yahušuɛ 1:5 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁵ kullu ussan n‑tudrt‑nk ur‑ra‑yiẓḍar yan a‑d‑srk‑inkr. ha nkki, ġmklli lliġ d‑musa a‑ra‑dik‑iliġ. ur‑sar‑k‑in‑filġ ula wrriġ‑d fllak.

yahušuɛ 1:5 Iomraidhean Croise

isizwur 39:2

imma yusf, illa dids sidi rbbi, iwrri iga wad injḥn, ih̬dm ġ‑tgmmi n‑sidis gu‑miṣr.

1 igldan 11:38

iġ‑a‑tskart s‑kullu ma‑f‑a‑k‑tuṣṣaġ, ar‑bdda‑tfttut ġ‑iġarasn‑inu, ar‑tskart ma‑iṣlaḥn ġ‑iẓri‑nu, ar‑tti‑ttawit ġ‑tnbaḍin d‑luṣiyat‑inu, ġmklli iskar‑uh̬ddam‑inu dawd, hati rad‑dik‑iliġ, zzgaġ‑ak tasut n‑wamud‑nk, ġmklli skrġ i‑dawd. rad‑ak‑fkġ israyil,

1 igldan 6:13

rad‑zdġġ ġ‑gr ayt‑israyil. ur‑sar‑rad‑flġ mddn‑inu n‑israyil.»

1 igldan 8:57

imma ġilad, ḍalbġ ad‑didnġ‑yili rbbi siditnġ, ġmklli illa d‑id‑babatnġ. a‑ur‑aġ‑sar‑ifl ula iwrri fllanġ.

ufuġ 3:12

yini‑as rbbi: «ha‑yyi rad‑dik‑iliġ. d‑ġmkad a‑rad‑ak‑ig tamatart n‑izd nkkin a‑k‑yuznn, ašku tigira n‑ma‑di‑tssufġt mddn‑nk zġ‑miṣr, adrar‑ad a‑ġ‑ra‑ttqasat rbbi‑nk.»

irmiyah 1:8

a‑ur‑tn‑tiksaḍt, ašku lliġ bdda dik a‑k‑jjnjamġ. inna‑t rbbi da‑bdda‑illan.»

tinbaḍin 4:31

ašku rbbi siditun iga wad itḥnnun, ur‑ra‑kʷn‑ifl ula ifna‑kʷn ula ittu lɛhd lli‑iskr s‑tgallit d‑id babatun.»

tinbaḍin 7:24

rad‑awn‑in‑isrs igldan‑nsn ġ‑ufus‑nun, tsfiḍm ismawn‑nsn zġ‑ddu ignwan. ur‑ra‑yiẓḍar yan a‑kʷn‑iḥṣar ard‑tn‑kullu‑tfnum.

yahušuɛ 1:17

ġmklli nsflid s‑kullu ma‑inna musa, ra‑srk‑nsflid ula kiyi. ġir a‑dik‑yili rbbi sidik ġmklli illa d‑musa.

yahušuɛ 1:9

is‑ur‑k‑uṣṣaġ ‹g‑n tiqqi tzɛmt›? ad‑ur‑ttiksaḍt ula da‑ttasit taġuft, ašku rbbi sidik a‑ra‑dik‑yili ġ‑innas tddit.»

yahušuɛ 10:8

yini sidi rbbi i‑yahušuɛ: «a‑ur‑zġ‑gisn‑tiksaḍt, ašku giġ‑tn ġ‑ufus‑nk. ur‑rad‑zġ‑gisn‑ibidd ġ‑umnid‑nk ḥtta yan‑urgaz.»

yahušuɛ 21:44

ifk‑asn sidi rbbi lhna ġ‑kraygatt tasga, ġmklli‑f‑iggulla i‑id‑babatsn. ḥtta yan ġ‑inuwwašn‑nsn ur‑ibidd ġ‑lgddam‑nsn, ašku iga‑n sidi rbbi kullu inuwwašn‑an ġ‑ufus‑nsn.

yahušuɛ 3:7

yini sidi rbbi i‑yahušuɛ: «zġ‑ġassad tasawnt ra‑k‑ssimġurġ ġ‑iẓri n‑kullu ayt‑israyil, f‑ad‑issann izd ġmklli lliġ nkki d‑musa a‑ra‑dik‑iliġ ula kiyi.

yahušuɛ 6:27

yahušuɛ, illa dids sidi rbbi, ityawssan ġ‑wakal‑an kullut.

iriyasn 2:18

ġakud nna‑yasn‑iskr sidi rbbi ariyas, yili sidi rbbi d‑uriyas‑an, ifukku‑tn zġ‑ufus n‑inuwwašn‑nsn kullu ussan n‑tudrt n‑uriyas‑an. ašku sidi rbbi ar‑bahra‑gisn‑itḥnnu, ġakud nna‑nddrn f‑tɛddiyt d‑trfufnt lli‑s‑tmrrtn f‑ufus n‑inuwwašn‑nsn.

iriyasn 6:16

yini‑as‑d sidi rbbi: «ha‑yyi ra‑dik‑iliġ. ra‑tutt ayt‑midyan yat‑twal ḍrn.»

1 ṣamwil 10:7

tizi‑an ġ‑ak‑d‑bannt‑tmitar‑ad, skar aynna yufa‑ufus‑nk a‑t‑iskr, ašku illa dik rbbi.