yahušuɛ 7:6 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁶ ibbi yahušuɛ malssa‑ns, iknu f‑uwdm‑ns ar akal ġ‑lgddam n‑ṣṣnduq n‑sidi rbbi ar tadggʷat, ntta ula imġarn n‑ayt‑israyil, zuzzrn agdrur f‑ih̬fawn‑nsn.

yahušuɛ 7:6 Iomraidhean Croise

isizwur 37:29

imma rawbin, ġ‑lliġ idda s‑tnuḍfi, ur‑n‑gis‑yufi yusf, ṭiyr‑as bahra ibbi timlsit‑ns.

isizwur 37:34

ibbi yaɛqub malssa‑ns ibkis s‑lh̬iš, ar‑yalla f‑yus kigan d‑uwssan.

tasutin 14:6

imma yahušuɛ yus n‑nuwn d‑kalab yus n‑yafunna lli‑ganin zġ‑gr willi‑n‑yuggʷan akal‑an, bbin timlsa‑nsn,

ayyub 2:12

lliġ‑t‑in‑ẓran zġ‑tuggugt ur‑t‑ukʷzn. alln awal‑nsn, ar‑allan, bbin islhamn‑nsn, zuzzrn‑d agdrur f‑ih̬fawn‑nsn.

ayyub 1:20

inkr ayyub ġakudan, ibbi aslham‑ns, issmakkrḍ azzar‑ns, iknu ar akal isjd,

astir 4:1

lliġ isfld murdah̬ay f‑ġaylli kullu ityawskarn, ibbi timlsit‑ns, ils lh̬iš, ig iġd f‑ih̬f‑ns. iffuġ ġakudan ar‑ittall awal‑ns ġ‑wammas n‑tmdint, ar‑bahra‑issġuyyu s‑tguḍi.

2 ṣamwil 12:16

dawd ar‑isiggil rbbi f‑ssibt n‑warraw, yaẓum izayd sul yaẓum, ikšm iġrḍ f‑wakal iḍ kullut.

1 ṣamwil 4:12

ha yan zġ‑ayt‑bnyamin yuzzl zġ‑imiġ, yašk‑id ġassan s‑šiluh, ibbi timlsit‑ns izuzzr agdrur f‑ih̬f‑ns.

tasutin 16:45

«ittyat zġ‑gr tamunt‑an a‑tn‑fnuġ s‑yat‑twal.» imma ntni ḍrn s‑sin f‑uwdmawn‑nsn s‑wakal.

tasutin 16:22

iḍr musa d‑harun f‑uwdmawn‑nsn s‑wakal inin: «wa rbbi, wa rbbi da‑itggan rruḥ ġ‑kullu ma‑iṭṭafn tifiyi, iġ‑ijla yan, is‑ra‑th̬zut tamunt kullutt?»

yahušuɛ 7:7

yini yahušuɛ: «aḥḥ a‑sidi rbbi, mah̬ aylliġ‑di‑tzzrit mddn‑ad zġ‑wasif n‑urdun? izd ġir f‑a‑yġ‑tluḥt ġ‑ufus n‑ayt‑amur ad‑aġ‑fnun? mra is‑nqnɛa s‑mad‑darnġ‑illan ġ‑tsga‑yan yaḍni n‑urdun nqama‑n gis.

2 igldan 22:11

lliġ isfld‑ugllid i‑iwaliwn n‑warra‑yan n‑ulmmud, ibbi timlsit‑ns.

ayyub 42:6

ha nkki ḥgrġ ih̬f‑inu. s‑ugdrur d‑iġd a‑s‑rad‑ssdulluġ ih̬f‑inu.»

iriyasn 11:35

lliġ‑tt‑iẓra, ibbi timlsit‑ns yini: «aḥḥ a‑illi, tjdrt tasa‑nu, tssaġt‑iyi taguḍi išqan. ašku ggulliġ i‑sidi rbbi, d‑ur‑ẓḍarġ ad‑wrriġ f‑tgallit‑inu.»

ɛazra 10:1

sul a‑itẓalla ɛazra ar‑itqrra ar‑yalla ar‑n‑iknnu ġ‑umnid n‑tgmmi n‑rbbi, s‑d‑fllas‑imun ma‑iggutn ġ‑irgazn d‑tmġarin d‑iḥšmiyn n‑ayt‑israyil, ašku ar‑kullu‑allan s‑imṭṭawn ḥrranin.

naḥamyah 9:1

munn‑d daġ ayt‑israyil ġ‑wass wis sin id‑mraw d‑kkuẓ (24) n‑wayyur‑an. hatni aẓumn lsn lh̬iš, ar‑zuzzurn agdrur f‑ih̬fawn‑nsn.

astir 4:3

kraygatt tamazirt nna‑n‑tlkm‑tnbaṭṭ n‑ugllid d‑lamr‑ns, nkrnt‑gis‑tndriwin ggutnin ġ‑dar‑uwdayn, ar‑taẓumn s‑imṭṭawn ar‑ssmummuyn. yigat gisn ma‑iggan ġ‑lh̬iš d‑iġd.