1 bṭrus 2:9 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁹ ءيمّا كونّي، تگام مدّن تياوژلاينين، تگم ايت‑تگلديت ن‑ربّي، ار‑ن‑تسراسم غ‑لگدّام‑نس تيوافكيو لّي‑س‑ا‑يترضو. تگم ايت‑ربّي، ءيژلي‑كُن ا‑تگم وينس، باش ا‑تّاويم لخبار ءي‑مدّن ف‑كولّو ما‑يسكر غوالّي‑اون‑د‑يغران زغ‑تيلّاس س‑تيفاوت لّمجد‑نس.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁹ imma kunni, tgam mddn tyawẓlaynin, tgm ayt‑tgldit n‑rbbi, ar‑n‑tsrasm ġ‑lgddam‑ns tiwafkiw lli‑s‑a‑itrḍu. tgm ayt‑rbbi, iẓli‑kʷn a‑tgm wins, baš a‑ttawim lh̬bar i‑mddn f‑kullu ma‑iskr ġwalli‑awn‑d‑iġran zġ‑tillas s‑tifawt l‑lmjd‑ns.

1 bṭrus 2:9 Iomraidhean Croise

matta 4:16

هان غوين گاورنين غ‑تيلّاس ا‑يژران تيفاوت ءيگّوتن. غوين زدغنين غ‑تمازيرت ن‑ومالو لّموت، نتني ا‑ف‑تسفاو تيفاوت.»

matta 5:16

غمكاد ا‑س‑د‑يقّان تيفاوت‑نّون ا‑تيسفيو غ‑لگدّام ن‑مدّن، باش اد‑ژرن افولكي لّي‑تسكارم الغن باباتون لّي‑يلّان غ‑يگنّا.

luqa 1:79

ييسفيو ف‑ويلّي زدغنين غ‑تيلّاس د‑ومالو لّموت، ءيسّلكم ءيضارن‑نّغ س‑وغاراس ن‑سّلامت.»

yuḥanna 17:19

ف‑سّيبت‑نسن ا‑ف‑ژّليغ ءيخف‑ينو ءي‑وغاراس‑نّك باش اد‑ژّلين ءولا نتني ءيخفاون‑نسن ءي‑وغاراس‑نّك س‑لحقّ.

irqqasn 20:28

اويات‑ستّ غيلاد غ‑يخف‑نّون، تاويم‑تّ ءولا غ‑تووروت كولّوتّ لّي‑ف‑كُن‑يرور رّوح لقودوس اد‑اس‑تگم ءينگابالن، تكسم امناگّار ن‑ربّي لّي‑يسغا س‑يدامّن‑نس.

irqqasn 26:18

را‑ك‑ازنغ ا‑ترژمت الّن‑نسن، ترارت‑تن‑د زغ‑تيلّاس س‑تيفاوت، ءولا زغ‑لقوّا ن‑شيطان س‑ربّي، باش ا‑فلّاسن‑يتّين دّنوب‑نسن، وورّين طّافن تاغامت غ‑گر غويلّي ژليغ اد‑گن وينو ف‑سّيبت ن‑ماد‑سري‑ومنّ.›

irqqasn 26:28

ءيساول ءيلمّا اگريبّاس س‑بولُس ييني‑اس: «ءيس‑تريت ا‑يّي‑ترارت اد‑گغ اماسيحي غ‑يات تاساعت ءيگزّولن؟»

ruma 9:24

ا‑تن‑يگان د‑نكُّني لّي‑مي‑يغرا زغ‑گر ايت‑يودايا ءولا‑داغ زغ‑گر ايت‑تميزار ياضني. غمكلّي ءينّا ربّي غ‑وارّا ن‑نّابي هوشاع:

1 kurintus 3:17

والاينّي تيگمّي ن‑ربّي، ءيغ‑تّ‑يهلك كرا ن‑يان را‑ت‑يهلك ربّي. اشكو تّياوژلاي‑تگمّي ن‑ربّي ا‑تگ تين ربّي، د‑كونّي تيگمّي‑نس ا‑تگام.

afsus 1:14

ءيگا تاماتارت ن‑يس‑را‑يسّافو ربّي كولّو تيميخار لّي‑ف‑ينّا را‑تنت‑يفك ءي‑مدّن‑نس. ماتّا غونشكاد س‑يگّوت لمجد ن‑ربّي، ار‑ت‑نتالغ باهرا.

afsus 1:6

ار‑ت‑باهرا‑نتالغ ف‑لحنانت‑اد ءيگّوتن لّي‑س‑اغ‑يبارك ف‑وودم ن‑يوس ءيعزّان

afsus 3:21

اد‑اس‑ييلي لمجد غ‑ومناگّار ءولا غ‑لماسيح ياسوع غ‑كود تاسوت ن‑تاسوتين، غيلاد ءولا كولّو مايد‑د‑يفتان، امين.

filibbi 3:14

ار‑تازّالغ اد‑روحغ تّمي، باش اد‑امژغ لكاس لّي‑يگان تودرت ن‑وفلّا لّي‑س‑يّي‑د‑يغرا ربّي ف‑وودم لّماسيح ياسوع.

kulussi 1:13

ءيجّنجم‑اغ‑د كولّو زغ‑تگلديت ن‑تيلّاس، ءيشّكشم‑اغ‑د س‑تگلديت ن‑يوس ءيعزّان

2 timutaws 1:9

ءيجّنجم‑اغ ربّي زغ‑دّنوب‑نّغ ءيغر‑اغ ا‑نگ ءيمژلاين‑نس، ءورد ف‑سّيبت ن‑كرا نسكار نكُّني والاينّي ف‑سّيبت ن‑ما‑يقصاد نتّان اد‑اغ‑يبارك ف‑وودم لّماسيح ياسوع ءور‑تا‑يخلق دّونيت.

tiṭus 2:14

ءيفكا ءيخف‑نس اد‑اغ‑يفرو زغ‑كولّو ما‑يُخشنّ، ءيسّغوس‑اغ باش ا‑نگ مدّن‑نس لّي‑باهرا‑يتّيرين اد‑سكارن ما‑يفولكين.

1 bṭrus 1:2

ءيژلي‑كُن ربّي باباتنّغ س‑تحكيمت ن‑رّوح لقودوس غمكلّي ءيقصاد زغ‑يسيزوار، باش ا‑تسكارم س‑يواليون ن‑ياسوع لماسيح تغوسم س‑يدامّن‑نس. اد‑اون‑تيگات لباراكا د‑سّلامت.

1 bṭrus 2:5

فكات ءيخف‑نّون ءي‑لماسيح زوند ءيژران دّرنين، باش ا‑سرون‑يبنّو يات‑تگمّي ن‑رّوح، ا‑ن‑گيس‑تسراسم غ‑لگدّام ن‑ربّي تيوافكيو ن‑رّوح لّي‑س‑را‑يترضو اشكو ار‑اس‑تنتي‑تاكّام س‑يسم ن‑ياسوع لماسيح.

1 bṭrus 4:11

وانّا ءيساوالن، ءيلّا فلّاس ا‑يساوال س‑ماد‑اس‑يمالا ربّي. وانّا ءيتعاوانّ، ءيلّا فلّاس ا‑يتعاوان وييّاض س‑تژضّارت لّي‑اس‑ياكّا ربّي. غمكاد ا‑س‑راد‑كولّو‑الغن مدّن ربّي ف‑ما‑تسكارم س‑يسم ن‑ياسوع لماسيح. نتّان ا‑مي‑يلّا لمجد د‑لقوّا غيلاد ءولا كولّو مايد‑د‑يفتان، امين.

anurẓm 1:6

ءيرار‑اغ ا‑نگ ايت‑تگلديت ن‑ربّي باباس ف‑ا‑ن‑نسراس غ‑لگدّام‑نس تيوافكيو ما‑س‑ا‑يترضو. نتّان ا‑مي‑يلّا لمجد د‑لقوّا، غيلاد ءولا كولّو مايد‑د‑يفتان، امين.

anurẓm 20:6

ءيمباركين د‑يمژلاين اد‑گان غويلّي‑د‑نكرنين غ‑تنكرا تامزواروت. ءور‑را‑تيژضار لموت تيس سنات ا‑تن‑تلكم. راد‑گن ءينمغورن ن‑ربّي د‑لماسيح، را‑ديدس‑حكامن الف ن‑وسگُّاس.

anurẓm 5:10

تسكرت زغ‑گيسن ايت‑تگلديت ن‑ربّي‑نّغ ف‑ا‑ن‑سراسن غ‑لگدّام‑نس تيوافكيو ما‑س‑ا‑يترضو. د‑نتني ا‑را‑يحكام غ‑دّونيت.»