yahušuɛ 7:5 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁵ zaydn ayt‑ɛay nġn gisn ma‑itggan kraḍ id‑mraw d‑sḍis (36) n‑urgaz, ẓẓun‑d gisn zġ‑imi n‑tmdint ar šabarim, aylliġ lkmn agsar ar‑tn‑kkatn ġin. ha mayn ijran issfsi ul n‑mddn, ṭiyr‑asn bahra.

yahušuɛ 7:5 Iomraidhean Croise

imurign 22:14

hati tffi ṣṣaḥt‑inu zund aman, nurẓmn kullu ih̬ṣan‑inu, ilggʷaġ‑uwl‑inu zund tikira. ifsi‑n ġ‑ugʷns n‑idmarn‑inu.

yahušuɛ 2:11

ġir nsfld fllas s‑tġašan‑uwlawn‑nġ, tqqaji rruḥ n‑kraygatt yan ginġ f‑ssibt‑nun, ašku rbbi da‑illan ig rbbi‑nun, nttan a‑igan rbbi n‑ignwan ġ‑uflla, ig rbbi n‑wakal ġ‑iyzdar.

yahušuɛ 2:9

tini‑asn: «ssnġ rbbi da‑bdda‑illan ifka‑yawn akal‑ad, ašku umẓnt‑aġ‑tksaḍ‑nun, tġašan kullu imzdġn n‑tmazirt f‑ssibt‑nun.

yahušuɛ 5:1

sfldn fllas kullu igldan n‑ayt‑amur lli‑llanin ġ‑tsga‑yad n‑wasif n‑urdun lli‑iwalan amṭar n‑tafukt, ula kullu igldan n‑ayt‑kanɛan ġ‑tama n‑umda imqqurn. lliġ ssnn is‑izzwa sidi rbbi aman n‑urdun ġ‑lgddam n‑ayt‑israyil aylliġ‑t‑bbin, tġašan‑uwlawn‑nsn, tqqaji rruḥ‑nsn f‑ssibt n‑ayt‑israyil.