1 bṭrus 2:12 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹² سكارات افولكي غ‑گر‑ويلّي ءور‑سّينّين ربّي. واخّا ءيغ‑ا‑گيگون‑رگّمن راد‑ژرن ءيس‑يفولكي كولّو ما‑تسكارم، ءينين ءيلمّا ءيزد ربّي اد‑دار لحقّ غ‑واسّ لّي‑غ‑را‑د‑ياشك ا‑يوت لحوكم.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹² skarat afulki ġ‑gr‑willi ur‑ssinnin rbbi. wah̬h̬a iġ‑a‑gigun‑rggmn rad‑ẓrn is‑ifulki kullu ma‑tskarm, inin ilmma izd rbbi ad‑dar lḥqq ġ‑wass lli‑ġ‑ra‑d‑yašk a‑yut lḥukm.

1 bṭrus 2:12 Iomraidhean Croise

matta 10:25

را‑يقنعو‑ومحضار ءيغ‑يرواس امسلمد‑نس، ءيقنعو‑وخدّام ءيغ‑يرواس سيديس. والاينّي ءيغ‑ا‑تّينين مدّن ف‑بو‑تگمّي ‹بعل‑زابول› (شيطان)، ءور‑راد‑حشمن ا‑ت‑ينين ف‑ايت‑تگمّي‑نس.

matta 5:11

ءيمباركين ا‑تگام ءيغ‑كُن‑رگمن مدّن سّرفوفنّ‑كُن ءينين فلّاون كولّو ما‑يُخشنّ س‑تكركاس ف‑سّيبت ن‑ما‑تگام وينو.

matta 5:16

غمكاد ا‑س‑د‑يقّان تيفاوت‑نّون ا‑تيسفيو غ‑لگدّام ن‑مدّن، باش اد‑ژرن افولكي لّي‑تسكارم الغن باباتون لّي‑يلّان غ‑يگنّا.

matta 9:8

لّيغ‑ت‑ژران، غووضن مدّن‑ان كولّوتن ار‑تالغن ربّي لّي‑يفكان تاژضّارت‑اد ءيگّوتن ءي‑بنادم.

luqa 1:68

«اد‑باهرا‑نالغ سيدي ربّي ن‑ايت‑دارنّغ، اشكو ياكمور‑د س‑مدّن‑نس اد‑اغ‑يفوكّو.

luqa 19:44

را‑كم‑خلون د‑تاروا‑نّم گيم، ءور‑را‑گيم‑فلن اژرو ف‑وايّاض، اشكو ءور‑تريت ا‑تيسّانت ءيزد غ‑وزمز‑اد ا‑غ‑يسكر ربّي ف‑ا‑كم‑يجّنجم.»

luqa 6:22

ءيمباركين ا‑تگام ءيغ‑كُن‑كورهان مدّن سّوفغن‑كُن رگمن‑كُن ار‑فلّاون‑تّينين ‹كونّي تُخشنم› ف‑سّيبت ن‑ما‑تگام وين يوس ن‑بنادم.

yuḥanna 13:31

لّيغ ءيفّوغ ياهودا ييني‑اسن ياسوع: «غيلاد ا‑را‑يتمجّد يوس ن‑بنادم، ءيبان‑د لمجد ن‑ربّي گيگي.

irqqasn 15:14

ءينّا‑ياغ سيمعان ف‑مامنك اد‑اغ‑يملا ربّي غ‑يسيزوار ءيس‑يرا ا‑يژلي زغ‑گر ءيبرّانيين كرا ن‑مدّن اد‑گن وينس.

irqqasn 24:13

غايلّي‑س‑ا‑سري‑تاشتكّان، ءور‑ژضارن ا‑ت‑زّگان.

irqqasn 25:7

ءيكشم‑د بولُس سوتلن‑اس ايت‑يودايا لّي‑د‑وشكانين زغ‑وروشاليم، ار‑سرس‑تاشتكّان س‑تغاوسيوين مقّورنين والاينّي ءور‑ژضارن ا‑تنت‑زّگان.

irqqasn 28:22

والاينّي نرا اد‑اغ‑تملت ءيسوينگيمن‑نّك، اشكو نسفلد ءيس‑ا‑تّينين مدّن غ‑كرايگاتّ ماني ءور‑يشوي‑وغاراس‑ان.»

ruma 12:17

ءيغ‑يلّا ماد‑اون‑يسكرن ما‑يُخشنّ اد‑اس‑ت‑ور‑ترارم س‑لخُشانت، والاينّي تاويات‑ستّ غ‑يخف‑نّون ا‑تسكارم ما‑ف‑راد‑اكّان كولّو مدّن توگّا ن‑يس‑يفولكي.

ruma 13:13

ييلي فلّانّغ ا‑نسكار غمكلّي‑د‑يقّانّ ايت‑وزال. ا‑ور‑تّمونوم ف‑تيلّاي أُخشنّين ءولا‑دا‑تسّنوفولم ءيخفاون‑نّون س‑تيسّي. ا‑ور‑تّشتهوم ءولا‑دا‑تّفسادم. ا‑ور‑تّمّاغم ءولا‑دا‑تّنوّاشم.

ruma 14:18

وانّا ءيتخدامن ءي‑لماسيح غمكاد، را‑فلّاس‑يرضو ربّي ار‑تي‑تالغن مدّن.

ruma 15:9

ءيسكر غمكاد باش اد‑ژرن ايت‑تميزار ياضني رّحمت ن‑ربّي الغن‑ت ءولا نتني. غمكلّي ءيتياران: «ماياد ا‑ف‑را‑كي‑تشكارغ غ‑گر ايت‑تميزار اگّوگنين، الغّ ءيسم‑نّك س‑يموريگن لّفرح.»

1 kurintus 14:25

ءيبان كولّو ما‑ينتلن غ‑وول‑نس. را‑يضر س‑واكال يالغ ربّي ييني «س‑صّاحت ءيلّا ربّي غ‑وامّاس‑نّون.»

2 kurintus 1:12

نفرح غيلاد اشكو ءيملا‑ياغ‑وول‑نّغ ءيزد س‑وفولكي ن‑ربّي ا‑س‑ا‑نسكار د‑كولّو مدّن س‑نّييت ءيصفان. ءولا كونّي، غمكان ا‑ديدون‑نسكر، ءورد غير س‑لعاقل ن‑بنادم والاينّي س‑لباراكا ن‑ربّي.

2 kurintus 13:7

ءيمّا غيلاد ار‑نتضالاب ربّي فلّاون ا‑ور‑تسكارم كرا يُخشنّ. ءور‑ا‑ت‑نتضالاب ف‑يخف‑نّغ ا‑گينّغ‑يبان ءيس‑نسكر كرا، واخّا ءيغ‑غالن كرا ن‑مدّن ءور‑نسكير يات. والاينّي ار‑ت‑نتضالاب فلّاون باش ا‑يبان ءيس‑تسكرم افولكي.

2 kurintus 8:21

نرار‑بدّا لعاقل باش ا‑نسكار افولكي غ‑يژري ن‑سيديتنّغ ءولا وين مدّن.

afsus 2:3

نكّا‑تّين كولّواغ ار‑ديدسن‑نتّيدو غ‑وغاراس‑ان ار‑نسكار س‑كولّو ما‑يرا بنادم ءي‑يخف‑نس ار‑تّ‑نتاوي غير غ‑يسوينگيمن‑نّغ ءولا شّهوات‑نّغ. ءولا نكُّني غ‑ووسّان‑ان، ءيلّا فلّانّغ لغاضاب ن‑ربّي زوند كولّو مدّن.

afsus 4:22

تلمدم ءيس‑كُن‑يخصّا ا‑تبدّلم زغ‑وگُنس‑نّون، ا‑ور‑سول‑تگم غمكلّي تگام غايد ءيزرين لّيغ تّين‑تكّام ار‑تسكارم ما‑يرا ءيخف‑نّون، تغالم ءيس‑يشوا، ءور‑تسّينم ءيس‑ا‑كُن‑يتاوي س‑لهالاك.

filibbi 1:27

والاينّي ءيلّا فلّاون ا‑تسكارم س‑ما‑د‑يمشاشكان د‑لخبار ءيفولكين لّماسيح. اشكو ريغ ا‑بدّا‑فلّاون‑سفليدغ ءيس‑كولّو‑تزگام غ‑يان‑وغاراس، ءيغ‑د‑فلّاون‑اگّوگغ نغد ءيغ‑ن‑دارون‑وشكيغ، ار‑كولّو‑تّخدامّ س‑يات‑تنباطّ باش ا‑تسّلمادم لحقّ لّخبار ءيفولكين غمكلّي ءيگا

filibbi 4:8

واي‑ايتما، اوال‑ينو ءيگُّران ا‑ت‑يگان: ا‑تسوينگيمّ غ‑ما‑يگان لحقّ ءولا ما‑غ‑يلّا ما‑تّوقّارم ءولا ما‑يُغژانّ ءولا ما‑يغوسن ءولا ما‑يميمن ءولا ما‑يشوان. ءيغ‑يلّا كرا ءيفولكين ءولا كرا‑غ‑يلّا ما‑تّالغم، سوينگيمات غ‑تغاوسيوين‑اد.

1 tasaluniki 4:12

غمكاد ا‑ف‑را‑كُن‑توقّارن مدّن لّي‑ور‑گينين وين لماسيح، ءور‑را‑تحتاجّام يان.

1 timutaws 2:2

ءيلّا فلّاسن اد‑تژالّان ف‑يگلدان ءولا كولّو ويلّي تحكامنين، باش ا‑ندّر س‑لهنا د‑سّلامت نسكر افولكي ءولا كولّو ما‑يرا ربّي.

1 timutaws 4:12

اد‑ور‑تادجت يان ا‑ك‑يحگر ف‑سّيبت ن‑ما‑سول‑تمژّيت، والاينّي سكار‑بدّا ف‑وفولكي س‑يواليون‑نّك د‑يسكّيرن‑نّك، ار‑تّحنّوت غ‑وييّاض ار‑تّامنت اوال ن‑ربّي س‑وول ءيغوسن، باش اد‑ژرن ءيمومنّ مامنك ا‑تسكارت ءيرين اد‑سكارن ءولا نتني غمكان.

1 timutaws 5:10

ار‑تّي‑تالغن مدّن ف‑لخير لّي‑تسكار، تربّو تاروا‑نس ف‑ما‑يفولكين، ار‑تسّمرحبا س‑ويلّي تمودّونين ار‑تّقاسا ءيمژلاين ن‑ربّي، ار‑تّعاوان وينّا لّانين غ‑تنوكموت، ار‑ن‑بدّا‑تّگّا تيقّي‑نس ا‑تسكار افولكي د‑كولّو مدّن.

iɛbrin 13:18

ژّالّات ار‑تّضالابم ربّي ف‑سّيبت‑نّغ نكُّني. نسّن ءيس‑يغوس‑وول‑نّغ، نيري ا‑نسكار افولكي غ‑كولّو ما‑نتناوال.

iɛbrin 13:5

زريات تودرت‑نّون بلا‑دا‑تّحوبّوم ءيقاريدن، تقنعوم س‑ونشك نّا‑دارون‑يلّان. اشكو ءينّا ربّي: «ءور‑سار‑ك‑ين‑فلغ ءولا وورّيغ‑د فلّاك.»

yaɛqub 3:13

مانوا گيگون اد‑دار تاحكيمت ييسّان ما‑يلّان؟ ءيلّا فلّاس ا‑يمل تاحكيمت‑نس س‑ما‑يسكار، ار‑يتفولكي د‑مدّن ار‑يژّيمژاي ءيخف‑نس س‑تحكيمت لّي‑يصحان.

1 bṭrus 2:15

اشكو ربّي ءيرا گيگون ا‑بدّا‑تسكارم ما‑يفولكين، باش ا‑ور‑افن مدّن فسّوسنين سّيبت ما‑س‑ا‑گيگون‑ساوالن س‑تنوّاشت‑نسن ءيخوان.

1 bṭrus 3:16

والاينّي ساولات ديدس س‑صّبر د‑لوقر ءولا س‑وول ءيغوسن زغ‑كولّو كرا ءيگان لعيب، باش اد‑تحشامن ءينوّاشن‑نّون ءيغ‑ا‑گيگون‑رگّمن ف‑وفولكي لّي‑تسكارم س‑يسم لّماسيح.

1 bṭrus 4:11

وانّا ءيساوالن، ءيلّا فلّاس ا‑يساوال س‑ماد‑اس‑يمالا ربّي. وانّا ءيتعاوانّ، ءيلّا فلّاس ا‑يتعاوان وييّاض س‑تژضّارت لّي‑اس‑ياكّا ربّي. غمكاد ا‑س‑راد‑كولّو‑الغن مدّن ربّي ف‑ما‑تسكارم س‑يسم ن‑ياسوع لماسيح. نتّان ا‑مي‑يلّا لمجد د‑لقوّا غيلاد ءولا كولّو مايد‑د‑يفتان، امين.

2 bṭrus 3:11

را‑يتياوهلاك كولّو ما‑يلّان. ف‑مايان ا‑ف‑را‑كُن‑سقساغ: مان مدّن زغ‑را‑تگم؟ ءيس‑ور‑را‑تّيريم ا‑تسكارم افولكي ار‑تّرضوم ربّي