yahušuɛ 5:1 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹ sfldn fllas kullu igldan n‑ayt‑amur lli‑llanin ġ‑tsga‑yad n‑wasif n‑urdun lli‑iwalan amṭar n‑tafukt, ula kullu igldan n‑ayt‑kanɛan ġ‑tama n‑umda imqqurn. lliġ ssnn is‑izzwa sidi rbbi aman n‑urdun ġ‑lgddam n‑ayt‑israyil aylliġ‑t‑bbin, tġašan‑uwlawn‑nsn, tqqaji rruḥ‑nsn f‑ssibt n‑ayt‑israyil.

yahušuɛ 5:1 Iomraidhean Croise

isizwur 12:6

lliġ lkmn kanɛan, iftu sul abram aylliġ iruḥ dar‑uṣġar n‑tasaft lli‑mi‑ttinin ‹mura› ġ‑tsga n‑šakim. ayt‑kanɛan a‑sul‑iɛmmrn tamazirt‑an ġ‑uwssan‑an.

isizwur 48:22

kiyi a‑mi‑rad‑zaydġ yat‑tġruṭṭ f‑tin aytmak, tga‑tt‑tġruṭṭ n‑udrar lli‑kkisġ i‑ayt‑amur s‑uwzzal d‑lqus.»

1 igldan 10:5

tẓr tiram lli‑ittrsn f‑lmida‑ns, d‑igiwr n‑imɛawann‑ns, d‑twuriw n‑imqasan‑ns d‑tmlsa‑nsn, d‑id‑bu‑tissi lli‑t‑itqabaln, tẓr isakmurn jdrnin lli‑n‑issattuy ġ‑tgmmi n‑rbbi da‑bdda‑illan, hattin issduhda‑tt kullu mayan bahra.

ɛazra 9:1

lliġ skrn kullu mayan, aškin‑d dari iriyasn n‑mddn‑nġ inin‑iyi: «han ayt‑israyil d‑imsakmurn d‑ayt‑lawi ur‑ẓlin ih̬f‑nsn zġ‑iqbiln n‑ddunit ula zġ‑iskkirn‑nsn jlh̬nin. ur‑ngaran d‑ayt‑kanɛan d‑ayt‑ḥit d‑ayt‑fariz d‑ayt‑yabus d‑ayt‑ɛammun d‑ayt‑muwab d‑ayt‑miṣr d‑ayt‑amur.

ufuġ 23:28

ra‑n‑aznġ id‑warẓẓan mqqurnin ġ‑lgddam‑nun, ad‑ssrwln ayt‑ḥiwi d‑ayt‑kanɛan d‑ayt‑ḥit.

išaɛyah 41:5

«ẓran‑t‑in ayt‑tmizar lli‑n‑illan ġ‑tamiw n‑imdwan, iksaḍn. ar‑trgigiyn iqbiln aggugnin n‑ddunit. ar‑kullu‑tmunun ad‑mɛawann i‑ngratsn.

danyal 5:6

imil iwrrġ‑uwdm n‑ugllid, ssġufunt iswingimn‑ns bahra, aylliġ brin ih̬ṣan‑ns, ar‑trgigiyn ifaddn‑ns.

tasutin 13:29

ula lh̬la n‑nagab, zdġn gis ayt‑ɛamaliq. ula tamazirt n‑iwrar, ɛmmrn‑tt ayt‑ḥit d‑ayt‑yabus d‑ayt‑amur. ilin ayt‑kanɛan ġ‑tama n‑umda ar tama n‑wasif n‑urdun.»

yahušuɛ 24:15

iġ‑awn‑iban yʷh̬šn a‑ttqasam rbbi da‑illan, styat i‑ih̬f‑nun ġassad manwa ra‑ttqasam, izd id‑rbbi lli‑qasan id‑babatun ġ‑tsga yaggugn n‑wasif, nġd id‑rbbi n‑ayt‑amur lli‑mi‑tɛmmrm akal‑nsn? imma nkki d‑ayt‑takkat‑inu, ra‑ntqasa rbbi da‑bdda‑illan.»

yahušuɛ 3:16

s‑bbin‑waman lli‑d‑ikkan aflla, gudin zund tawrirt ġ‑tuggugt ġ‑tama n‑tmdint n‑adam lli‑iwalan ṣartan. bbin‑in‑kullu‑waman lli‑huwwdnin ġ‑uzaġar n‑urdun s‑umda n‑tisnt. zaydn mddn bbin asif ġakudan ġ‑umnid n‑tmdint n‑ariḥa.

yahušuɛ 3:17

biddn sul imsakmurn lli‑yusin ṣṣnduq n‑lɛhd n‑sidi rbbi, qaman ġ‑wakal iqqurn ġ‑tuẓẓunt n‑wasif n‑urdun. zrin kullu ayt‑israyil ġ‑taġart, aylliġ ibbi‑kullu‑uqbil‑nsn asif n‑urdun.

iriyasn 1:1

lliġ immut yahušuɛ, ddun ayt‑israyil sqsan sidi rbbi: «manwi ginġ a‑ra‑izwur ad‑awnn utn ayt‑kanɛan?»

iriyasn 11:23

ġmkan a‑iskr rbbi da‑bdda‑illan ig rbbi n‑ayt‑israyil, ikks ayt‑amur zġ‑wakal‑ad, f‑a‑t‑ṭṭafn mddn‑ns n‑ayt‑israyil. mamnk a‑s‑ra‑ti‑teṭṭaft kiyi?

iriyasn 3:3

ha mad‑gan iqbiln lli‑yudja. smmus iriyasn n‑ayt‑filisṭin ula kullu mddn n‑ayt‑kanɛan, ntni d‑ayt‑ṣidun, d‑ayt‑ḥiwi lli‑izdġn ġ‑idrarn n‑lubnan zġ‑udrar n‑baɛl‑ḥarmun ar tizi n‑ḥamat.

iriyasn 4:2

iluḥ‑tn sidi rbbi ġ‑ufus n‑yabin agllid n‑kanɛan lli‑iḥkamn ġ‑tmdint n‑ḥaṣur. ariyas n‑inmmaġn‑ns, iga ism‑ns sisra, izdġ ġ‑ḥarušat‑hagwim.