1 bṭrus 3:16 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁶ والاينّي ساولات ديدس س‑صّبر د‑لوقر ءولا س‑وول ءيغوسن زغ‑كولّو كرا ءيگان لعيب، باش اد‑تحشامن ءينوّاشن‑نّون ءيغ‑ا‑گيگون‑رگّمن ف‑وفولكي لّي‑تسكارم س‑يسم لّماسيح.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁶ walaynni sawlat dids s‑ṣṣbr d‑luqr ula s‑uwl iġusn zġ‑kullu kra igan lɛib, baš ad‑tḥšamn inuwwašn‑nnun iġ‑a‑gigun‑rggmn f‑ufulki lli‑tskarm s‑ism l‑lmasiḥ.

1 bṭrus 3:16 Iomraidhean Croise

matta 5:11

ءيمباركين ا‑تگام ءيغ‑كُن‑رگمن مدّن سّرفوفنّ‑كُن ءينين فلّاون كولّو ما‑يُخشنّ س‑تكركاس ف‑سّيبت ن‑ما‑تگام وينو.

irqqasn 24:16

مايان ا‑ف‑ا‑ن‑تگّاغ تيقّي‑نو باش ا‑بدّا‑يغوس‑وول‑ينو زغ‑كولّو ما‑يگان لعيب غ‑يژري ن‑ربّي ءولا وين بنادم.

irqqasn 28:22

والاينّي نرا اد‑اغ‑تملت ءيسوينگيمن‑نّك، اشكو نسفلد ءيس‑ا‑تّينين مدّن غ‑كرايگاتّ ماني ءور‑يشوي‑وغاراس‑ان.»

ruma 9:1

لحقّ ايد‑اون‑تّينيغ س‑يسم لّماسيح، ءور‑ا‑سّكيركيسغ. سّنغ ماياد غ‑وول‑ينو لّي‑غ‑ا‑يتحكام رّوح لقودوس:

2 kurintus 1:12

نفرح غيلاد اشكو ءيملا‑ياغ‑وول‑نّغ ءيزد س‑وفولكي ن‑ربّي ا‑س‑ا‑نسكار د‑كولّو مدّن س‑نّييت ءيصفان. ءولا كونّي، غمكان ا‑ديدون‑نسكر، ءورد غير س‑لعاقل ن‑بنادم والاينّي س‑لباراكا ن‑ربّي.

2 kurintus 4:2

ناگّوگ زغ‑كولّو ما‑يگان لعيب ءينتلن ءيشّحشّامن. ءور‑ا‑نزّراي كرا ف‑يان س‑تكركاس ءولا‑دا‑نتبدّال اوال ن‑ربّي س‑لغُشّ، والاينّي ار‑بدّا‑نتّيني لحقّ ءي‑كولّو مدّن غ‑لگدّام ن‑ربّي، باش اد‑يسّانّ غ‑وول‑نسن ءيزد افولكي ا‑نسكار.

1 timutaws 1:19

زّگا ءيخف‑نّك غ‑وغاراس لّماسيح، د‑ا‑ور‑تادجت كرا يُخشنّ ا‑يكشم س‑وول‑نّك. هان كرا ن‑مدّن ءور‑ا‑ستّي‑تاوين غ‑ماد‑اسن‑يمالا‑وول‑نسن. د‑غايان ا‑ف‑ا‑ترژّا تاناوت لّيمان‑نسن،

1 timutaws 1:5

غمكان ا‑س‑ك‑وصّاغ اشكو ريغ ا‑نزايد ار‑نتعمّار س‑لحنانت ن‑ويلّي دار ءول ءيغوسن ءيسّانّ ءيس‑ور‑گيسن لعيب امنّ س‑لماسيح س‑نّييت ءيكمّلن.

2 timutaws 1:3

ار‑تشكارغ ربّي لّي‑مي‑تخدامغ س‑وول ءيغوسن زوند ءيمزوورا‑نو لّي‑زرينين. ار‑ك‑يد‑سوينگيمغ غاكود نّا‑تژالّاغ غ‑ييض ءولا ازال.

tiṭus 2:8

س‑يواليون أُغژانّين لّي‑ف‑ور‑يژضار يان ا‑فلّاسن‑يژي. ءيغ‑ا‑تسكارت غمكان را‑يتحشام وانّا ءيران ا‑ك‑يضاضّ، اشكو ءور‑را‑ياف ما‑فلّانّغ‑يتّيني يُخشن.

iɛbrin 13:18

ژّالّات ار‑تّضالابم ربّي ف‑سّيبت‑نّغ نكُّني. نسّن ءيس‑يغوس‑وول‑نّغ، نيري ا‑نسكار افولكي غ‑كولّو ما‑نتناوال.

iɛbrin 9:14

والاينّي ءوگُّار ن‑غمكان ا‑راد‑اغ‑يسّغوس لماسيح س‑يدامّن‑نس. اشكو ءيسرس‑ن ءيخف‑نس لّي‑كولّو‑يصفان غ‑لگدّام ن‑ربّي س‑تحكيمت ن‑رّوح لّي‑يدومن. ءيسّغوس ءولاون‑نّغ زغ‑يسكّيرن مّوتنين باش ا‑نوورّي نگ ءيخدّامن ن‑ربّي لّي‑يدّرن.

1 bṭrus 2:12

سكارات افولكي غ‑گر‑ويلّي ءور‑سّينّين ربّي. واخّا ءيغ‑ا‑گيگون‑رگّمن راد‑ژرن ءيس‑يفولكي كولّو ما‑تسكارم، ءينين ءيلمّا ءيزد ربّي اد‑دار لحقّ غ‑واسّ لّي‑غ‑را‑د‑ياشك ا‑يوت لحوكم.

1 bṭrus 2:15

اشكو ربّي ءيرا گيگون ا‑بدّا‑تسكارم ما‑يفولكين، باش ا‑ور‑افن مدّن فسّوسنين سّيبت ما‑س‑ا‑گيگون‑ساوالن س‑تنوّاشت‑نسن ءيخوان.

1 bṭrus 2:19

اشكو ربّي را‑يبارك يان ءيرفوفنّ ءيصبر ءي‑لباضل ف‑سّيبت ن‑ما‑س‑يرا ا‑يرضو ربّي.

1 bṭrus 3:21

مايلّي ءيجران غ‑ووسّان‑ان ءيرواس ءي‑ودوم غ‑وامان لّي‑س‑تنجمّ كونّي، ءورد س‑يريد ن‑يركان ن‑دّات‑نّون والاينّي ءيگا تاماتارت ن‑يس‑يوورّي ءيغوس‑وول‑نّون، تفكم ءيخف‑نّون ءي‑ربّي، تنجمّ ف‑سّيبت ن‑ما‑د‑ينكر ياسوع لماسيح زغ‑لموت.

1 bṭrus 4:4

ار‑گيگون‑تعجّابن ار‑كُن‑رگّمن، اشكو ءور‑ا‑تّيريم ا‑ديدسن‑تّمونوم ف‑تيلّاي‑نسن.