1 bṭrus 1:7 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁷ ءيزري فلّاون مايان باش ا‑تيسّانم ءيس‑يصحا ليمان‑نّون. اشكو ءيعزّا ليمان‑نّون باهرا، ءوگُّار ن‑وورغ لّي‑يفنّون واخّا‑دا‑يتصفو س‑لعافيت. اشكو غمكان ا‑س‑را‑كُن‑يالغ ربّي ءيسّاتّوي‑كُن ءيسّيمغور‑كُن غاكود لّيغ را‑د‑ياشك ياسوع لماسيح ءيبايّن.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁷ izri fllawn mayan baš a‑tissanm is‑iṣḥa liman‑nnun. ašku iɛzza liman‑nnun bahra, uggʷar n‑uwrġ lli‑ifnnun wah̬h̬a‑da‑itṣfu s‑lɛafit. ašku ġmkan a‑s‑ra‑kʷn‑yalġ rbbi issattuy‑kʷn issimġur‑kʷn ġakud lliġ ra‑d‑yašk yasuɛ lmasiḥ ibayyn.

1 bṭrus 1:7 Iomraidhean Croise

matta 19:28

ييني‑اسن ياسوع: «لحقّ ا‑راد‑اون‑ينيغ، غاكود لّيغ راد‑گاورغ نكّي لّي‑يگان يوس ن‑بنادم ف‑لعرش لّمجد‑ينو غ‑دّونيت لّجديد، را‑تگاورم ءولا كونّي لّي‑ديدي‑يتمونون ف‑سين د‑مراو لّعرش ار‑تّحكامّ ف‑كولّو ايت‑ربّي.

matta 25:21

ييني‑اس سيديس ‹ءيشوا ماياد، اي‑اخدّام ءيفولكين ءيصلحن. تسكرت ما‑ك‑يد‑يقّانّ س‑مايلّي ءيدروسن. ءيمّا غيلاد راد‑فلغ غ‑وفوس‑نّك ما‑يگّوتن. كشم‑د تفرحت د‑سيديك.›

matta 25:23

ييني‑اس سيديس ‹ءيشوا ماياد، اي‑اخدّام ءيفولكين ءيصلحن. تسكرت ما‑ك‑يد‑يقّانّ س‑مايلّي ءيدروسن. ءيمّا غيلاد راد‑فلغ غ‑وفوس‑نّك ما‑يگّوتن. كشم‑د تفرحت د‑سيديك.›

luqa 12:33

زّنزات ما‑تطّافم تبضوم‑ت ءي‑يمژلاض. سكارات ءي‑يخف‑نّون ءيقربان لّي‑ور‑را‑يمدو، ييلي‑اون‑وايدا غ‑يگنّا ءيلّيغ ءور‑را‑زگيس‑يتياتّاي يات، ءولا ءيروح‑ت‑ومخّار، ءولا تشّا‑ت‑تووكّا.

luqa 17:30

غمكان ا‑را‑د‑داغ‑ييلي غ‑واسّ لّي‑غ‑را‑د‑يبان يوس ن‑بنادم.

yuḥanna 12:26

وانّا ءيران ا‑يگ زغ‑يخدّامن‑ينو، ءيلّا فلّاس اد‑ديدي‑يتمونو، ييلي‑وخدّام‑ينو غ‑ينّاغ لّيغ نكّي. د‑وانّا ءيگان اخدّام‑ينو، ربّي بابا ا‑را‑ت‑يوقّر.

yuḥanna 5:44

مامنك ا‑را‑تامنم لّيغ ا‑تّيريم ا‑تّالغم ءي‑نگراتون بلا‑دا‑تسكارم ف‑ا‑كُن‑يالغ ربّي لّي‑يگان واحدوت؟

irqqasn 8:20

ءيرار‑اس بطرُس: «ا‑تّهلكت كيّي ءولا نّوقرت‑نّك، اشكو تغالت ءيزد س‑يقاريدن ا‑س‑تلّا‑توافكا ن‑ربّي.

ruma 2:10

ءيمّا كولّو وانّا ءيسكارن افولكي، را‑ت‑يسّاتّوي ربّي ءيسّيمغور‑ت ءيفك‑اس سّلامت. را‑ستّ‑يفك زوار ءي‑ايت‑يودايا ءيفك‑تّ ءولا ءي‑ايت‑تميزار ياضني.

ruma 2:29

ا‑يگان گو‑يودايا س‑لحقّ د‑والّي ءيسّغوسن ءول‑نس. ءيسّغوس‑ت س‑تحكيمت ن‑رّوح لقودوس ءورد س‑وارّاتن ن‑شّرع، ءيبدّل زغ‑وگُنس‑نس ءورد برّا‑نس. وانّا ءيسكارن غمكاد، ءورد بنادم ا‑را‑ت‑يالغ والاينّي ربّي ا‑را‑ت‑يالغ.

ruma 2:7

لّان كرا ن‑مدّن ار‑بدّا‑سكارن افولكي ار‑ن‑ترجون غ‑دار ربّي ا‑تن‑يسّاتّوي ار‑تن‑يسّيمغور ءيفك‑اسن تودرت ءيدومن. نتني راد‑اسن‑يفك ربّي تودرت لّيخرت.

ruma 8:19

اشكو كولّو ما‑يخلق ربّي غ‑دّونيت‑اد ار‑يتقل ييري باهرا اسّ‑ان غ‑راد‑د‑بانّ تاروا ن‑ربّي.

1 kurintus 3:13

را‑دي‑تبان‑تووري ن‑تبنّايت‑نس. اشكو تابنّايت ن‑كود يان را‑تّيارام س‑لعافيت غ‑واسّ لّي‑غ‑را‑د‑ياشك لماسيح. را‑تبان ءيس‑تدوس نغد ءوهو.

1 kurintus 4:5

ماياد ا‑ف‑كُن‑يخصّا ا‑ور‑تّينيم ف‑يان ءيس‑يُخشن، اشكو ءور‑تا‑د‑يلكيم‑وزمز لّحوكم. والاينّي غاكود نّا‑د‑يوشكا سيديتنّغ را‑يفاو كولّو ما‑يرگسن غ‑تيلّاس، ءيسّبايّن‑د ءولا ءيسوينگيمن لّي‑نتلنين غ‑وولاون ن‑مدّن. غاكودان ا‑را‑يفك ربّي رّضا‑نس ءي‑كود يان د‑ما‑ت‑يد‑يوشكان.

yaɛqub 1:12

امباركي ا‑يگا وانّا ءيصبرن ءيزگان غ‑تاساعت ن‑تنوكموت. اشكو لّيغ ءيتيارام سول‑يزگا، راد‑اس‑ييلي تّاج ن‑تودرت ءيدومن لّي‑ف‑ينّا ربّي را‑ت‑يفك ءي‑ويلّي رانين ربّي.

1 bṭrus 1:13

ف‑مايان ا‑ف‑راد‑اون‑ينيغ، بكيسات ءيخف‑نّون ترارم لعاقل، تزگام باهرا غ‑رّجا لّي‑س‑ا‑تّرجوم ف‑لباراكا لّي‑راد‑اون‑ييلي غاكود لّيغ را‑د‑ياشك ياسوع لماسيح ءيبايّن.

1 bṭrus 1:5

س‑تحكيمت‑نس ءيتجهّدن ا‑س‑ا‑كُن‑يسّنتال كونّي لّي‑سرس‑ومنّين، ارد تنجمّ س‑وجنجم ءيكمّلن لّي‑راد‑اون‑ييلي غ‑يسيگُّرا ن‑دّونيت.

1 bṭrus 2:4

اكموراد‑د غيلاد س‑والّي ءيگان اژرو ءيدّرن. لوحن‑ت‑ين مدّن، والاينّي ءيژلي‑ت ربّي، ءيعزّو دارس.

1 bṭrus 2:7

مايان ا‑ف‑دارون‑يعزّا كونّي لّي‑سرس‑يومنّ. والاينّي ءيتيارا‑داغ ف‑ويلّي ءور‑رينين اد‑امنّ، ءينّا ربّي فلّاسن: «اژرو لّي‑ن‑لوحن ءيبنّاين، نتّان ا‑يوورّين ءيگا ءيخف ن‑وغژو.»

1 bṭrus 4:12

واي‑ايتما عزّانين، ا‑ور‑تّعجّابم غ‑لعافيت ن‑ترفوفنت لّي‑كُن‑يتارمن، زوند ءيغ‑اون‑يجرا كرا ءيگان لجديد.

1 bṭrus 4:13

والاينّي فرحات لّيغ تكشمّ د‑لماسيح غ‑ترفوفنت، باش ا‑تفرحم س‑وگُّار غاكود لّيغ را‑د‑يبان لمجد‑نس ءي‑كولّو مدّن.

1 bṭrus 5:1

راد‑ضالبغ ءيمغارن غ‑گراتون، نكّي‑اد ءيگان امغار زوند كونّي، گغ ءينيگي ف‑ورفوفن لّماسيح، طّافغ تاغامت غ‑لمجد لّي‑را‑د‑يبان.

2 bṭrus 1:1

زغ‑سيمعان بطرُس اخدّام د‑ورقّاس ن‑ياسوع لماسيح. ءي‑ويلّي مي ءيتياوفكا ليمان ءيعزّان لّي‑اغ‑د‑يتياوفكان ءولا نكُّني س‑وفولكي ن‑ربّي‑نّغ د‑ونجّام‑نّغ ياسوع لماسيح.

2 bṭrus 1:4

د‑غمكاد ا‑س‑اغ‑لّانت لباراكات هيّانين عزّانين لّي‑ف‑ينّا راد‑اغ‑تنت‑يفك، باش ا‑توورّيم تگم غمكلّي ءيگا ربّي، تنجمّ زغ‑كولّو ما‑يتاوين غ‑دّونيت س‑لهالاك ف‑سّيبت ن‑مايلّي ءيتّيري بنادم ءي‑يخف‑نس.

2 bṭrus 3:14

ءيمّا غيلاد غ‑ا‑تّقلم س‑ماياد، اي‑ايتما عزّانين، گات‑ن تيقّي‑نّون ا‑بدّا‑تيلي سّلامت غ‑گراتون د‑ربّي، بلا گيگون ءيلّا كرا لّعيب ءولا كرا يُخشنّ غ‑وولاون‑نّون.

yahuda 1:24

ءيمّا غوالّي ءيژضارن ا‑كُن‑ينجّا باش ا‑ور‑تضرم، ءيسّلكم‑كُن‑ين س‑لگدّام لّمجد‑نس س‑لفرح ءيگّوتن بلا گيگون ءيلّا كرا لّعيب، نتّان ا‑مي‑يلّا لمجد د‑تموغرا د‑تژضّارت د‑لقوّا غيلاد ءولا كولّو غايد ءيزرين ءولا كولّو مايد‑د‑يفتان. د‑غمكاد ا‑ف‑راد‑بدّا‑نتالغ غوالّي ءيگان ربّي انجّام‑نّغ س‑يسم ن‑سيديتنّغ ياسوع لماسيح، امين.

anurẓm 1:7

هاتي را‑د‑يفتو غيلاد غ‑گر ءيمدلا، ژرن‑ت كولّو مدّن، ژرن‑ت ءولا غويلّي‑ت‑سّياگّاسنين. راد‑الّانت‑كولّو‑تميزار ن‑دّونيت ف‑سّيبت‑نس. غمكاد ا‑را‑ييلي، امين.

anurẓm 2:10

ءيمّا غيلاد، اد‑ور‑تيكساطّ تانوكموت لّي‑را‑فلّاك‑يزري. هاتي را‑ك‑يارم ءيبليس ءيلوح‑ن كرا گيگون غ‑لحبس. را‑ترفوفنت مراو‑ووسّان. زگا غ‑وغاراس‑ينو ار لموت، فكغ‑اك تّاج ن‑تودرت.

anurẓm 3:10

هاتي تصبرت تزگات غمكلّي‑ك‑وصّاغ. ف‑مايان ا‑ف‑را‑ك‑سّنتالغ غ‑تاساعت ن‑تنوكموت لّي‑را‑يزري ف‑دّونيت ا‑تارم كولّو ويلّي گيس زدغنين.

anurẓm 3:18

راد‑اك‑ينيغ يوف‑اك ا‑زغ‑داري‑تسغت ءورغ لّي‑يصفان س‑لعافيت ف‑ا‑دارك‑نّيت‑ييلي لخير. تسغت زغ‑داري ءولا تيملسا تومليلين ف‑ا‑تلست تدلت لعيب ن‑دّات‑نّك. تسغت زغ‑داري ءولا اسافار ءي‑والّن‑نّك ف‑ا‑تيسفيوت.