yahušuɛ 8:1 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹ yini sidi rbbi i‑yahušuɛ: «ad‑ur‑ttiksaḍt ula da‑ttasit taġuft. nkr tawit dik kullu inmmaġn, tawnm s‑ɛay. ha‑yyi giġ agllid n‑ɛay d‑mddn‑ns d‑tmdint‑ns d‑wakal‑ns ġ‑ufus‑nk.

yahušuɛ 8:1 Iomraidhean Croise

imurign 27:1

sidi rbbi iga tifawt‑inu ig anjjam‑inu. ma‑zġ‑rad‑iksaḍġ? sidi rbbi iga lbrj‑inu iḥḍu tudrt‑inu. ma‑ra‑yyi‑issiwd?

išaɛyah 12:2

rbbi a‑igan anjjam‑inu. rad‑fllas‑ttklġ d‑ur‑sar‑rad‑iksaḍġ yat. sidi rbbi da‑illan, nttan a‑yyi‑issdusn, d‑nttan a‑f‑a‑ttirirġ, iwrri iga anjjam‑inu.»

irmiyah 46:27

«walaynni ad‑ur‑tiksaḍt a‑yaɛqub ah̬ddam‑inu, ula tġuwḍt a‑israyil. ašku ha‑yyi ra‑k‑id‑jjnjmġ zġ‑tuggugt, rarġ‑d amud‑nk zġ‑wakal n‑iskraf. s‑ṣṣaḥt ra‑d‑iwrri yaɛqub ihnna isunfu, d‑ur‑sar‑ra‑t‑issiwid yan.

danyal 2:21

ar‑issgllab tiziwin d‑izmaz, ar‑izzuguz igldan ar‑issaqlay wiyyaḍ, ar‑yakka taḥkimt i‑ayt‑tḥkimt, ar‑yakka tawassna i‑ayt‑tfhmt,

danyal 4:25

ra‑ttyawdḥayt zġ‑gr mddn, tqamat‑n ġ‑dar luḥuš n‑lh̬la, ar‑tšttat tuga zund amugay, ar‑ttmmġt s‑tġli n‑ignwan, ard fllak zrin ssa n‑izmaz. ġakudan a‑ra‑tissant izd rbbi amattuy a‑iḥkamn tagldit n‑bnadm ar‑tt‑yakka i‑wanna ira.

danyal 4:35

kullu imzdġn n‑ddunit ur‑dars gin yat. ar‑iskar aynna ira ġ‑gr ikabarn n‑ignna ula win‑wakal. ur‑iẓḍar yan a‑iḥṣar afus‑ns ula ad‑as‑yini: ‹mayd tskrt?›

tinbaḍin 31:8

sidi rbbi a‑rad‑ak‑izwur, yili dik. ur‑ra‑k‑in‑ifl ula iwrri‑d fllak. ad‑ur‑tiksaḍt ula tusit taġuft.»

tinbaḍin 7:18

a‑ur‑zġ‑gisn‑tiksaḍm. swangmat‑d maylli iskr rbbi siditun i‑firɛawn d‑kullu ayt‑miṣr.

tinbaḍin 7:21

a‑ur‑zġ‑gisn‑tiksaḍm, ašku rbbi siditun illa ġ‑wammas‑nun, ig ntta rbbi imqqurn issiwidn.

yahušuɛ 1:9

is‑ur‑k‑uṣṣaġ ‹g‑n tiqqi tzɛmt›? ad‑ur‑ttiksaḍt ula da‑ttasit taġuft, ašku rbbi sidik a‑ra‑dik‑yili ġ‑innas tddit.»

yahušuɛ 10:7

yawn yahušuɛ ġakudan zġ‑gilgal ntta d‑inmmaġn d‑imdwas ḥaršnin kullutn.

yahušuɛ 10:8

yini sidi rbbi i‑yahušuɛ: «a‑ur‑zġ‑gisn‑tiksaḍt, ašku giġ‑tn ġ‑ufus‑nk. ur‑rad‑zġ‑gisn‑ibidd ġ‑umnid‑nk ḥtta yan‑urgaz.»

yahušuɛ 2:24

inin i‑yahušuɛ: «s‑ṣṣaḥt sidi rbbi iga akal‑an ġ‑gr ifassn‑nġ. han imzdġn‑ns kullutn tġašan f‑ssibt‑nġ.»

yahušuɛ 6:2

isawl‑d sidi rbbi s‑yahušuɛ yini‑as: «ha‑yyi giġ‑n ariḥa d‑ugllid‑ns d‑imdwas‑ns ḥaršnin ġ‑ufus‑nk.

yahušuɛ 7:9

ha ra‑fllas‑sfldn ayt‑kanɛan d‑imzdġn n‑wakal‑ad kullutn, nkrn‑d ntni sutln‑aġ, sfiḍn ism‑nġ zġ‑ddunit. ula ism‑nk imqqurn, ma‑ra‑srs‑tskrt?»