yunah 4:2 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

² iẓẓall i‑sidi rbbi yini: «wa sidi rbbi, is‑urd ġayan a‑s‑nniġ lliġ sul lliġ ġ‑tmazirt‑inu, ur‑ta‑ffuġ ad‑rwlġ s‑taršiš, ašku ssnġ is‑tgit rbbi iḥnnan ar‑ttrḥamt, ur‑a‑tzrabt a‑tġḍbt, tigat dark tayri izgan, ar‑di‑ttwrrit zġ‑tagat nna‑tqṣadt.

yunah 4:2 Iomraidhean Croise

1 igldan 19:4

izayd nttan waḥdut, iftu ġ‑lh̬la tawada n‑wass, aylliġ‑n‑ilkm yat‑tṣġart n‑tlggutt, iskiws ġ‑ddawas, yiri a‑immt yini: «yuwda‑yyi ġunškad a‑sidi rbbi. asi tudrt‑inu, ašku ha‑yyi ur‑ufġ id‑baba.»

imurign 103:8

sidi rbbi ar‑itḥnnu ar‑itrḥam, yigat dars ṣṣbr ula tayri izgan.

imurign 145:8

sidi rbbi iga wad itḥnnun ar‑itrḥam. ur‑a‑izrab a‑iġḍb, tigat dars tayri izgan.

imurign 78:38

imma ntta iga wad itrḥamn. hati idl ddnub‑nsn, ur‑tn‑ifni. mnnawt‑twal ad‑asn‑issunf iriyn‑ns. ur‑yudji lġaḍab a‑fllasn‑iznd.

imurign 86:15

imma kiyi a‑rbbi‑nu, hati tgit wad itḥnnun ar‑itrḥam, ur‑a‑tzrabt a‑tġḍbt, tigat dark lḥnant izgan ula tayri idumn.

imurign 86:5

wa rbbi‑nu, tgit wad ifulkin ar‑ttṣamaḥt, tigat dark lḥnant izgan i‑wanna‑yk‑yaqran.

imurign 90:13

ar managu a‑sidi rbbi a‑ra‑fllanġ‑tili tagat? ḥnnu fllanġ twrrit‑d s‑ih̬ddamn‑nk.

ufuġ 32:14

iwrri sidi rbbi ġakudan f‑lhalak lli‑f‑isawl ad‑srs‑yut mddn‑ns.

irmiyah 18:8

iġ‑sri‑isfld‑uqbil lli‑ɛlmġ, iwrri f‑iskkirn‑ns ʷh̬šnnin, ha‑yyi rad‑wrriġ ula nkki f‑tagat lli‑fllas‑qṣadġ.

irmiyah 42:10

inna‑yawn: ‹iġ‑tqamam ġ‑wakal‑ad, han ra‑kʷn‑bnuġ, ur‑ra‑kʷn‑h̬luġ. ra‑kʷn‑ẓẓuġ, ur‑ra‑kʷn‑ssukfġ. ašku ṭiyr‑iyi f‑tagat lli‑n‑fllawn‑zzugzġ.

yunah 1:3

inkr yunah ġakudan a‑irwl s‑taršiš zġ‑uwdm n‑sidi rbbi. ihuwwd s‑yafa s‑tama n‑umda, yaf‑n gis yan‑wanaw ra‑imuddu s‑taršiš. ifru atig‑ns, ikšm srs a‑didsn‑imun s‑taršiš baš a‑yaggug zġ‑uwdm n‑sidi rbbi.

yunah 3:10

lliġ iẓra rbbi maylli skrn ula mamnk ad‑fln lh̬ʷšanat‑nsn, iḥnnu gisn. ur‑fllasn‑izzugz tagat lli‑s‑asn‑inna.

yunah 3:9

a‑ur‑imil iwrri‑d rbbi f‑lġaḍab‑ns ijddrn iḥnnu ginġ a‑ur‑nhlk.»

tinbaḍin 4:31

ašku rbbi siditun iga wad itḥnnun, ur‑ra‑kʷn‑ifl ula ifna‑kʷn ula ittu lɛhd lli‑iskr s‑tgallit d‑id babatun.»