1 bṭrus 2:5 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ فكات ءيخف‑نّون ءي‑لماسيح زوند ءيژران دّرنين، باش ا‑سرون‑يبنّو يات‑تگمّي ن‑رّوح، ا‑ن‑گيس‑تسراسم غ‑لگدّام ن‑ربّي تيوافكيو ن‑رّوح لّي‑س‑را‑يترضو اشكو ار‑اس‑تنتي‑تاكّام س‑يسم ن‑ياسوع لماسيح.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ fkat ih̬f‑nnun i‑lmasiḥ zund iẓran ddrnin, baš a‑srun‑ibnnu yat‑tgmmi n‑rruḥ, a‑n‑gis‑tsrasm ġ‑lgddam n‑rbbi tiwafkiw n‑rruḥ lli‑s‑ra‑itrḍu ašku ar‑as‑tnti‑takkam s‑ism n‑yasuɛ lmasiḥ.

1 bṭrus 2:5 Iomraidhean Croise

ruma 12:1

ماياد ا‑ف‑را‑كُن‑ضالبغ اي‑ايتما، ف‑سّيبت ن‑رّحمت ن‑ربّي لّي‑يگّوتن، اد‑اس‑تفكم ءيخف‑نّون زوند تيغرسي ءيدّرن ءيژلين لّي‑س‑را‑يرضو، اشكو غمكان ا‑س‑كُن‑د‑يقّان ا‑تي‑تّعبادم.

ruma 15:16

ءيگ‑يّي د‑وخدّام لّماسيح ياسوع غ‑گر ايت‑تميزار اگّوگنين. ار‑تخدامغ زوند يان‑ونمغور ن‑تگمّي ن‑ربّي، ار‑سّاكمورغ مدّن ن‑ايت‑تميزار ءي‑ربّي س‑تبرّاحت لّخبار ءيفولكين، باش ا‑فلّاسن‑يرضو ربّي ءيژلي‑تن ءي‑يخف‑نس س‑وسغوس ن‑رّوح لقودوس.

1 kurintus 3:16

ءيس‑ور‑تسّينم ءيزد تيگمّي تامژلايت ن‑ربّي ا‑تگام، ءيزدغ گيگون رّوح ن‑ربّي؟

1 kurintus 3:9

نكُّني نگا ويد تخدامنين د‑ربّي. ءيمّا كونّي تگام ءيگر ن‑ربّي، تگم تيگمّي لّي‑اس‑نبنّو.

1 kurintus 6:19

ءيس‑ور‑تسّينم دّات‑نّون ءيس‑تگا تيگمّي تامژلايت، ءيزدغ گيس رّوح لقودوس لّي‑اون‑يفكا ربّي. ءور‑تگيم وين ءيخف‑نّون،

2 kurintus 6:16

ءيس‑را‑تّمعاوان‑تگمّي ن‑ربّي د‑تين ءيلاهات ن‑دّونيت‑اد؟ اشكو نگا نكُّني ايت‑تيگمّي ن‑ربّي لّي‑يدّرن. غمكلّي ءينّا ربّي: «راد‑گاورغ د‑مدّن‑ينو، زدغّ غ‑وامّاس‑نسن. راد‑گغ ربّي‑نسن، گن نتني مدّن‑ينو.»

گالاطيّا 6:10

ءيلّا فلّانّغ ا‑نسكار افولكي غ‑كولّو مدّن غاكود نّا‑نوفا، س‑وگُّار غ‑ايتماتنّغ لّي‑ومنّين س‑لماسيح.

filibbi 1:11

راد‑اون‑تيگات صّابت ن‑وفولكي لّي‑گيگون‑يسكار ياسوع لماسيح، ءيبان گيگون لمجد ن‑ربّي، الغن‑ت مدّن ف‑سّيبت‑نّون.

filibbi 2:17

واخّا ءيغ‑راد‑فّين ءيدامّن‑ينو ف‑يگّي ن‑توافكا لّيمان‑نّون زوند امان ن‑واضيل لّي‑تفّين مدّن ف‑توافكيو‑نسن غ‑لگدّام ن‑ربّي، ها‑يّي رضيغ س‑مايان، فرحغ سرون كولّوكن.

filibbi 4:18

ءيمّا غيلاد ها‑يّي شبعاغ، ييلي داري ما‑يوفان زغ‑لخير، اشكو ءيسّروح‑يّي‑د ابافروديتوس مايلّي‑يّي‑دي‑توزنم. ءيگا زوند توجّوت ءيميمن ءولا زوند يات‑توافكا ءيتّرسن غ‑لگدّام ن‑ربّي لّي‑س‑يفرح ءيرضو سرس.

kulussi 3:17

كولّو ما‑تّينيم ءولا كولّو ما‑تسكارم، سكارات‑ت س‑يسم ن‑سيديتنّغ ياسوع، ار‑تّشكارم ربّي فلّاس.

1 timutaws 3:15

تژرت ما‑د‑يقّانّ ا‑تي‑تسكار تاگُمات ن‑ربّي، ا‑ستّ‑يگان د‑ومناگّار ن‑ويلّي گانين وين ربّي لّي‑يدّرن، تگ لّساس ءولا تانّالت لّحقّ.

iɛbrin 3:6

ءولا لماسيح ءيسّووفا كولّو ما‑گيس‑يرا ربّي، ءيمّا نتّا ءيگا يوس ن‑تگمّي، تيلي‑تگمّي كولّوتّ غ‑دّو‑وفوس‑نس. ءيمّا ايت‑تگمّي‑نس، نكُّني ا‑تن‑يگان ءيغ‑نزگا نزعم، نامژ‑بدّا غ‑رّجا‑ياد دارنّغ ءيلّان.

1 bṭrus 2:9

ءيمّا كونّي، تگام مدّن تياوژلاينين، تگم ايت‑تگلديت ن‑ربّي، ار‑ن‑تسراسم غ‑لگدّام‑نس تيوافكيو لّي‑س‑ا‑يترضو. تگم ايت‑ربّي، ءيژلي‑كُن ا‑تگم وينس، باش ا‑تّاويم لخبار ءي‑مدّن ف‑كولّو ما‑يسكر غوالّي‑اون‑د‑يغران زغ‑تيلّاس س‑تيفاوت لّمجد‑نس.

1 bṭrus 4:11

وانّا ءيساوالن، ءيلّا فلّاس ا‑يساوال س‑ماد‑اس‑يمالا ربّي. وانّا ءيتعاوانّ، ءيلّا فلّاس ا‑يتعاوان وييّاض س‑تژضّارت لّي‑اس‑ياكّا ربّي. غمكاد ا‑س‑راد‑كولّو‑الغن مدّن ربّي ف‑ما‑تسكارم س‑يسم ن‑ياسوع لماسيح. نتّان ا‑مي‑يلّا لمجد د‑لقوّا غيلاد ءولا كولّو مايد‑د‑يفتان، امين.

1 bṭrus 4:17

هاتي غيلاد ءيلكم‑د‑وزمز لّي‑غ‑را‑يوت ربّي لحوكم، را‑ت‑يوت زوار ف‑ايت‑تگمّي‑نس. والاينّي ءيغ‑سرنّغ‑يبدا نكُّني، ما‑س‑را‑تگُّرو ءي‑ويلّي اگُينين لخبار ءيفولكين ن‑ربّي؟

anurẓm 1:6

ءيرار‑اغ ا‑نگ ايت‑تگلديت ن‑ربّي باباس ف‑ا‑ن‑نسراس غ‑لگدّام‑نس تيوافكيو ما‑س‑ا‑يترضو. نتّان ا‑مي‑يلّا لمجد د‑لقوّا، غيلاد ءولا كولّو مايد‑د‑يفتان، امين.

anurẓm 20:6

ءيمباركين د‑يمژلاين اد‑گان غويلّي‑د‑نكرنين غ‑تنكرا تامزواروت. ءور‑را‑تيژضار لموت تيس سنات ا‑تن‑تلكم. راد‑گن ءينمغورن ن‑ربّي د‑لماسيح، را‑ديدس‑حكامن الف ن‑وسگُّاس.

anurẓm 3:12

كولّو وانّا ءينران، را‑ت‑گغ د‑تانّالت غ‑تگمّي ن‑ربّي‑نو، ءور‑سار‑تّ‑يفّوغ. را‑فلّاس‑اراغ ءيسم ن‑ربّي‑نو د‑يسم ن‑تمدينت ن‑ربّي‑نو، ا‑ستّ‑يگان د‑وروشاليم لّجديد لّي‑را‑د‑يگّوز زغ‑يگنّا زغ‑دار ربّي‑نو، اراغ فلّاس ءولا ءيسم‑ينو لّجديد.

anurẓm 5:10

تسكرت زغ‑گيسن ايت‑تگلديت ن‑ربّي‑نّغ ف‑ا‑ن‑سراسن غ‑لگدّام‑نس تيوافكيو ما‑س‑ا‑يترضو. د‑نتني ا‑را‑يحكام غ‑دّونيت.»