yahušuɛ 1:8 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁸ a‑ur‑sar‑yitti‑warra n‑ulmmud‑ad zġ‑imi‑nk. ar‑gis‑tswingimt ġ‑iyḍ ula azal, afad ad‑bdda‑trart lɛaql a‑tskart s‑kullu ma‑gis‑ityaran. ġmkan a‑s‑rad‑bdda‑ttkmmalt ma‑ttqṣadt, d‑ġmkan a‑s‑rad‑bdda‑tnjḥt.

yahušuɛ 1:8 Iomraidhean Croise

isizwur 24:63

yat‑tdggʷat iffuġ a‑ifjjij ġ‑lh̬la, yall alln‑ns s‑n‑iẓra kra n‑irɛman kkan‑d aġaras.

imurign 119:11

ḥḍiġ awal‑nk ġ‑uwl‑inu a‑ur‑skrġ kra yʷh̬šnn ġ‑iẓri‑nk.

imurign 119:15

rad‑swingimġ ġ‑ma‑tskart, ar‑tti‑tawiġ ġ‑ma‑ttinit.

imurign 119:99

fhmġ uggʷar n‑kullu imslmdn‑inu, ašku ar‑bdda‑swingimġ ġ‑tuggʷa‑nk.

imurign 19:14

rar iwaliwn n‑ils‑inu d‑iswingimn n‑uwl‑inu a‑k‑rḍun a‑sidi rbbi, ašku kiyin a‑igan ajarif n‑laman, tgt walli‑yyi‑ifukkan.

imurign 40:10

sawlġ‑asn f‑tayri‑nk idumn. ur‑fssaġ f‑mamnk a‑yyi‑tfukkit. ur‑ssrgsġ f‑tamunt imqqurn lḥnant‑nk ula tayri‑nk izgan.

imrwasn 3:1

wa iwi, a‑ur‑tettut ilmmudn‑inu. tgt luṣiyat‑inu ġ‑uwl‑nk baš ad‑bdda‑stt‑gisnti‑ttawit.

tinbaḍin 30:14

hay‑awal yakmur‑d srun. illa ġ‑imi‑nun, yili ġ‑uwl‑nun f‑a‑srs‑tskarm.

tinbaḍin 31:11

lli‑ġ‑n‑munn kullu ayt‑israyil ad‑biddn ġ‑umnid n‑rbbi siditun ġ‑udġar lli‑ra‑iẓli nttan, ġrat almmud‑ad f‑ayt‑israyil baš ad‑as‑kullu‑sfldn.

tinbaḍin 5:1

izayd musa issmun‑d kullu ayt‑israyil yini‑asn: «sfldat ay‑ayt‑israyil i‑tnbaḍin d‑lḥkamat lli‑s‑ra‑kʷn‑uṣṣaġ ġassad, baš a‑tnti‑tlmdm, tlhum srsnt ar‑srsnti‑tskarm.

yahušuɛ 1:7

ġir g‑n tiqqi tzɛmt bahra, trart lɛaql a‑tskart s‑ulmmud kullut lli‑f‑k‑yuṣṣa‑uh̬ddam‑inu musa. ad‑as‑ur‑tanft la s‑ufasi ula s‑uẓlmaḍ, f‑a‑tnjḥt ġ‑innas tddit.

yahušuɛ 8:34

izayd ilmma yahušuɛ ar‑yaqra kullu iwaliwn n‑ulmmud s‑lbarakat ula nnɛlat, ġmklli ityaran ġ‑warra n‑ulmmud.