1 bṭrus 2:22 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²² ءيتيارا فلّاس: «ءور‑اكُّ‑يسكير كرا ن‑دّنب. ءور‑جّو‑كّينت‑تكركاس ءيمي‑نس.»

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²² ityara fllas: «ur‑akkʷ‑iskir kra n‑ddnb. ur‑jju‑kkint‑tkrkas imi‑ns.»

1 bṭrus 2:22 Iomraidhean Croise

matta 27:19

والاينّي غ‑تاساعت‑ان سول ءيسكيوس بيلاطوس غ‑لكورسي لّحوكم س‑د‑سرس‑توزن‑تمغارت‑نس تيني‑اس‑د: «اد‑ور‑تكشمت سّوق ن‑ورگاز‑ان ءيفولكين، اشكو توشكا‑يّي‑د تاغوفت ءيگّوتن غاسّاد ف‑سّيبت‑نس غ‑يات‑توارگيت.»

matta 27:4

ييني‑اسن: «هاتي دّنوب ايد سكرغ. زّنزيغ ءي‑لموت يان ءور‑يسكيرن كرا يُخشنّ.» رارن‑اس: «ماد‑اغ‑گيس‑يلّان نكُّني؟ دبّر ءي‑يخف‑نّك.»

luqa 23:41

د‑نكُّني نستهلّا غاياد ف‑سّيبت ن‑ما‑نسكر. ءيمّا نتّان، ءور‑يسكير كرا يُخشنّ.»

luqa 23:47

لقبطان ن‑يعسكرين، لّيغ ءيژرا مايد ءيجران ءيتعجّب غ‑لمجد ن‑ربّي ييني: «س‑صّاحت، ارگاز ءيفولكين اياد.»

yuḥanna 1:47

ياسوع ءيژرا‑ن ناتانايل ءيفتا‑د س‑دارس، ييني فلّاس: «غواد ا‑يگان س‑صّاحت زغ‑ايت‑ربّي، ءيصفو‑وول‑نس.»

yuḥanna 8:46

مانوا گيگون ا‑فلّا‑يزّگان كرا ن‑دّنب؟ والاينّي لّيغ ا‑ياون‑تّينيغ لحقّ ماخ ايلّيغ ءور‑يّي‑تومينم؟

2 kurintus 5:21

لماسيح لّي‑ور‑جّو‑يسكيرن كرا ن‑دّنب، ءيرور‑ت ربّي زوند ءيغ‑يعمّر س‑دّنوب ف‑سّيبت‑نّغ، باش ا‑نعمّر نكُّني س‑وفولكي ن‑ربّي ف‑سّيبت‑نس.

iɛbrin 4:15

ءيلّا‑ياغ يان‑ونمغور ءيهيّان لّي‑يژضارن ا‑يحنّو ف‑ضّعف‑نّغ، اشكو ءيتيارام ءولا نتّا زغ‑كرايگاتّ تاسگا زوند نكُّني، والاينّي ءور‑جّو‑يسكير كرا ن‑دّنب.

iɛbrin 9:28

غمكان ا‑س‑يفكا لماسيح ءولا نتّا ءيخف‑نس يات‑توال باش ا‑ياسي دّنوب ن‑مدّن گّوتنين. را‑د‑يوورّي تيس سنات‑توال، ءورد باش ا‑ياسي دّنوب والاينّي باش ا‑يجّنجم كولّو وينّا سرس تقلنين رجون‑ين گيس.

1 yuḥanna 2:1

وا‑تاروا‑نو عزّانين، ءوريغ‑اون‑ين ماياد باش ا‑ور‑تسكرم دّنوب. والاينّي ءيغ‑يدّا كرا ن‑يان گيگون ارد ءيسكر دّنوب، ءيلّا‑ياغ سول يان‑ديدنّغ‑يبيدّن غ‑دار ربّي باباتنّغ، ا‑ت‑يگان د‑ياسوع لماسيح لّي‑غ‑يلّا‑وفولكي ءيكمّلن غ‑يژري ن‑ربّي.

1 yuḥanna 3:5

تسّنم كونّي ءيس‑د‑يوشكا لماسيح باش ا‑فلّانّغ‑يسّيتّي دّنوب‑نّغ، تيسّانم ءيس‑ور‑جّو‑يسكير كرا ن‑دّنوب نتّا.

anurẓm 14:5

كرا ن‑تكركيست ءور‑تكّي ءيمي‑نسن. كرا يُخشنّ ءور‑گيسن‑يلّي.