1 bṭrus 2:4 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ اكموراد‑د غيلاد س‑والّي ءيگان اژرو ءيدّرن. لوحن‑ت‑ين مدّن، والاينّي ءيژلي‑ت ربّي، ءيعزّو دارس.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ akmurad‑d ġilad s‑walli igan aẓru iddrn. luḥn‑t‑in mddn, walaynni iẓli‑t rbbi, iɛzzu dars.

1 bṭrus 2:4 Iomraidhean Croise

matta 11:28

اشكاد‑د سري، ا‑كولّو ويلّي كّاتنين تامّارا اسين تاژايت ءيشقان، سّونفوغ‑اون.

matta 12:18

«هاي‑اخدّام‑ينو لّي‑ژليغ. نتّان ا‑داري‑يعزّان، فرحغ سرس باهرا. را‑ت‑عمّرغ س‑رّوح‑ينو، ار‑يتبرّاح ءي‑كولّو ايت‑تميزار س‑لحقّ لّي‑راد‑اسن‑ييلي.

matta 21:42

ءيرار‑اسن ياسوع: «ءيس‑ور‑تغريم ما‑يتياران غ‑وارّا ن‑ربّي؟ ‹اژرو لّي‑ن‑لوحن ءيبنّاين، نتّان ا‑يوورّين ءيگا ءيخف ن‑وغژو. ماياد، سيدي ربّي ا‑ت‑يسكرن. نژرا‑ت ار‑گيس‑نتعجّاب.›

yuḥanna 14:19

غير يان ءيميكّ ءور‑سول‑را‑يّي‑ژرن ايت‑دّونيت‑اد، ءيمّا كونّي را‑يّي‑تژرم. اشكو لّيغ دّرغ نكّي را‑تدّرم ءولا كونّي.

yuḥanna 14:6

ءيساول ياسوع ييني‑اس: «نكّي ا‑يگان اغاراس ءولا لحقّ ءولا تودرت. ءور‑را‑ن‑يروح يان دار ربّي بابا، ابلا ءيغ‑ت‑سّروحغ نكّي.

yuḥanna 5:26

اشكو غمكلّي تلّا‑تژضّارت ن‑تودرت دار بابا، غمكان اد‑يّي‑يفكا تاژضّارت اد‑اكّاغ تودرت ءولا نكّي لّي‑يگان يوس.

yuḥanna 5:40

والاينّي ءور‑تريم ا‑د‑سري‑تاشكيم اد‑اون‑تيلي تودرت‑ان.

yuḥanna 6:37

والاينّي را‑د‑سري‑تّاشكين كولّو وينّا‑يّي‑ياكّا بابا. د‑وانّا‑د‑سري‑يوشكان، ءور‑سار‑ت‑رورغ.

yuḥanna 6:57

يوزن‑يّي‑د بابا لّي‑دار تاحكيمت ن‑تودرت، دّرغ نكّي ف‑سّيبت‑نس. را‑يدّر وانّا زغ‑گيگي ءيشّان ءولا نتّا ف‑سّيبت‑ينو.

ruma 5:10

اشكو لّيغ سول نگا ويد تژينين د‑ربّي، ءيسكر سّلامت غ‑گراتنّغ ديدس س‑لموت ن‑يوس. ءيمّا غيلاد غ‑تلّا سّلامت غ‑گراتنّغ ديدس، نسّن س‑وگُّار ءيس‑راد‑اغ‑يجّنجم س‑تودرت‑نس.

1 kurintus 3:11

اشكو ءور‑يژضار يان ا‑يسرس كرا لّساس ياضني ابلا لّساس لّي‑يتّرسن، ا‑ت‑يگان د‑ياسوع لماسيح.

kulussi 3:4

لماسيح ا‑يگان تودرت‑نّون. غاكود لّيغ را‑د‑يوورّي را‑كُن‑ياوي ا‑ديدس‑تيليم ءولا كونّي غ‑لمجد‑نس.

1 bṭrus 1:19

والاينّي س‑يدامّن عزّانين لّماسيح زوند ءيدامّن ن‑يان‑ولقّاغ ءيغوسن بلا لعيب.

1 bṭrus 1:7

ءيزري فلّاون مايان باش ا‑تيسّانم ءيس‑يصحا ليمان‑نّون. اشكو ءيعزّا ليمان‑نّون باهرا، ءوگُّار ن‑وورغ لّي‑يفنّون واخّا‑دا‑يتصفو س‑لعافيت. اشكو غمكان ا‑س‑را‑كُن‑يالغ ربّي ءيسّاتّوي‑كُن ءيسّيمغور‑كُن غاكود لّيغ را‑د‑ياشك ياسوع لماسيح ءيبايّن.

1 bṭrus 2:7

مايان ا‑ف‑دارون‑يعزّا كونّي لّي‑سرس‑يومنّ. والاينّي ءيتيارا‑داغ ف‑ويلّي ءور‑رينين اد‑امنّ، ءينّا ربّي فلّاسن: «اژرو لّي‑ن‑لوحن ءيبنّاين، نتّان ا‑يوورّين ءيگا ءيخف ن‑وغژو.»

2 bṭrus 1:1

زغ‑سيمعان بطرُس اخدّام د‑ورقّاس ن‑ياسوع لماسيح. ءي‑ويلّي مي ءيتياوفكا ليمان ءيعزّان لّي‑اغ‑د‑يتياوفكان ءولا نكُّني س‑وفولكي ن‑ربّي‑نّغ د‑ونجّام‑نّغ ياسوع لماسيح.

2 bṭrus 1:4

د‑غمكاد ا‑س‑اغ‑لّانت لباراكات هيّانين عزّانين لّي‑ف‑ينّا راد‑اغ‑تنت‑يفك، باش ا‑توورّيم تگم غمكلّي ءيگا ربّي، تنجمّ زغ‑كولّو ما‑يتاوين غ‑دّونيت س‑لهالاك ف‑سّيبت ن‑مايلّي ءيتّيري بنادم ءي‑يخف‑نس.