1 bṭrus 1:10 - اغاراس ن-تودرت - ءينجيل لّماسيح - لعهد لّجديد لّي-يسكر ربّي غ-گراس د-بنادم

¹⁰ هاتي لانبيا لّي‑ساولنين غايد ءيزرين ف‑لباراكا لّي‑راد‑اون‑ييلي، ار‑سوينگيمن ار‑سقسان ف‑وجنجم‑اد.

aåaras n-tudrt - injil l-lmasiæ - løhd l-ljdid lli-iskr rbbi å-gras d-bnadm

¹⁰ hati lanbiya lli‑sawlnin ġayd izrin f‑lbaraka lli‑rad‑awn‑yili, ar‑swingimn ar‑sqsan f‑ujnjm‑ad.

1 bṭrus 1:10 Iomraidhean Croise

matta 13:17

لحقّ ا‑راد‑اون‑ينيغ، گّوتن لانبيا د‑مدّن رضانين ربّي ژوژضن اد‑ژرن مايد تژرّام والاينّي ءور‑ت‑ژرين، ژوژضن اد‑سفلدن ءي‑مايد مي تسفليدم والاينّي ءور‑اس‑سفلدن.

matta 26:24

ها‑يوس ن‑بنادم را‑يمّت غمكلّي فلّاس ءيتياران، والاينّي تاگوضي ا‑را‑ييلي ءي‑ورگاز لّي‑يزّنزان يوس ن‑بنادم. يوف‑اس ءي‑ورگاز‑ان مراد ءيس‑ور‑اكُّ‑يلول.»

luqa 10:24

راد‑اون‑ينيغ، گّوتن لانبيا د‑يگلدان ژوژضن اد‑ژرن مايد تژرّام والاينّي ءور‑ت‑ژرين، ژوژضن اد‑سفلدن ءي‑مايد مي تسفليدم والاينّي ءور‑اس‑سفلدن.»

luqa 24:44

ءيساول‑داغ ياسوع ييني‑اسن: «غمكاد ا‑س‑يووفا مايلّي‑اون‑نّيغ غ‑ووسّان‑ان غ‑سول‑ديدون‑لّيغ. نّيغ‑اون، ءيقّان‑د ا‑يجرو كولّو ما‑فلّا‑يتياران غ‑شّرع ن‑موسا ءولا ارّاتن لّانبيا ءولا ءيموريگن ن‑ربّي.»

yuḥanna 5:39

كونّي ار‑تسيگّيلم غ‑وارّاتن ن‑ربّي اشكو تغالم ءيزد گيسن ا‑غ‑را‑تافم اغاراس ن‑تودرت ءيدومن. نتني ا‑فلّا‑ياكّان توگّا،

yuḥanna 7:52

ءيمّا نتني رورن‑اس: «ءيزد ءولا كيّي گو‑جاليل ا‑تگيت؟ سيگّيل غ‑وارّاتن تيسّانت ءيس‑ور‑را‑د‑ياشك كرا ن‑نّابي زغ‑جاليل.»

irqqasn 10:43

نتّان ا‑ف‑ساولن لانبيا كولّوتن ار‑اكّان توگّا‑نسن ار‑تّينين: س‑يسم‑نس ا‑س‑را‑يسّيتّي ربّي دّنوب ف‑كولّو وانّا سرس يومنّ.»

irqqasn 17:11

مدّن‑ان ن‑بيريّا، ءور‑قّورن ءيخفاون‑نسن زوند ايت‑تاسالونيكي. ار‑تّيرين اد‑سفليدن ءي‑واوال ن‑سيديتنّغ ار‑تّ‑گيس‑تاوين باهرا، ار‑سيگّيلن غ‑وارّاتن ن‑ربّي اسّ ف‑واسّ، باش اد‑ژرن ءيس‑يُغژان مايلّي‑اسن‑يتّيني بولُس.

irqqasn 28:23

ءيزّگا ديدسن اسّ ياضني باش ادّ‑دارس‑داغ‑مونّ. لّيغ ءيلكم‑واسّ‑ان، ءيگّوت ما‑د‑يوشكان س‑يلّيغ ءيزدغ بولُس. ار‑اسن‑يساوال س‑لمعقول زغ‑زيكّ صباح ار ءيض ف‑مامنك ا‑تگا‑تگلديت ن‑ربّي. ار‑فلّاسن‑ياقرا زغ‑شّرع ن‑موسا د‑وارّاتن لّانبيا باش اد‑اسن‑يمل ءيس‑يُغژان ما‑يتّيني ف‑ياسوع.

irqqasn 7:52

ءيس‑يلّا كرا ن‑نّابي ءور‑يرفوفنّ ف‑يفاسّن ن‑يمزوورا‑نّون؟ نتني نغان ءولا غويلّي‑د‑يوينين لخبار ن‑يس‑را‑د‑ياشك يان ءيعمّرن س‑وفولكي ن‑ربّي. ءيمّا غيلاد غ‑د‑يوشكا، تزّنزام‑ت تنغم‑ت

iɛbrin 11:13

كولّو مدّن‑ان ءومنّ اوال ن‑ربّي ايلّيغ مّوتن، ءور‑تا‑ومژن مايلّي‑س‑اسن‑ينّا راد‑اسن‑ت‑يفك. والاينّي ژران‑ت‑ين غ‑توگّوگت فرحن سرس، ءور‑ا‑تحشامن ا‑تّينين ءيزد ءيبرّانيين د‑يغريبن اد‑گان غ‑دّونيت.

iɛbrin 11:40

اشكو ءيقصاد ربّي كرا يوفن مايان. ييري اد‑ديدنّغ‑كشمن س‑لباراكا لّي‑راد‑اغ‑ييلي، ءيسّافو‑اسن غمكان كولّو مايلّي‑س‑اسن‑ينّا.

1 bṭrus 1:11

ار‑سقسان مان ازمز ا‑غ‑را‑ييلي ءولا مامنك ا‑را‑يگ‑وزمز لّي‑ف‑ا‑يتّيني رّوح لّماسيح لّي‑گيسن‑يلّان لّيغ ا‑ياسن‑يمالا ارفوفن لّي‑غ‑را‑يزري لماسيح ءولا لمجد لّي‑راد‑اس‑ييلي تيگيرا.

1 bṭrus 1:13

ف‑مايان ا‑ف‑راد‑اون‑ينيغ، بكيسات ءيخف‑نّون ترارم لعاقل، تزگام باهرا غ‑رّجا لّي‑س‑ا‑تّرجوم ف‑لباراكا لّي‑راد‑اون‑ييلي غاكود لّيغ را‑د‑ياشك ياسوع لماسيح ءيبايّن.