1 bṭrus 1:8 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁸ نتّان، واخّا ءور‑جّو‑تي‑تژريم، ءيعزّا دارون باهرا. واخّا ءور‑ا‑تي‑تّمنادم غيلاد، تومنم سرس. ار‑سرس‑تّفراحم س‑لفرح ءيگّوتن ايلّيغ ءور‑اكُّ‑توفيم ءيواليون ماد‑اس‑تّينيم.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁸ nttan, wah̬h̬a ur‑jju‑ti‑tẓrim, iɛzza darun bahra. wah̬h̬a ur‑a‑ti‑ttmnadm ġilad, tumnm srs. ar‑srs‑ttfraḥm s‑lfrḥ iggutn aylliġ ur‑akkʷ‑tufim iwaliwn mad‑as‑ttinim.

1 bṭrus 1:8 Iomraidhean Croise

matta 10:37

وانّا ءيتّيرين باباس نغد ءينّاس ءوگُّار‑ينو ءور‑يستهلّا ا‑يگ وينو. وانّا ءيتّيرين ءيويس نغد ءيلّيس ءوگُّار‑ينو ءور‑يستهلّا ا‑يگ وينو.

yuḥanna 14:15

«ءيغ‑ا‑يّي‑تّيريم، را‑تسكارم س‑لوصيّات‑ينو.

yuḥanna 14:21

وانّا ءيسفليدن س‑لوصيّات‑ينو ار‑سرسنت‑يسكار، نتّان ا‑يّي‑يتّيرين. د‑وانّا‑يّي‑يتّيرين، را‑ت‑ييري بابا. را‑ت‑يريغ ءولا نكّي، سّبايّنغ‑اس ءيخف‑ينو.»

yuḥanna 14:24

ءيمّا وانّا ءور‑يّي‑يتّيرين، ءور‑را‑يسكار س‑واوال‑ينو. هاتي ءيواليون‑اد مي تسفليدم ءور‑گين غير وينو، گان وين بابا لّي‑يّي‑د‑يوزنّ.

yuḥanna 16:22

ءولا كونّي، تاغ‑كُن‑تگوضي غيلاد، والاينّي را‑كُن‑داغ‑ژرغ، تفرحم س‑وگُّار. ءور‑يلّي ما‑راد‑اون‑يكّيس لفرح‑نّون.

yuḥanna 20:29

ءيمّا ياسوع ءينّا‑ياس: «ءيس‑تومنت غيلاد غ‑يّي‑تژريت؟ ءيمباركين اد‑گان وينّا سري ءومنّين بلا‑يّي‑ژران.»

yuḥanna 8:42

ييني‑اسن ياسوع: «مراد ءيس‑يگا ربّي باباتون را‑يّي‑تيريم نكّي، اشكو ءوشكيغ‑د زغ‑ربّي كغ‑د دارس. ءور‑د‑وزنغ ءيخف‑ينو والاينّي نتّان ا‑يّي‑د‑يوزنّ.

irqqasn 16:34

ءيشّكشم‑تن س‑تگمّي ءيسرس‑اسن‑ين ماد‑شتّان، ءيفرح باهرا نتّا د‑كولّو ايت‑تگمّي‑نس اشكو وورّين ءومنّ س‑ربّي.

ruma 14:17

اشكو تاگلديت ن‑ربّي ءور‑تگي امشّو نغد تيسّي، والاينّي افولكي د‑سّلامت د‑لفرح ا‑تگا، س‑تحكيمت ن‑رّوح لقودوس.

ruma 15:13

ضالبغ ربّي لّي‑ياكّان رّجا، ا‑كُن‑يعمّر س‑لفرح د‑سّلامت ءيگّوتن غيلاد غ‑سرس‑تومنم، باش ا‑باهرا‑گيگون‑يتّيگات رّجا‑ياد س‑تحكيمت ن‑رّوح لقودوس.

1 kurintus 16:22

ا‑يتّوت لحوكم ن‑ربّي ف‑وانّا ءور‑يتّيرين سيديتنّغ. ‹ماراناتا›. (اشك‑يد ا‑سيديتنّغ.)

2 kurintus 1:22

ءيمل‑اغ ءيس‑نگا وينس، ءيگ رّوح‑نس غ‑وول‑نّغ باش ا‑يگ تاماتارت ن‑يس‑را‑يسّافو كولّو مايلّي‑س‑اغ‑ينّا.

2 kurintus 12:4

ءيمّا نتّا ءيسفلد ءي‑كرا ن‑تغاوسيوين، ءور‑يوفي ءيواليون ما‑س‑ا‑تنت‑يادّر ءولا زرينت ءي‑بنادم ا‑سرسنت‑يساول.

2 kurintus 4:18

هاتي ءور‑ا‑ستّ‑نتاوي غ‑مايلّي نژرّا، والاينّي ار‑تّ‑نتاوي غ‑مايلّي ءور‑ا‑يژرّا يان. اشكو مايلّي نژرّا ءور‑را‑يقاما، ءيمّا مايلّي ءور‑ا‑نژرّا راد‑بدّا‑ييلي.

2 kurintus 5:7

ءيمّا نكُّني ار‑تّ‑نتاوي غ‑مايلّي‑س‑نومن، ءورد غ‑مايلّي نژرّا.

2 kurintus 9:15

ءيمّا غيلاد، ا‑باهرا‑نشكر ربّي لّي‑اغ‑د‑يفكان ما‑يوگُرن كولّو ءيسوينگيمن ن‑بنادم.

گالاطيّا 5:22

ءيمّا لغلّت ن‑رّوح تگا لحنانت د‑لفرح د‑لهنا د‑صّبر، ار‑نتعاوان وييّاض ار‑ديدسن‑نتفولكي ار‑ديدسن‑نتبدّاد

گالاطيّا 5:6

اشكو يان ءيگان وين لماسيح، هان تاژالّيت ن‑دّات ءور‑دارس‑تگي يات، زوند ءيغ‑اس‑يژّولّا زوند ءيغ‑اس‑ور‑يژّولّي. اشكو ءيلّا دارس ماد‑باهرا‑يوفن مايان. هاتي يومن س‑لماسيح، ءيعمّر س‑لحنانت‑نس.

afsus 3:19

تسّحسّوم غ‑وول‑نّون س‑لحنانت‑نس لّي‑باهرا‑يوگُرن تاواسّنا ن‑بنادم، ارد توورّيم تعمّرم كولّو س‑وفولكي ن‑ربّي.

afsus 6:24

ا‑تيلي لباراكا ءي‑كولّو ويلّي ءيتّيرين سيديتنّغ ياسوع لماسيح س‑تايري ءيدومن.

filibbi 1:25

سّنغ باهرا ءيس‑يوف غمكاد. راد‑سولغ قاماغ ديدون كولّوكن باش ا‑تّزايادم ار‑تّفراحم غ‑وغاراس ن‑سيديتنّغ.

filibbi 3:3

ءيمّا ايت‑تژالّيت ءيصحان، ا‑تن‑يگان د‑نكُّني ءورد نتني. ار‑نتعباد ربّي س‑تحكيمت ن‑رّوح‑نس، ار‑نتزعام ف‑سّيبت لّماسيح ياسوع. ءور‑ا‑نبنّو ف‑ما‑يگان وين دّات ن‑بنادم.

filibbi 4:4

فرحات‑بدّا غ‑سيديتنّغ. را‑ت‑داغ‑ينيغ، فرحات.

iɛbrin 11:1

يان يومنّ اوال ن‑ربّي، هاتي ءيسّن راد‑اس‑ييلي مايلّي‑ن‑يترجو. ءور‑ا‑يتشكّو غ‑مايلّي ءور‑يژري.

iɛbrin 11:27

ف‑سّيبت ن‑ما‑يومن اوال ن‑ربّي ا‑ف‑يفّوغ زغ‑ميصر، ءور‑يكسوض لغاضاب ن‑وگلّيد. ءيزگا نتّا غ‑مايلّي ءيقصاد زوند ءيغ‑ا‑يژرّا ربّي لّي‑ور‑جّو‑يژري يان.

1 bṭrus 1:6

فرحات س‑كولّو ماياد، واخّا ءيغ‑د‑يقّان اد‑اون‑طيّر يات‑تاساعت ف‑سّيبت ن‑تنوكموت ءولا تاسّاست لّي‑كُن‑يتارمن.

1 bṭrus 2:7

مايان ا‑ف‑دارون‑يعزّا كونّي لّي‑سرس‑يومنّ. والاينّي ءيتيارا‑داغ ف‑ويلّي ءور‑رينين اد‑امنّ، ءينّا ربّي فلّاسن: «اژرو لّي‑ن‑لوحن ءيبنّاين، نتّان ا‑يوورّين ءيگا ءيخف ن‑وغژو.»

1 bṭrus 5:4

غاكود لّيغ را‑د‑ياشك‑ومكسا ءيمقّورن راد‑اون‑يفك تّاج لّمجد لّي‑ور‑را‑سار‑يمدو.