1 bṭrus 2:23 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²³ لّيغ‑ت‑رگمن، ءور‑اسن‑د‑يرور س‑ترگّام. لّيغ‑ت‑سّرفوفنّ ءور‑تن‑يهدّيد، والاينّي ءيتعنّا س‑ربّي لّي‑يتحكامن س‑لحقّ.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²³ lliġ‑t‑rgmn, ur‑asn‑d‑irur s‑trggam. lliġ‑t‑ssrfufnn ur‑tn‑ihddid, walaynni itɛnna s‑rbbi lli‑itḥkamn s‑lḥqq.

1 bṭrus 2:23 Iomraidhean Croise

luqa 23:41

د‑نكُّني نستهلّا غاياد ف‑سّيبت ن‑ما‑نسكر. ءيمّا نتّان، ءور‑يسكير كرا يُخشنّ.»

luqa 23:46

يالّ ياسوع اوال‑نس ييني: «وا‑بابا، غ‑گر ءيفاسّن‑نّك ا‑غ‑فكيغ رّوح‑ينو.» غير ءينّا اوال‑اد س‑يسّوفغ رّوح‑نس.

luqa 23:9

ءيسقسا‑ت هيرودوس ف‑ما‑يگّوتن، ءيمّا ياسوع ءور‑اس‑ينّي يات.

irqqasn 17:31

اشكو ءيقصاد يان‑واسّ لّي‑غ‑را‑يوت لحوكم س‑لحقّ ف‑كولّو دّونيت ف‑وفوس ن‑يان‑ورگاز لّي‑يژلي، ءيمل سرس تاماتارت ءي‑كولّو مدّن لّيغ‑ت‑يد‑يسّنكر زغ‑لموت.»

irqqasn 4:29

ءيمّا غيلاد ا‑سيديتنّغ، ژر مامنك ا‑تّيرين اد‑اغ‑سّيويدن، تعاونت‑اغ نكُّني ن‑يخدّامن‑نّك ا‑نساوال س‑واوال‑نّك س‑زّعامت.

irqqasn 7:59

زايدن ار‑سول‑كّاتن غ‑ستيفانوس س‑يژران. ءيمّا ستيفانوس ءيغرا ءي‑سيديتنّغ ييني: «وا‑سيدي ياسوع، قبل رّوح‑ينو.»

irqqasn 9:1

ءيمّا شاول ار‑سول‑يسكار ما‑س‑ا‑يسّيويد ءيمحضارن ن‑سيديتنّغ ار‑تن‑يتنوّا س‑لموت. ءيدّو س‑دار‑ونمغور ءيهيّان ن‑تگمّي ن‑ربّي،

ruma 2:5

ءيمّا كيّي ءيقّور‑وول‑نّك ءور‑تريت ا‑دي‑توورّيت. هاتي ار‑تسّيگاتّ ف‑يخف‑نّك لعقوبيت لّي‑را‑فلّاك‑يضر غ‑واسّ لّي‑غ‑را‑يوت ربّي لحوكم س‑لحقّ ءيمل منشك ا‑باهرا‑يكورها لخُشانت.

afsus 6:9

ءيمّا كونّي ا‑يد‑سيديتسن راد‑اون‑ينيغ، سكارات افولكي ءي‑يخدّامن‑نّون بلا‑دا‑تن‑تسّيويدم. اشكو تسّنم ءيس‑يلّا يان غ‑يگنّا، ءيگا سيديتسن ءيگ سيديتون ءولا كونّي، ءور‑ا‑يسكار س‑وودماون.

2 tasaluniki 1:5

مايد‑اون‑يجرّون ار‑يمالا ءيس‑ا‑يتحكام ربّي س‑لحقّ، اشكو ءيگا‑كُن د‑ويد ستهلّانين اد‑كشمن س‑تگلديت‑نس لّي‑ف‑ا‑تّرفوفونم.

2 timutaws 1:12

مايان ا‑ف‑ا‑ترفوفونغ غمكاد. والاينّي ءور‑اكُّ‑حشيمغ، اشكو سّنغ غوالّي‑س‑ومنغ. وورّيغ ءيسّانغ ءيس‑يژضار ا‑يگابل لامانت‑ينو ار اسّ ءيگُّران.

2 timutaws 4:8

راد‑يّي‑ييلي تّاج غيلاد ن‑يان ءيرضان ربّي. ءيحضا‑يّي‑ت سيديتنّغ لّي‑بدّا‑يحكامن س‑لحقّ، باش اد‑يّي‑ت‑يفك غ‑واسّ لّي‑غ‑را‑د‑ياشك. ءورد غير نكّي ا‑مي‑را‑ييلي، والاينّي را‑ت‑يفك ءي‑كولّو ويلّي‑ن‑گيس‑رجانين ار‑سرس‑تقلن.

iɛbrin 12:3

سوانگماد‑د ياسوع لّي‑يصبرن ءي‑تنوّاشت ءيگّوتن ف‑يفاسّن ن‑مدّن أُخشنّين، باش ا‑ور‑يرمي‑وول‑نّون ءيهروصّي.

1 bṭrus 3:9

ءيغ‑يلّا ماد‑اون‑يسكرن كرا يُخشنّ، اد‑اس‑ور‑ترارم س‑لخُشانت. ءيغ‑يلّا ما‑كُن‑يرگمن، اد‑اس‑ور‑ترارم س‑ترگّام، والاينّي ءينيات‑اس: «ا‑ك‑يبارك ربّي.» اشكو ءيغرا‑ياون‑د ربّي اد‑اون‑تيلي لباراكا.

1 bṭrus 4:19

ماياد ا‑ف‑راد‑ينيغ ءي‑كولّو وينّا رفوفنّين ف‑ما‑يرا ربّي: فكات ءيخفاون‑نّون غ‑وفوس ن‑والّي‑كُن‑يخلقن لّي‑بدّا‑يزگان غ‑واوال‑نس، تزايدم ار‑تسكارم افولكي.

anurẓm 19:11

ژرغ ءيلمّا ءيگنّا رژمن، س‑يّي‑د‑يبان يان‑وايّيس ءومليل. امنّاي‑نس، ار‑اس‑تّينين ‹لحقّ› ءولا ‹غوالّي ءيزگان غ‑واوال‑نس›. س‑لحقّ ا‑س‑ا‑يكّات لحوكم ار‑سرس‑يتمّاغ.