1 bṭrus 1:4 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

⁴ ءيفك‑اغ يا‑لّوورت لّي‑ور‑را‑يفنو ءولا را‑يخسر ءولا را‑يمدو، ءيحضا‑ياون‑ت غ‑يگنّا.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

⁴ ifk‑aġ yal‑lwrt lli‑ur‑ra‑ifnu ula ra‑ih̬sr ula ra‑imdu, iḥḍa‑yawn‑t ġ‑ignna.

1 bṭrus 1:4 Iomraidhean Croise

matta 25:34

ساولغ ءيلمّا، نكّي لّي‑يگان اگلّيد، س‑ويلّي لّانين ف‑وفاسي ءينيغ‑اسن ‹اشكاد‑د ا‑يمباركين ن‑بابا ربّي، كشمات س‑تگلديت لّي‑اون‑يجّوجاد زغ‑يسيزوار ن‑دّونيت.

marqus 10:17

ءينكر ياسوع، را‑د‑يفّوغ س‑وغاراس س‑د‑يوزّل يان‑ورگاز ءيضر ف‑يفادّن غ‑لگدّام‑نس ءيسقسا‑ت: «واي‑امسلمد ءيفولكين، ما‑راد‑سكرغ باش اد‑طّافغ تودرت لّيخرت؟»

irqqasn 20:32

«ءيمّا غيلاد را‑كُن‑فلغ غ‑وفوس ن‑ربّي، فلغ دارون اوال لّباراكا‑نس لّي‑يژضارن ا‑كُن‑يسّدوس ءيشّكشم‑كُن س‑تميخار گّوتنين لّي‑را‑ييلي ءي‑كولّو ويلّي ءيژلي اد‑گن وينس.

irqqasn 26:18

را‑ك‑ازنغ ا‑ترژمت الّن‑نسن، ترارت‑تن‑د زغ‑تيلّاس س‑تيفاوت، ءولا زغ‑لقوّا ن‑شيطان س‑ربّي، باش ا‑فلّاسن‑يتّين دّنوب‑نسن، وورّين طّافن تاغامت غ‑گر غويلّي ژليغ اد‑گن وينو ف‑سّيبت ن‑ماد‑سري‑ومنّ.›

ruma 8:17

لّيغ نگا تاروا‑نس، نيسّان ءيس‑را‑نطّاف لوورت لّي‑را‑ييلي ءي‑مدّن ن‑ربّي، را‑نكشم غ‑لوورت لّماسيح. ءيغ‑ديدس‑نمون غ‑ورفوفن، را‑ديدس‑نيلي غ‑لمجد.

1 kurintus 9:25

كولّو وانّا ءيتازّالن ار‑يسّدوس ءيخف‑نس. ار‑ت‑يسّدوس باش ا‑يامژ كرا لّكاس لّي‑ور‑را‑يدوم. ءيمّا نكُّني ار‑نسّدوس ءيخفاون‑نّغ باش ا‑نامژ لكاس لّي‑راد‑بدّا‑يدوم.

گالاطيّا 3:18

اشكو ربّي، مراد ءيس‑يفكا لوورت‑نس غير ءي‑ويلّي سكارنين س‑شّرع، ءيكون ءور‑اكُّ‑يقاما غ‑واوال لّي‑س‑ياد‑ينّا ءي‑يبراهيم. والاينّي ءورد غمكان ا‑يسكر ربّي، اشكو س‑واوال‑نس ءيزگان ا‑س‑يفكا لوورت ءي‑يبراهيم.

afsus 1:11

ربّي ءيژلي‑اغ د‑لماسيح ءولا نكُّني باش ا‑نگ مدّن‑نس، غمكلّي ءيقصاد نتّان لّي‑بدّا‑يسكارن ما‑يرا غ‑كولّو ما‑يجرّون.

afsus 1:14

ءيگا تاماتارت ن‑يس‑را‑يسّافو ربّي كولّو تيميخار لّي‑ف‑ينّا را‑تنت‑يفك ءي‑مدّن‑نس. ماتّا غونشكاد س‑يگّوت لمجد ن‑ربّي، ار‑ت‑نتالغ باهرا.

afsus 1:18

ار‑تي‑تضالابغ ا‑يرژم الّن لّعاقل‑نّون، باش ا‑تيسّانم ما‑يگا رّجا‑ياد ءيصحان لّي‑مي‑كُن‑يژلي، ءولا لباراكات گّوتنين لّي‑را‑يفك ءي‑يمژلاين‑نس،

kulussi 1:12

ار‑تّفراحم ار‑تّشكارم ربّي باباتنّغ لّي‑اون‑يفكان تاغامت غ‑لوورت لّي‑را‑ييلي ءي‑يمژلاين‑نس غ‑تگلديت ن‑تيفاوت.

kulussi 1:5

اشكو ءيلّا دارون رّجا ءيصحان ف‑مايلّي‑اون‑ين‑يحضا ربّي غ‑يگنّا. مايد‑غ‑ا‑تّرجوم، تسفلدم فلّاس غاكود لّيغ‑كُن‑ين‑يلكم‑واوال لّحقّ لّي‑يگان لخبار ءيفولكين.

kulussi 3:24

اشكو تسّنم ءيزد سيديتنّغ ا‑راد‑اون‑يفك تيغراد‑نّون، ءيشّكشم‑كُن س‑لوورت‑نّون غ‑يگنّا. اشكو سيديتنّغ لماسيح، نتّان ا‑مي‑تّخدامّ.

2 timutaws 4:8

راد‑يّي‑ييلي تّاج غيلاد ن‑يان ءيرضان ربّي. ءيحضا‑يّي‑ت سيديتنّغ لّي‑بدّا‑يحكامن س‑لحقّ، باش اد‑يّي‑ت‑يفك غ‑واسّ لّي‑غ‑را‑د‑ياشك. ءورد غير نكّي ا‑مي‑را‑ييلي، والاينّي را‑ت‑يفك ءي‑كولّو ويلّي‑ن‑گيس‑رجانين ار‑سرس‑تقلن.

iɛbrin 10:34

ار‑تّعاوانم ايتماتون لّي‑ن‑لّانين غ‑لحبس، تصبرم د‑ويلّي‑اون‑كّيسنين ايدا‑نّون، تفرحم اشكو تسّنم ءيس‑تطّافم كرا يوفن مايان، ا‑ت‑يگان د‑وايدا ءيدومن.

iɛbrin 9:15

غمكان ا‑يسكر لماسيح يا‑لّعهد لّجديد غ‑گر ربّي د‑بنادم، ءيشّكشم سرس غويلّي مي‑د‑يغرا ربّي س‑لوورت ءيدومن لّي‑ف‑اسن‑ينّا راد‑اسن‑ييلي. ءيمّوت لماسيح باش ا‑يفرو مدّن زغ‑دّنوب لّي‑سكرن لّيغ سول لّان غ‑لعهد امزوارو.

yaɛqub 1:11

ار‑دي‑تاقلاي تافوكت س‑ترغي‑نس ءيحرّان، تجدر توگا ءيضر‑وجدّيگ‑نس لاح افولكي‑نس. غمكان ا‑س‑راد‑لاح بو‑وايدا لّيغ ا‑سول‑يتسالا تاووري‑نس.

1 bṭrus 3:9

ءيغ‑يلّا ماد‑اون‑يسكرن كرا يُخشنّ، اد‑اس‑ور‑ترارم س‑لخُشانت. ءيغ‑يلّا ما‑كُن‑يرگمن، اد‑اس‑ور‑ترارم س‑ترگّام، والاينّي ءينيات‑اس: «ا‑ك‑يبارك ربّي.» اشكو ءيغرا‑ياون‑د ربّي اد‑اون‑تيلي لباراكا.

1 bṭrus 5:4

غاكود لّيغ را‑د‑ياشك‑ومكسا ءيمقّورن راد‑اون‑يفك تّاج لّمجد لّي‑ور‑را‑سار‑يمدو.

anurẓm 21:27

والاينّي ءور‑را‑سرس‑يكشم ما‑يجلخن ءولا ما‑يسّركاون ءولا ما‑يسّكيركيسن. ءور‑را‑سرس‑يكشم ابلا غويلّي مي تياران ءيسماون‑نسن غ‑وارّا ن‑تودرت ن‑ولقّاغ.