن ن‑ربّي لّي‑ت‑يد‑يسّنكرن زغ‑لموت.

1 timutaws 1:5

غمكان ا‑س‑ك‑وصّاغ اشكو ريغ ا‑نزايد ار‑نتعمّار س‑لحنانت ن‑ويلّي دار ءول ءيغوسن ءيسّانّ ءيس‑ور‑گيسن لعيب امنّ س‑لماسيح س‑نّييت ءيكمّلن.

1 timutaws 6:12

بكيس ار‑تكّاتّ تاكرّايت لّيمان، تامژت غ‑تودرت ءيدومن لّي‑س‑اك‑يغرا ربّي لّيغ تنّيت ءي‑يناگان گّوتنين ف‑مامنك ا‑تومنت س‑لماسيح.

iɛbrin 10:22

ءيلّا فلّانّغ ا‑ن‑ناكمور س‑ربّي س‑نّييت ءيكمّلن، نامن راد‑اغ‑يقبل، نغوس زغ‑كولّو دّنوب لّي‑س‑ا‑يسّحسّا‑وول ن‑بنادم، تارود ءولا دّات‑نّغ س‑وامان غوسنين.

iɛbrin 11:19

والاينّي يومن ءيبراهيم ءيس‑يژضار ربّي ا‑د‑يسّنكر ءولا يان ءيمّوتن. ءيسكر‑نّيت ربّي زوند مايان، ءيرار‑اس‑د ءيسحاق زغ‑لموت.

iɛbrin 13:18

ژّالّات ار‑تّضالابم ربّي ف‑سّيبت‑نّغ نكُّني. نسّن ءيس‑يغوس‑وول‑نّغ، نيري ا‑نسكار افولكي غ‑كولّو ما‑نتناوال.

iɛbrin 9:14

والاينّي ءوگُّار ن‑غمكان ا‑راد‑اغ‑يسّغوس لماسيح س‑يدامّن‑نس. اشكو ءيسرس‑ن ءيخف‑نس لّي‑كولّو‑يصفان غ‑لگدّام ن‑ربّي س‑تحكيمت ن‑رّوح لّي‑يدومن. ءيسّغوس ءولاون‑نّغ زغ‑يسكّيرن مّوتنين باش ا‑نوورّي نگ ءيخدّامن ن‑ربّي لّي‑يدّرن.

iɛbrin 9:24

اشكو لماسيح ءور‑يكشيم س‑تحانوت تامژلايت لّي‑يتياوسكارن س‑يفاسّن ن‑بنادم، تگ غير امالو ن‑تالّي ءيلّان غ‑يگنّا. والاينّي س‑يگنّا ا‑س‑يكشم نتّا، ييلي گيس غيلاد، ءيبيدّ ف‑سّيبت‑نّغ غ‑لگدّام ن‑ربّي.

1 bṭrus 1:3

ار‑باهرا‑نتالغ ربّي باباس ن‑سيديتنّغ ياسوع لماسيح، اشكو س‑رّحمت‑نس ءيگّوتن ا‑س‑اغ‑يفكا ا‑نلال تالاليت ن‑تودرت لّجديد. ءيعمّر‑اغ س‑رّجا ءيدّرن لّيغ‑د‑يسّنكر ياسوع لماسيح زغ‑لموت.

1 bṭrus 3:16

والاينّي ساولات ديدس س‑صّبر د‑لوقر ءولا س‑وول ءيغوسن زغ‑كولّو كرا ءيگان لعيب، باش اد‑تحشامن ءينوّاشن‑نّون ءيغ‑ا‑گيگون‑رگّمن ف‑وفولكي لّي‑تسكارم س‑يسم لّماسيح.