yahušuɛ 1:6 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁶ g‑n tiqqi tzɛmt, ašku f‑ufus‑nk a‑f‑rad‑ṭṭafn mddn‑ad akal lli‑f‑ggulliġ i‑id‑babatsn ad‑asn‑t‑fkġ.

yahušuɛ 1:6 Iomraidhean Croise

isizwur 12:7

iban‑d sidi rbbi i‑abram ġakudan yini‑as: «amud‑nk a‑mi‑rad‑fkġ tamazirt‑ad.» ibnu ġin abram yan‑ukrkur ma‑f‑a‑n‑issakmur tiġrṣiw i‑sidi rbbi lli‑as‑d‑ibann.

isizwur 26:3

tgawrt gis, iliġ dik barkġ gik. ašku kiyi d‑wamud‑nk a‑mi‑rad‑fkġ ikalln‑ad kullutn, ssafuġ tagallit lli‑s‑ggulliġ i‑babak ibrahim.

1 igldan 2:2

«imikk rad‑munġ d‑uġaras n‑kullu ma‑illan ġ‑ddunit. g‑n tiqqi‑nk tgt argaz.

imurign 27:14

rju ġilad ġ‑sidi rbbi, tdust tzzɛamt ul‑nk. rju ġilad ġ‑sidi rbbi.

zakaryah 8:9

«ha ma‑inna siditun rbbi n‑lmlayka. wa kunni‑ad isflidn i‑iwaliwn n‑lanbiya lli‑illan ġ‑gratun zġ‑wass lli‑ġ‑ittrs llsas n‑tgmmi tamẓlayt, ssdusat ifassn‑nun ar‑tbnnum tigmmi‑ad n‑siditun rbbi n‑lmlayka.

tinbaḍin 1:8

ha‑yyi srsġ‑awn‑in akal‑ad ġ‑lgddam‑nun. kšmat srs, teṭṭafm akal lli‑f‑ggulliġ i‑id‑babatun ibrahim d‑isḥaq d‑yaɛqub ad‑asn‑t‑fkġ ntni d‑wamud‑nsn tigira‑nsn.› »

yahušuɛ 1:18

wanna iɛṣan luṣiyat‑nk, yagʷi a‑isfld s‑wawal nna‑f‑ti‑tuṣṣat, hati illa fllas a‑immt. ġir g‑n tiqqi‑nk tzɛmt.»

yahušuɛ 1:7

ġir g‑n tiqqi tzɛmt bahra, trart lɛaql a‑tskart s‑ulmmud kullut lli‑f‑k‑yuṣṣa‑uh̬ddam‑inu musa. ad‑as‑ur‑tanft la s‑ufasi ula s‑uẓlmaḍ, f‑a‑tnjḥt ġ‑innas tddit.

yahušuɛ 1:9

is‑ur‑k‑uṣṣaġ ‹g‑n tiqqi tzɛmt›? ad‑ur‑ttiksaḍt ula da‑ttasit taġuft, ašku rbbi sidik a‑ra‑dik‑yili ġ‑innas tddit.»

yahušuɛ 10:25

yini yahušuɛ i‑irgazn‑ns: «ad‑ur‑tiksaḍm ula tusim taġuft. gat‑n tiqqi tzɛmm, ašku ġmkad a‑ra‑iskr sidi rbbi i‑kullu inuwwašn‑nun nna‑di‑tmmaġm.»

yahušuɛ 13:6

qaman ula kullu iwrar zġ‑lubnan ar misrafut‑mayim, hati ɛmmrn‑tn ayt‑ṣidun. ra‑tn‑ṭṭayġ kullutn ġ‑lgddam n‑ayt‑israyil. «imma ġilad, gr‑d aṣġar f‑tmizar‑an, baš a‑tnt‑wrtn ayt‑israyil ġmklli‑f‑k‑uṣṣaġ.

yahušuɛ 18:3

yini yahušuɛ i‑ayt‑israyil: «mnšk a‑ra‑sul‑tmaṭlm a‑tkšmm teṭṭafm akal lli‑awn‑ifka rbbi da‑illan ig rbbi n‑id‑babatun?»

yahušuɛ 21:43

ġmkan a‑s‑ifka sidi rbbi i‑ayt‑israyil kullu akal lli‑f‑iggulla a‑t‑ifk i‑id‑babatsn, kšmn srs zdġn gis.

yahušuɛ 5:6

ašku kkuẓ n‑id‑mraw (40) n‑usggʷas a‑tmuddun ayt‑israyil ġ‑lh̬la, aylliġ kullu mmutn willi‑d‑iffuġn zġ‑miṣr, lli‑iẓḍarn i‑imiġ, ašku ur‑rin ad‑sflidn s‑wawal n‑sidi rbbi. ġayan a‑f‑asn‑iggulla sidi rbbi ur‑ẓrran akal lli‑f‑iggulla i‑id‑babatsn ad‑aġ‑t‑ifk, ig akal lli‑ġ‑ingi‑ugʷfay d‑tammnt.

1 ṣamwil 4:9

nkrat zɛmat ay‑ayt‑filisṭin, tgm irgazn. a‑ur‑twrrim tgm ismgan dar ayt‑ɛibr‑an, ġmklli darun gan ntni. gat‑n tirugza‑nun tmmaġm.»