yunah 1:3 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

³ inkr yunah ġakudan a‑irwl s‑taršiš zġ‑uwdm n‑sidi rbbi. ihuwwd s‑yafa s‑tama n‑umda, yaf‑n gis yan‑wanaw ra‑imuddu s‑taršiš. ifru atig‑ns, ikšm srs a‑didsn‑imun s‑taršiš baš a‑yaggug zġ‑uwdm n‑sidi rbbi.

yunah 1:3 Iomraidhean Croise

isizwur 3:8

yan imikk sfldn i‑sidi rbbi ifta ġ‑talɛrṣt ġ‑uzuzwu n‑tdggʷat, irgs‑urgaz d‑tmġart‑ns f‑sidi rbbi ġ‑gr iṣġarn.

isizwur 4:16

ġmkan a‑s‑ingara qayn d‑sidi rbbi, iddu izdġ ġ‑tmazirt n‑nud, taggug f‑ɛadan ġ‑tsga n‑usġlay n‑tafukt.

1 igldan 19:3

yiksaḍ iliyah, irwl ar‑itazzal a‑ijjnjm tudrt‑ns, aylliġ ilkm bir‑šibaɛ ġ‑wakal n‑yahuda, ifl gis ah̬ddam‑ns.

1 igldan 19:9

ikšm s‑yan ifri ġin, igawr gis. hay‑awal n‑sidi rbbi yuška‑d srs yini‑as: «ma‑tskart ġid a‑iliyah?»

ɛazra 3:7

fkn ilmma iqaridn i‑ih̬ddamn n‑uẓru d‑ukššuḍ. fkn ula amššu d‑tissi d‑zzit i‑ayt‑ṣidun d‑ayt‑ṣur, baš ad‑di‑tawin akššuḍ n‑idgl f‑umda zġ‑lubnan ar lmrsa n‑yafa, s‑mklli‑f‑tn‑yuṣṣa kuraš agllid n‑faras.

ayyub 1:12

yini ilmma sidi rbbi i‑šiṭan: «kullu ma‑dars‑illan, hatin ġ‑ufus‑nk. abla nttan s‑ih̬f‑ns, a‑ur‑n‑srs‑tmdit afus‑nk.» iffuġ šiṭan ġakudan zġ‑dar sidi rbbi.

ayyub 2:7

iffuġ šiṭan zġ‑dar sidi rbbi, yut ayyub s‑iḥbba šqanin zġ‑wallaġ n‑iḍarn‑ns ar aflla n‑ih̬f‑ns.

imurign 107:23

ar‑ssudun wiyyaḍ ġ‑wanawn f‑imdwan, ar‑saġn ar‑zznzan ġ‑tama n‑waman.

iḥazqyal 2:8

imma kiyi a‑yus n‑bnadm, sflid i‑ma‑s‑a‑yk‑ttiniġ. ad‑ur‑tɛṣut zund imɛṣan‑an. rẓm imi‑nk, tššt mayd‑ak‑fkiġ.»

iḥazqyal 3:14

yasi‑yyi rruḥ yawi‑yyi. dduġ nkki s‑uwl ismmumn d‑tasa ijddrn, itjhhd‑flla‑ufus n‑sidi rbbi.

yunah 1:10

lliġ sfldn i‑mayan, iksaḍn bahra. inin‑as: «ma‑iga ġayd tskrt?» ssnn ntni is‑d‑irwl zġ‑uwdm n‑rbbi da‑illan, ašku inna‑yasn‑t yad.

yunah 4:2

iẓẓall i‑sidi rbbi yini: «wa sidi rbbi, is‑urd ġayan a‑s‑nniġ lliġ sul lliġ ġ‑tmazirt‑inu, ur‑ta‑ffuġ ad‑rwlġ s‑taršiš, ašku ssnġ is‑tgit rbbi iḥnnan ar‑ttrḥamt, ur‑a‑tzrabt a‑tġḍbt, tigat dark tayri izgan, ar‑di‑ttwrrit zġ‑tagat nna‑tqṣadt.