1 bṭrus 1:5 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁵ س‑تحكيمت‑نس ءيتجهّدن ا‑س‑ا‑كُن‑يسّنتال كونّي لّي‑سرس‑ومنّين، ارد تنجمّ س‑وجنجم ءيكمّلن لّي‑راد‑اون‑ييلي غ‑يسيگُّرا ن‑دّونيت.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁵ s‑tḥkimt‑ns itjhhdn a‑s‑a‑kʷn‑issntal kunni lli‑srs‑umnnin, ard tnjmm s‑ujnjm ikmmln lli‑rad‑awn‑yili ġ‑isiggʷra n‑ddunit.

1 bṭrus 1:5 Iomraidhean Croise

yuḥanna 12:48

ءيمّا وانّا‑يّي‑يحگرن ياگُي ا‑يسفلد س‑واوال‑ينو، راد‑اس‑سول‑ييلي ما‑فلّاس‑يتحكامن. اشكو اوال لّي‑س‑نّيغ، نتّان ا‑را‑فلّاس‑يحكام غ‑واسّ ءيگُّران ن‑دّونيت.

yuḥanna 17:15

ءور‑ا‑ك‑تضالابغ ا‑تن‑تسّيتّيت زغ‑دّونيت والاينّي ا‑تن‑تسّنتالت زغ‑يبليس.

yuḥanna 4:14

ءيمّا وانّا ءيسوان زغ‑وامان لّي‑راد‑اس‑فكغ نكّي، ءور‑سار‑يروفي. اشكو امان لّي‑راد‑اس‑فكغ را‑زگيس‑نگين زوند يات تالعينت ن‑تودرت ءيدومن.»

yuḥanna 5:24

«لحقّ اياد، لحقّ ا‑راد‑اون‑ينيغ. وانّا ءيسفلدن س‑واوال‑ينو يامن غوالّي‑يّي‑د‑يوزنّ، را‑يدّر تودرت ءيدومن. ءور‑را‑فلّاس‑يتّوت لحوكم، اشكو ءيزري زغ‑لموت س‑تودرت.

ruma 11:20

تُغژانت، ءيبّي‑تنت اشكو ءور‑رينت اد‑امنّت، تيليت گيس اشكو تومنت، والاينّي اد‑ور‑تشكرت ءيخف‑نّك ف‑ماياد. ءيلّا فلّاك ا‑ترارت لعاقل.

ruma 8:18

سّنغ نكّي تارفوفنت ن‑ووسّان‑اد ءور‑تسوي يات غ‑لگدّام لّمجد لّي‑راد‑اغ‑يفك ربّي غ‑مايد‑د‑يوشكان.

1 kurintus 1:21

اشكو ربّي س‑تحكيمت‑نس ا‑س‑يقصاد غ‑مدّن ن‑دّونيت‑اد ا‑ور‑يژضارن اد‑وورّين ءيسّانّ ربّي س‑لعاقل‑نسن، والاينّي ءيرضا ا‑يجّنجم وينّا ءومنّين س‑تبرّاحت‑نّغ لّي‑ف‑ا‑تّينين «تگا انوفل.»

2 kurintus 1:24

ءور‑نري نكُّني ا‑نحكام غ‑ليمان‑نّون، والاينّي نرا ا‑ديدون‑نتمعاوان باش ا‑تّفراحم، اشكو نسّن ءيس‑تزگام غ‑وغاراس لّماسيح.

گالاطيّا 2:20

ها‑يّي مّوتغ د‑لماسيح ف‑وگّجدي‑نس. ءورد سول نكّي ا‑يدّرن والاينّي لماسيح ا‑گيگي‑يدّرن. كولّو ماد‑سكارغ غيلاد، ار‑ت‑سكارغ ف‑سّيبت ن‑ماد‑ومنغ س‑يوس ن‑ربّي لّي‑گيگي‑يحنّان ءيفك تودرت‑نس فلّا.

afsus 2:8

هاتي ف‑لحنانت‑نس ا‑ف‑تنجمّ لّيغ سرس تومنم. ءورد ف‑سّيبت ن‑كرا تسكارم كونّي، والاينّي تگا تاوافكا ءيفكا‑ياون‑تّ ربّي.

afsus 3:17

باش ا‑يزدغ لماسيح غ‑وول‑نّون غمكلّي سرس تومنم. ضالبغ‑ت ا‑كُن‑يژّو غ‑لحنانت ءيزّگا‑كُن گيس،

filibbi 1:6

هاتي سّنغ ماياد باهرا: ربّي لّي‑گيگون‑يگران افولكي را‑ت‑يسّافاو ارد ءيكمّل غ‑واسّ لّي‑غ‑را‑د‑يوورّي لماسيح ياسوع.

filibbi 4:7

غمكاد ا‑س‑راد‑اون‑تيلي سّلامت ن‑ربّي لّي‑يوگُرن ءيسوينگيمن ن‑بنادم، را‑تگابل ءول‑نّون ءولا لعاقل‑نّون غ‑تامونت لّماسيح ياسوع.

2 timutaws 3:15

كيّي زغ‑مژّيي‑نّك ا‑زغ‑تسّنت ارّاتن ن‑ربّي لّي‑ژضارنين ا‑ك‑سّفهمن مامنك ا‑تامنت س‑لماسيح ياسوع تنجمت.

tiṭus 2:13

ار‑نتقل ار‑نترجو اسّ‑ان امباركي لّي‑غ‑را‑د‑يبان لمجد ن‑ربّي‑نّغ ءيمقّورن ياسوع لماسيح لّي‑اغ‑يجّنجمن.

iɛbrin 6:12

ا‑ور‑تّرمايم تفلم ما‑كُن‑د‑يقّانّ، والاينّي سكارات زوند كولّو ويلّي ءومنّين صبرن ايلّيغ كشمن س‑تميخار لّي‑ف‑اسن‑ينّا ربّي.

iɛbrin 9:28

غمكان ا‑س‑يفكا لماسيح ءولا نتّا ءيخف‑نس يات‑توال باش ا‑ياسي دّنوب ن‑مدّن گّوتنين. را‑د‑يوورّي تيس سنات‑توال، ءورد باش ا‑ياسي دّنوب والاينّي باش ا‑يجّنجم كولّو وينّا سرس تقلنين رجون‑ين گيس.

1 bṭrus 1:13

ف‑مايان ا‑ف‑راد‑اون‑ينيغ، بكيسات ءيخف‑نّون ترارم لعاقل، تزگام باهرا غ‑رّجا لّي‑س‑ا‑تّرجوم ف‑لباراكا لّي‑راد‑اون‑ييلي غاكود لّيغ را‑د‑ياشك ياسوع لماسيح ءيبايّن.

1 bṭrus 4:13

والاينّي فرحات لّيغ تكشمّ د‑لماسيح غ‑ترفوفنت، باش ا‑تفرحم س‑وگُّار غاكود لّيغ را‑د‑يبان لمجد‑نس ءي‑كولّو مدّن.

1 bṭrus 5:1

راد‑ضالبغ ءيمغارن غ‑گراتون، نكّي‑اد ءيگان امغار زوند كونّي، گغ ءينيگي ف‑ورفوفن لّماسيح، طّافغ تاغامت غ‑لمجد لّي‑را‑د‑يبان.

2 bṭrus 1:3

س‑تحكيمت‑نس ءيتجهّدن ا‑س‑اغ‑د‑يفكا ربّي كولّو ما‑نحتاجّا باش ا‑ندّر غ‑دّونيت ار‑ت‑نترضو. اشكو نوورّي نسّن غوالّي‑اغ‑د‑يغران ا‑نكشم س‑لمجد‑نس د‑وفولكي‑نس.

1 yuḥanna 3:2

واي‑ايتما عزّانين، نگا تاروا ن‑ربّي غيلاد. ءور‑تا‑ياغ‑يسّبايّن ما‑را‑نگ غ‑مايد‑د‑يفتان، والاينّي نسّن ماياد: غاكود لّيغ را‑د‑ياشك لماسيح را‑نگ زوند نتّان، اشكو را‑ت‑نژر غمكلّي ءيگا.

yahuda 1:1

زغ‑وخدّام ن‑ياسوع لماسيح، ياهودا گماس ن‑ياعقوب. ءي‑ويلّي‑ف‑يحنّا ربّي باباتنّغ ءيغر‑اسن‑د، ار‑تن‑يسّنتال ياسوع لماسيح.

yahuda 1:24

ءيمّا غوالّي ءيژضارن ا‑كُن‑ينجّا باش ا‑ور‑تضرم، ءيسّلكم‑كُن‑ين س‑لگدّام لّمجد‑نس س‑لفرح ءيگّوتن بلا گيگون ءيلّا كرا لّعيب، نتّان ا‑مي‑يلّا لمجد د‑تموغرا د‑تژضّارت د‑لقوّا غيلاد ءولا كولّو غايد ءيزرين ءولا كولّو مايد‑د‑يفتان. د‑غمكاد ا‑ف‑راد‑بدّا‑نتالغ غوالّي ءيگان ربّي انجّام‑نّغ س‑يسم ن‑سيديتنّغ ياسوع لماسيح، امين.