yahušuɛ 1:7 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁷ ġir g‑n tiqqi tzɛmt bahra, trart lɛaql a‑tskart s‑ulmmud kullut lli‑f‑k‑yuṣṣa‑uh̬ddam‑inu musa. ad‑as‑ur‑tanft la s‑ufasi ula s‑uẓlmaḍ, f‑a‑tnjḥt ġ‑innas tddit.

yahušuɛ 1:7 Iomraidhean Croise

1 igldan 2:2

«imikk rad‑munġ d‑uġaras n‑kullu ma‑illan ġ‑ddunit. g‑n tiqqi‑nk tgt argaz.

1 igldan 2:3

skar s‑kullu ma‑f‑k‑yuṣṣa rbbi sidik, ar‑tfttut ġ‑iġarasn‑ns, ar‑ttlhut s‑tnbaḍin‑ns d‑luṣiyat‑ns d‑lḥkamat‑ns d‑tuggʷa‑ns ġmklli kullu ityaran ġ‑ulmmud n‑musa. ġmkan a‑s‑ra‑ttnjaḥt ġ‑kullu ma‑tskart ula kullu manis a‑ttidut,

2 igldan 22:2

ar‑iskar ma‑iṣlaḥn ġ‑iẓri n‑sidi rbbi, iḍfur aġaras n‑jddis dawd, ur‑as‑yunf la s‑ufasi ula s‑uẓlmaḍ.

ayyub 1:8

yini sidi rbbi i‑šiṭan: «is‑tlhit s‑uh̬ddam‑inu ayyub? ur‑illi yan ġ‑ddunit zund nttan. ig argaz ikmmln inm, ar‑tt‑itawi ġ‑rbbi‑ns, ar‑itanf i‑kullu ma‑yʷh̬šnn.»

tasutin 27:23

isrs fllas musa ifassn‑ns, yuṣṣa‑t ġmklli‑s‑as‑d‑inna sidi rbbi.

tinbaḍin 28:14

wala da‑ttanfm s‑ufasi ula s‑uẓlmaḍ i‑iwaliwn‑ad‑s‑kʷn‑uṣṣaġ ġassad, wala tsigglm s‑kra n‑id‑rbbi yaḍni a‑tn‑ttqasam.

tinbaḍin 31:7

iġr musa i‑yahušuɛ s‑dars ġakudan, yini‑as ġ‑umnid n‑kullu ayt‑israyil: «g‑n tiqqi tzɛmt, ašku ra‑tkšmt kiyi d‑mddn‑ad s‑wakal lli‑f‑iggulla sidi rbbi i‑id‑babatsn ad‑asn‑t‑ifk, tbḍut‑asn‑t a‑t‑teṭṭafn.

tinbaḍin 4:2

awal‑ad‑s‑kʷn‑uṣṣaġ, a‑ur‑as‑tzaydm yat, ula tnaqṣm‑as yat, ad‑bdda‑stti‑ttawim ġ‑luṣiyat n‑rbbi siditun lli‑s‑kʷn‑uṣṣaġ.

yahušuɛ 1:1

lliġ immut musa ah̬ddam n‑sidi rbbi, isawl‑d sidi rbbi s‑yahušuɛ yus n‑nuwn, d‑ntta ikka‑ttin iga amɛwan n‑musa. yini‑as sidi rbbi:

yahušuɛ 1:8

a‑ur‑sar‑yitti‑warra n‑ulmmud‑ad zġ‑imi‑nk. ar‑gis‑tswingimt ġ‑iyḍ ula azal, afad ad‑bdda‑trart lɛaql a‑tskart s‑kullu ma‑gis‑ityaran. ġmkan a‑s‑rad‑bdda‑ttkmmalt ma‑ttqṣadt, d‑ġmkan a‑s‑rad‑bdda‑tnjḥt.

yahušuɛ 1:9

is‑ur‑k‑uṣṣaġ ‹g‑n tiqqi tzɛmt›? ad‑ur‑ttiksaḍt ula da‑ttasit taġuft, ašku rbbi sidik a‑ra‑dik‑yili ġ‑innas tddit.»

yahušuɛ 11:15

ġmklli yuṣṣa sidi rbbi ah̬ddam‑ns musa, ġmkan a‑f‑yuṣṣa musa yahušuɛ, d‑ġmkan a‑iskr yahušuɛ. iskr kullu ma‑f‑yuṣṣa sidi rbbi musa, ur‑n‑gis‑ifil yat.

yahušuɛ 23:6

gat‑n tiqqi‑nun bahra, tawim‑tt ġ‑kullu ma‑ityaran ġ‑warra n‑ulmmud n‑musa, ar‑bdda‑srs‑tskarm. a‑ur‑as‑tanfm la s‑ufasi ula s‑uẓlmaḍ.