yahušuɛ 3:1 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹ ndid azkka inkr yahušuɛ zikk ṣbaḥ, muddun ayt‑israyil kullutn zġ‑šiṭṭim, aylliġ lkmn tama n‑wasif n‑urdun. srsn ġin ur‑ta‑t‑bbin.

yahušuɛ 3:1 Iomraidhean Croise

isizwur 21:14

zikk ṣbaḥ inkr ibrahim, yawi‑d aġrum ifk‑t i‑hagar, yawi‑d tayddidt n‑waman isrs‑tt‑in f‑tġruṭṭ‑ns, issufġ‑tt nttat d‑uḥšmi. tftu ar‑ttlulliy ġ‑lh̬la n‑bir‑šibaɛ.

isizwur 22:3

lliġ ifaw‑wass inkr ibrahim, ig aḥlas i‑uġyul‑ns, yawi dids sin iɛyyaln‑ns, yawi ula yus isḥaq. ibbi ikššuḍn ma‑s‑a‑ijddr tiġrṣi, inkr iftu s‑illi‑s‑as‑inna rbbi.

irmiyah 25:3

«sin id‑mraw d‑kraḍ (23) n‑usggʷas ayd‑iyi‑di‑ttaškin iwaliwn n‑sidi rbbi, zġ‑usggʷas wis kraḍ d‑mraw (13) n‑tgldit n‑yušiyah yus n‑amun agllid n‑yahuda, sul s‑ġassad. ar‑bdda‑srun‑sawalġ, walaynni tagʷim a‑yyi‑tsfldm.

mih̬ah 6:5

ktyat‑d a‑mddn‑inu ma‑fllawn‑inuwwa balaq agllid n‑muwab, ula ma‑s‑as‑irur balɛam yus n‑baɛur. tktim‑d amuddu‑nun zġ‑šiṭṭim s‑gilgal, f‑a‑tissanm afulki n‑sidi rbbi.»

yahušuɛ 2:1

yazn yahušuɛ yus n‑nuwn sin irgazn zġ‑šiṭṭim s‑tntla ad‑sslakan akal‑an. yuṣṣa‑tn: «ddwat taggʷm‑n tẓrm ma‑illan ġ‑tmazirt‑an, bahra tamdint n‑ariḥa.» ddun ntni aylliġ lkmn tigmmi n‑yat‑tmggant ism‑ns raḥab, gguzn ġ‑dars.

yahušuɛ 6:12

inkr‑d yahušuɛ zikk ṣbaḥ. asin daġ imsakmurn ṣṣnduq n‑lɛhd.

yahušuɛ 6:15

wis ssa n‑uwssan nkrn‑d zikk, bḥra‑d‑ifaw‑wass, ftun ġmklli bdda, walaynni lulliyn‑d i‑tmdint ssa n‑twal. ġassan waḥdut a‑d‑lulliyn i‑tmdint ssa n‑twal.

yahušuɛ 7:16

ndid azkka inkr‑d yahušuɛ zikk ṣbaḥ issḥaḍr‑d ayt‑israyil taqbilt s‑taqbilt, yašk‑id‑uṣġar ġ‑tqbilt n‑yahuda.

yahušuɛ 8:10

ndid azkka inkr‑d yahušuɛ zikk ṣbaḥ, issmun‑d mddn‑ns, izwur‑asn ntta d‑imġarn n‑ayt‑israyil, awnn s‑ɛay.

1 ṣamwil 17:20

inkr‑d dawd zikk ṣbaḥ, ifl ulli‑ns i‑ungabal, yawi lɛwin iddu ġmklli‑t‑yuṣṣa babas. lliġ‑n‑ilkm asras n‑inmmaġn, yaf‑tn‑in skrn f‑ad‑ffuġn s‑imiġ ar‑tġuwwatn s‑wawal n‑imiġ.