yahušuɛ 13:3 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

³ ašku kkant‑sttin gant tin ayt‑kanɛan, zġ‑uwttu n‑miṣr ġ‑wasif n‑šiḥur, ar awttu n‑ɛaqrun ġ‑tsgiw lli‑iwalan asmmiḍ. hati ġilad ar‑gisnti‑tḥkamn smmus iriyasn n‑ayt‑filisṭin ġ‑tmdinin n‑ġazza d‑ašdud d‑ašqalun d‑gatt d‑ɛaqrun. iqama‑ula‑wakal n‑ayt‑ɛawwi ġ‑tsgiw lli‑iwalan tirġi.

yahušuɛ 13:3 Iomraidhean Croise

isizwur 15:18

iskr sidi rbbi ġakudan lɛhd ġ‑gras d‑abram yini‑as: «amud‑nk a‑mi‑rad‑fkġ akal‑ad kullut, zġ‑wasif n‑miṣr ar asif n‑furat imqqurn,

1 igldan 8:65

ġmkan a‑izzri suliman lɛid ġ‑umnid n‑sidi rbbi, nttan d‑kullu ayt‑israyil. munn‑d s‑kigan zġ‑kraygatt tasga, zġ‑imi n‑ḥamat ar asif n‑miṣr, qaman ġ‑umnid n‑rbbi siditnġ ssa n‑uwssan.

iriyasn 16:5

awnn iriyasn n‑ayt‑filisṭin s‑dar‑tmġart‑an inin‑as: «ssfjjij‑t ard‑aġ‑d‑zġ‑gis‑tldit mani‑d‑srs‑ttkka lquwwa‑yan itjhhdn, tissant mamnk a‑ra‑fllas‑nssayk a‑t‑nkrf nssdullu‑t. kud yan ginġ rad‑am‑ifk alf d‑miyya (1100) n‑nnʷqrt.»

iriyasn 3:3

ha mad‑gan iqbiln lli‑yudja. smmus iriyasn n‑ayt‑filisṭin ula kullu mddn n‑ayt‑kanɛan, ntni d‑ayt‑ṣidun, d‑ayt‑ḥiwi lli‑izdġn ġ‑idrarn n‑lubnan zġ‑udrar n‑baɛl‑ḥarmun ar tizi n‑ḥamat.

1 ṣamwil 5:1

lliġ umẓn ayt‑filisṭin ṣṣnduq n‑lɛhd n‑rbbi, asin‑t zġ‑abanɛazr s‑tmdint n‑ašdud.

1 ṣamwil 5:10

ṣafḍn daġ ṣṣnduq n‑rbbi s‑tmdint n‑ɛaqrun. ġir ilkm ɛaqrun, ar‑kullu‑ssġuyyun ayt‑ɛaqrun ar‑ttinin: «hati iwin‑d srnġ ṣṣnduq n‑rbbi n‑israyil f‑ad‑aġ‑nġn nkkʷni d‑mddn‑nġ.»

1 ṣamwil 5:8

aznn ad‑d‑munn kullu iriyasn n‑ayt‑filisṭin, sqsan‑tn: «ma‑ra‑nskr s‑ṣṣnduq n‑rbbi n‑israyil?» rarn‑d: «a‑ityattay ṣṣnduq n‑rbbi n‑israyil s‑tmdint n‑gatt.» awin ṣṣnduq n‑rbbi n‑israyil ġakudan s‑gatt.

1 ṣamwil 6:4

sqsan‑tn: «ma‑rad‑as‑nfk a‑nfru lɛib‑nġ?» inin‑asn: «fkat‑as smmus ibzzagn n‑uwrġ d‑smmus iġrḍayn n‑uwrġ, unšk lli‑gan iriyasn n‑ayt‑filisṭin. ašku kunni d‑iriyasn‑nun, yan‑waṭṭan a‑kʷn‑yutn kullukʷn.