yahušuɛ 4:9 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁹ ġin a‑ġ‑issbidd yahušuɛ sin d‑mraw n‑uẓru lli‑d‑usin zġ‑tuẓẓunt n‑wasif, zġ‑dar iḍarn n‑imsakmurn lli‑yusin ṣṣnduq. ilin iẓran‑an sul s‑ġassad.

yahušuɛ 4:9 Iomraidhean Croise

isizwur 26:33

ig i‑wanu‑an ism ‹šibaɛ› [tga lmɛna‑ns ‹tagallit›]. ar‑ttinin i‑tmdint‑an ‹bir‑šibaɛ› sul s‑ġassad.

isizwur 28:18

inkr yaɛqub zikk ṣbaḥ, yasi aẓru lli‑iga ġ‑ddu ih̬f‑ns, issbidd‑t a‑ig ifir ibayynn, iffi fllas zzit.

1 igldan 18:31

yasi‑d sin d‑mraw n‑uẓru, ġunšk lli‑gant‑tqbilin n‑tarwa n‑yaɛqub, lli‑mi‑inna sidi rbbi: «ism‑nk ra‑ig ‹israyil›.»

ufuġ 24:12

yini ilmma sidi rbbi i‑musa: «ġli‑d s‑dari ġ‑iggi n‑udrar tqamat gis. rad‑ak‑fkġ tilwaḥ n‑uẓru lli‑f‑uriġ ilmmudn d‑luṣiyat baš a‑tn‑issann mddn.»

tinbaḍin 34:6

imḍl‑t nttan ġ‑wakal n‑muwab, ġ‑talat lli‑ingabaln d‑bayt‑biyur, imma amḍḍal‑ns ur‑t‑issin yan sul s‑ġassad.

yahušuɛ 24:26

yara yahušuɛ iwaliwn‑an ġ‑warra n‑ulmmud n‑rbbi. yasi‑d yan ifir imqqurn, issbidd‑t ġ‑ddu‑uṣġar n‑igg lli‑illan ġ‑tama n‑tzdġt n‑sidi rbbi.

yahušuɛ 4:10

ašku ġ‑tuẓẓunt n‑wasif a‑ġ‑biddn imsakmurn lli‑yusin ṣṣnduq, aylliġ yuwfa‑kullu‑wawal lli‑f‑yuṣṣa sidi rbbi yahušuɛ a‑t‑yini i‑mddn, s‑mklli nnit yuṣṣa musa yahušuɛ. ḥarrun mddn bbin kullu asif.

iriyasn 1:26

iddu nttan s‑tmazirt n‑ayt‑ḥit, ibnu gis yat‑tmdint, ig‑as ism luz. iqama ism‑an sul s‑ġassad.

1 ṣamwil 7:12

yawi‑d ṣamwil yan‑uẓru imqqurn issbidd‑t ġ‑gr miṣfah d‑šin, ig‑as ism ‹abanɛazr› [tga lmɛna‑ns ‹aẓru n‑lmɛawnt›]. yini: «iɛawn‑aġ sidi rbbi sul s‑ġilad.»