1 bṭrus 1:3 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

³ ار‑باهرا‑نتالغ ربّي باباس ن‑سيديتنّغ ياسوع لماسيح، اشكو س‑رّحمت‑نس ءيگّوتن ا‑س‑اغ‑يفكا ا‑نلال تالاليت ن‑تودرت لّجديد. ءيعمّر‑اغ س‑رّجا ءيدّرن لّيغ‑د‑يسّنكر ياسوع لماسيح زغ‑لموت.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

³ ar‑bahra‑ntalġ rbbi babas n‑siditnnġ yasuɛ lmasiḥ, ašku s‑rrḥmt‑ns iggutn a‑s‑aġ‑ifka a‑nlal talalit n‑tudrt l‑ljdid. iɛmmr‑aġ s‑rrja iddrn lliġ‑d‑issnkr yasuɛ lmasiḥ zġ‑lmut.

1 bṭrus 1:3 Iomraidhean Croise

yuḥanna 1:13

نتني، ءورد س‑تلاليت ن‑واحليگ ا‑س‑لولن نغد س‑تايري ن‑دّات نغد س‑تايري ن‑ورگاز، والاينّي ربّي ا‑تن‑يگان د‑تاروا‑نس.

ruma 12:12

فرحات غ‑رّجا، تصبرم غ‑ترفوفنت، تزايدم غ‑تژولّا.

ruma 15:13

ضالبغ ربّي لّي‑ياكّان رّجا، ا‑كُن‑يعمّر س‑لفرح د‑سّلامت ءيگّوتن غيلاد غ‑سرس‑تومنم، باش ا‑باهرا‑گيگون‑يتّيگات رّجا‑ياد س‑تحكيمت ن‑رّوح لقودوس.

ruma 4:25

ءيدحي‑ت ا‑يمّت ف‑سّيبت ن‑دّنوب‑نّغ، ءيسّنكر‑ت‑يد ا‑يسكر سّلامت غ‑گراتنّغ ديدس.

ruma 5:10

اشكو لّيغ سول نگا ويد تژينين د‑ربّي، ءيسكر سّلامت غ‑گراتنّغ ديدس س‑لموت ن‑يوس. ءيمّا غيلاد غ‑تلّا سّلامت غ‑گراتنّغ ديدس، نسّن س‑وگُّار ءيس‑راد‑اغ‑يجّنجم س‑تودرت‑نس.

ruma 8:11

لّيغ گيگون ءيلّا رّوح ن‑والّي‑د‑يسّنكرن ياسوع زغ‑لموت، را‑يسّدّر دّات‑نّون لّي‑ف‑تلّا لموت. اشكو غوالّي‑د‑يسّنكرن لماسيح زغ‑لموت را‑كُن‑يسّدّر ءولا كونّي س‑تحكيمت ن‑رّوح‑نس لّي‑گيگون‑يلّان.

ruma 8:24

اشكو نكُّني س‑رّجا‑ياد ا‑س‑ننجم. مراد ءيس‑نژرا مايلّي‑ن‑نترجو ءور‑را‑دارنّغ‑ييلي رّجا والاينّي ءيژري، اشكو ءور‑يژضار يان ا‑ن‑يترجو غ‑ما‑يژرّا ييلي دارس.

1 kurintus 13:13

ءيمّا غيلاد، ءيقاما‑سول ليمان د‑رّجا د‑لحنانت، نتني س‑كراض، والاينّي تامزواروت گيسن ا‑ستّ‑يگان د‑لحنانت.

1 kurintus 15:20

والاينّي س‑لحقّ ءينكر‑د لماسيح زغ‑لموت ءيگ امنزو غ‑ويلّي طّاسنين.

2 kurintus 1:3

ار‑باهرا‑نتالغ ربّي باباس ن‑سيديتنّغ ياسوع لماسيح، ءيگا باباتنّغ ءيحنّان لّي‑بدّا‑يسّفجّيجن ءول‑نّغ.

گالاطيّا 6:16

اد‑اون‑تيلي سّلامت ن‑ربّي د‑رّحمت‑نس ءي‑كولّو وينّا سكارنين س‑تنباطّ‑اد، ا‑تن‑يگان د‑ايت‑ربّي ن‑صّاحت.

afsus 1:17

ار‑تضالابغ باباتنّغ ءيمقّورن لّي‑يگان ربّي ن‑سيديتنّغ ياسوع لماسيح اد‑اون‑ياكّا رّوح ن‑تحكيمت د‑تواسّنا باش ا‑تي‑تيسّانم غمكلّي ءيگا.

afsus 1:3

ار‑باهرا‑نتالغ ربّي باباس ن‑سيديتنّغ ياسوع لماسيح، اشكو ءيبارك‑اغ ف‑وودم لّماسيح س‑كولّو لباراكات ن‑رّوح لّي‑لّانين غ‑تگلديت ن‑يگنّا.

afsus 1:7

لّي‑اغ‑يفران زغ‑لهالاك س‑يدامّن‑نس، ءيسّيتّي فلّانّغ دّنوب‑نّغ. ماتّا غونشكاد س‑تگّوت لحنانت ن‑ربّي لّي‑س‑اغ‑يبارك،

afsus 2:4

ءيمّا ربّي، تگّوت دارس رّحمت، ءيحنّو گينّغ س‑لحنانت‑نس ءيگّوتن،

afsus 3:20

ءيمّا غيلاد ا‑نالغ ربّي لّي‑يژضارن ا‑يسكر ءوگُّار ن‑كولّو ما‑نضالب ءولا كولّو ما‑نسوينگيم س‑تحكيمت‑نس ءيتجهّدن لّي‑گينّغ‑يلّان.

kulussi 1:23

غمكاد ا‑را‑يسكر ءيغ‑تزوويدم تزگام غ‑لماسيح تامژم‑بدّا گيس بلا تفلم رّجا ءيصحان لّي‑ف‑تسفلدم غ‑واوال لّخبار ءيفولكين. لخبار‑اد ا‑مي‑تّكّا‑تبرّاحت‑نس كولّو دّونيت، وورّيغ گغ اخدّام‑نس ءولا نكّي بولُس.

kulussi 1:27

ءيقصاد اد‑اغ‑د‑يمل تاغاوسا‑ياد باهرا ءيفولكين ءيهيّان لّي‑س‑را‑يبارك كولّو تيميزار ن‑دّونيت. غمكاد ا‑تگا: ءيلّا لماسيح غ‑وول‑نّون اد‑اون‑يفك رّجا ءيصحان ن‑يس‑را‑ن‑تكشمّ س‑لمجد‑نس.

1 tasaluniki 1:3

ار‑د‑نسوينگيم غ‑لگدّام ن‑ربّي باباتنّغ مامنك ا‑كولّو‑تسكارم س‑ليمان‑نّون، ار‑تّخدامّ س‑لحنانت، تزگام غ‑رّجا ن‑سيديتنّغ ياسوع لماسيح.

1 tasaluniki 4:13

واي‑ايتماتنّغ، نرا ا‑تيسّانم ما‑را‑يجرو ءي‑ويلّي مّوتنين، باش ا‑كُن‑ور‑تاغ‑تگوضي زوند مدّن ياضني لّي‑ور‑دار رّجا.

2 tasaluniki 2:16

ار‑نتالغ سيديتنّغ ياسوع لماسيح د‑ربّي باباتنّغ لّي‑فلّانّغ‑يحنّان ءيبارك‑اغ ءيفك‑اغ زّعامت ءيدومن ءولا رّجا ءيصحان.

1 timutaws 1:14

غاكودان ءيبارك گيگي سيديتنّغ س‑لحنانت‑نس ءيگّوتن، ءيعمّر‑يّي س‑ليمان د‑تايري ن‑ويلّي گانين وين لماسيح ياسوع.

tiṭus 2:13

ار‑نتقل ار‑نترجو اسّ‑ان امباركي لّي‑غ‑را‑د‑يبان لمجد ن‑ربّي‑نّغ ءيمقّورن ياسوع لماسيح لّي‑اغ‑يجّنجمن.

iɛbrin 3:6

ءولا لماسيح ءيسّووفا كولّو ما‑گيس‑يرا ربّي، ءيمّا نتّا ءيگا يوس ن‑تگمّي، تيلي‑تگمّي كولّوتّ غ‑دّو‑وفوس‑نس. ءيمّا ايت‑تگمّي‑نس، نكُّني ا‑تن‑يگان ءيغ‑نزگا نزعم، نامژ‑بدّا غ‑رّجا‑ياد دارنّغ ءيلّان.

yaɛqub 1:18

ءيسكر ما‑يقصاد، ءيفك‑اغ تودرت لّجديد س‑واوال لّحقّ، باش ا‑نوورّي نگ لغلّت تامنزوت ن‑كولّو ما‑يخلق.

1 bṭrus 1:13

ف‑مايان ا‑ف‑راد‑اون‑ينيغ، بكيسات ءيخف‑نّون ترارم لعاقل، تزگام باهرا غ‑رّجا لّي‑س‑ا‑تّرجوم ف‑لباراكا لّي‑راد‑اون‑ييلي غاكود لّيغ را‑د‑ياشك ياسوع لماسيح ءيبايّن.

1 bṭrus 1:21

هاتي ف‑سّيبت لّماسيح ا‑س‑تومنم س‑ربّي لّي‑ت‑يد‑يسّنكرن زغ‑لموت ءيسّاتّوي‑ت س‑لمجد. د‑غمكاد ا‑س‑يزگا ليمان‑نّون د‑رّجا‑نّون غ‑ربّي.

1 bṭrus 1:23

اشكو تلولم تالاليت ن‑تودرت لّجديد، ءورد س‑وامود لّي‑يفنّون والاينّي س‑وامود لّي‑ور‑را‑يفنو، ا‑ت‑يگان د‑واوال ن‑ربّي، ءيگ اوال ءيدّرن ءيقاما‑بدّا.

1 bṭrus 2:2

والاينّي گات زوند تاروا بحرا لولنين، تيريم ا‑تسوم اكُّفاي ن‑واوال ءيغوسن، باش ا‑سرس‑تيمغورم تنجمّ اجنجم ءيكمّلن.

1 bṭrus 3:15

والاينّي گات لماسيح د‑سيديس ن‑وول‑نّون، توجادم غ‑كرايگاتّ تاساعت ا‑دي‑ترارم اوال ءي‑كولّو وانّا‑كُن‑يسقسان ف‑رّجا لّي‑گيگون‑يلّان.

1 bṭrus 3:21

مايلّي ءيجران غ‑ووسّان‑ان ءيرواس ءي‑ودوم غ‑وامان لّي‑س‑تنجمّ كونّي، ءورد س‑يريد ن‑يركان ن‑دّات‑نّون والاينّي ءيگا تاماتارت ن‑يس‑يوورّي ءيغوس‑وول‑نّون، تفكم ءيخف‑نّون ءي‑ربّي، تنجمّ ف‑سّيبت ن‑ما‑د‑ينكر ياسوع لماسيح زغ‑لموت.

1 bṭrus 3:5

اشكو غمكان ا‑ستّين كّانت‑تمغارين تيمومنين لّي‑ترجونين غ‑ربّي غايد ءيزرين. غمكان ا‑س‑ا‑سّفولكينت ءيخفاون‑نسنت ار‑سفليدنت س‑يرگازن‑نسنت.

1 yuḥanna 2:29

تسّنم ءيس‑يسكر لماسيح كولّو ما‑يرضان ربّي، تيسّانم ءيس‑يوورّي ءيلول كرايگاتّ يان ءيسكارن ما‑ت‑يرضان س‑تلاليت لّجديد زغ‑دار ربّي.

1 yuḥanna 3:3

كولّو وانّا دار رّجا‑ياد غ‑لماسيح ار‑يسّغوس ءول‑نس غمكلّي ءيغوس نتّا.

1 yuḥanna 3:9

ءيمّا وانّا‑د‑يلولن تالاليت لّجديد زغ‑دار ربّي، ءور‑ا‑يسكار دّنوب، اشكو ربّي ءيژّا گيس امود‑نس. ءور‑يژضار ا‑يزايد غ‑دّنوب، اشكو يوورّي ءيگا زغ‑تاروا ن‑ربّي.

1 yuḥanna 4:7

واي‑ايتما عزّانين، ءيلّا فلّانّغ ا‑نتحنّو ءي‑نگراتنّغ، اشكو لحنانت تگا تين ربّي. يان ءيتحنّون، هاتي ءيلول‑د زغ‑دار ربّي ييسّان ربّي.

1 yuḥanna 5:1

كولّو وانّا يومنّ ءيزد ياسوع ا‑يگان لماسيح ن‑ربّي، هاتي ءيلول‑د تالاليت لّجديد زغ‑دار ربّي. كولّو وانّا ءيتّيرين ربّي باباتنّغ، ار‑يتّيري يوس.

1 yuḥanna 5:18

نسّن غويلّي مي ءيفكا ربّي تالاليت لّجديد ءيس‑ور‑ا‑سكارن دّنوب. ار‑تن‑يسّنتال يوس ن‑ربّي، ءور‑يژضار ءيبليس ا‑تن‑يلكم.

1 yuḥanna 5:4

اشكو كولّو وانّا‑د‑يلولن زغ‑دار ربّي ار‑يتنرو دّونيت. ماياد ا‑س‑ا‑نتنرو دّونيت، اشكو نومن اوال ن‑ربّي.