1 bṭrus 1:25 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

²⁵ ءيمّا اوال ن‑سيديتنّغ ءيزگا‑بدّا.» اوال‑اد ءيگا لخبار ءيفولكين لّي‑مي‑تسفلدم.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

²⁵ imma awal n‑siditnnġ izga‑bdda.» awal‑ad iga lh̬bar ifulkin lli‑mi‑tsfldm.

1 bṭrus 1:25 Iomraidhean Croise

matta 5:18

لحقّ ا‑راد‑اون‑ينيغ، كولّو ماد‑قامان ءيگنوان د‑واكال ءور‑را‑ييتّي كرا لّحرف نغد كرا ن‑تنقيطّ زغ‑شّرع ارد يافو كولّو ما‑گيس‑يلّان.

luqa 16:17

والاينّي را‑يرخو اد‑يتّين ءيگنوان د‑واكال ءولا تيتّي يات‑تنقيطّ زغ‑شّرع.

yuḥanna 1:1

ءيلّا‑واوال غ‑يسيزوار ن‑كولّو ما‑يلّان. ربّي ا‑دار‑يلّا‑واوال‑ان، ءيگ‑واوال‑ان ربّي.

yuḥanna 1:14

اوال‑ان يوورّي ءيگا بنادم، ءيزدغ غ‑گراتنّغ، نژر لمجد‑نس. ءيگا لمجد ن‑والّي ءيگان يان دار باباس، تيگات گيس لباراكا د‑لحقّ.

1 kurintus 2:2

والاينّي سكرغ‑د ف‑ا‑ور‑اون‑ساوالغ ف‑كرا ابلا ف‑ياسوع لماسيح د‑لموت‑نس ف‑وگّجدي.

afsus 2:17

لّيغ‑د‑يوشكا لماسيح ياوي‑د لخبار ن‑سّلامت ءي‑كونّي لّي‑ن‑اگّوگنين، والا ءي‑نكُّني لّي‑سرس‑اكمورنين.

afsus 3:8

واخّا مژّيغ باهرا غ‑گر كولّو ءيمژلاين ن‑ربّي، ءيفكا‑يّي لباراكا‑ياد اد‑تبرّاحغ ءي‑ايت‑تميزار ن‑دّونيت ف‑تميخار لّماسيح لّي‑وگُرنين كولّو ءيسوينگيمن ن‑بنادم.

tiṭus 1:3

ءيسّبايّن‑تّ‑يد غ‑وزمز‑اد لّي‑يقصاد س‑لخبار لّي‑س‑يّي‑يوصّا ربّي انجّام‑نّغ ا‑سرس‑تبرّاحغ.

iɛbrin 6:5

فرحن س‑واوال ن‑ربّي ءولا لقوّات ن‑وزمز لّي‑را‑د‑ياشك،

1 bṭrus 1:12

والاينّي ءيسّبايّن‑اسن‑د ربّي ءيس‑ورد ف‑سّيبت ن‑يخف‑نسن ا‑ف‑ا‑ساوالن ف‑تغاوسيوين‑اد والاينّي ف‑سّيبت‑نّون. ءيمّا غيلاد تسفلدم ف‑كولّو ماياد ف‑يمي ن‑ويلّي‑اون‑ين‑يوينين لخبار ءيفولكين، ار‑دارون‑تبرّاحن س‑تحكيمت ن‑رّوح لقودوس لّي‑د‑يتيازانّ زغ‑يگنّا. ءيمّا تيغاوسيوين‑اد، ءولا لمالايكا ار‑باهرا‑تّيرين اد‑يسّانّ مامنك اد‑گانت.

1 bṭrus 1:23

اشكو تلولم تالاليت ن‑تودرت لّجديد، ءورد س‑وامود لّي‑يفنّون والاينّي س‑وامود لّي‑ور‑را‑يفنو، ا‑ت‑يگان د‑واوال ن‑ربّي، ءيگ اوال ءيدّرن ءيقاما‑بدّا.

1 bṭrus 2:2

والاينّي گات زوند تاروا بحرا لولنين، تيريم ا‑تسوم اكُّفاي ن‑واوال ءيغوسن، باش ا‑سرس‑تيمغورم تنجمّ اجنجم ءيكمّلن.

2 bṭrus 1:19

مايان ا‑دارنّغ‑يزّگان ءيواليون لّانبيا س‑وگُّار. افولكي ا‑را‑تسكارم ءيغ‑ا‑ستّي‑تّاويم غ‑ماد‑نّان نتني، اشكو ءيگا‑واوال‑نسن زوند تيفاوت لّقنديل، ار‑يتّيسفيو غ‑تيلّاس ارد ءيفاو‑واسّ ءيغلي‑د ءيتري ن‑صّباح غ‑وولاون‑نّون.

1 yuḥanna 1:1

غوالّي ءيلّان زغ‑يسيزوار، نسفلد‑اس نژر‑ت نسّماقّل گيس نگّر‑اس. ءيگا نتّان اوال ن‑تودرت.

1 yuḥanna 1:3

ناوي‑اون‑ين لخبار ف‑ما‑نژرا ءولا ما‑مي‑نسفلد، باش ا‑تكشمّ ءولا كونّي غ‑تامونت‑اد دارنّغ ءيلّان. اشكو تلّا‑ياغ غيلاد تامونت د‑ربّي باباتنّغ د‑يوس ياسوع لماسيح.

anurẓm 14:6

ژرغ ءيلمّا يا‑لّمالاك ياضني يوويل غ‑وامّاس ن‑يگنوان، ياوي‑د لخبار ءيفولكين لّي‑راد‑بدّا‑ييلي، ا‑سرس‑يتبرّاح ءي‑كولّو ءيمزدغن ن‑دّونيت ن‑كرايگاتّ تاسوت د‑تقبيلت د‑لّوغا د‑تمازيرت.