tasutin 22:12 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹² irar‑d rbbi i‑balɛam: «a‑ur‑didsn‑tmunt wala tnɛlt mddn‑an, ašku imbarkiyn ad‑gan.»

tasutin 22:12 Iomraidhean Croise

isizwur 12:2

rad‑zġ‑gik‑skrġ yan‑uqbil imqqurn. ra‑k‑barkġ, ssimġurġ ism‑nk f‑ad‑kšmn mddn ggutnin s‑lbaraka‑yad dark illan.

išaɛyah 61:9

tarwa n‑tarwa‑nsn, ra‑yimġur ism‑nsn ġ‑dar‑tmizar n‑ddunit, ityawssan‑ula‑wamud‑nsn ġ‑gr iqbiln aggugnin. kullu wanna‑tn‑iẓran ra‑fllasn‑yakka tuggʷa, ar‑ittini: ‹ġwid, ibark gisn rbbi da‑illan.› »

mih̬ah 6:5

ktyat‑d a‑mddn‑inu ma‑fllawn‑inuwwa balaq agllid n‑muwab, ula ma‑s‑as‑irur balɛam yus n‑baɛur. tktim‑d amuddu‑nun zġ‑šiṭṭim s‑gilgal, f‑a‑tissanm afulki n‑sidi rbbi.»

tasutin 22:11

‹ha yan‑uqbil iffuġ‑d zġ‑miṣr, idl kullu udm n‑wakal. ašk‑id tɛawnt‑iyi tdɛut‑asn s‑nnɛlt, a‑ur‑imil ẓḍarġ a‑n‑fllasn‑akʷiġ ṭṭayġ‑tn.› »

tasutin 22:13

inkr balɛam zikk, yini i‑iriyasn n‑balaq: «wrryat s‑tmazirt‑nun, ašku sidi rbbi ur‑iyi‑yudj a‑didun‑munġ.»

tasutin 22:6

ašk‑id tɛawnt‑iyi ašku tjhhdn flla, tdɛut‑asn s‑nnɛlt a‑ur‑imil nruġ‑tn ṭṭayġ‑tn zġ‑wakal‑ad. ašku ssnġ wanna tbarkt ra‑ig ambarki, d‑wanna tnɛlt ra‑ig unɛil.»

tasutin 23:3

yini ilmma balɛam i‑balaq: «bidd ġ‑dar isakmurn‑nk jdrnin. rad‑dduġ nkki a‑ur‑imil yašk‑id sidi rbbi imnaggar‑iyi‑d. aynna‑yyi‑d‑imla, rad‑ak‑t‑iniġ.» iddu balɛam ġakudan s‑mani ih̬wan yattuy.

tasutin 23:8

mamnk a‑rad‑nɛlġ yan ur‑inɛil rbbi? mamnk a‑rad‑h̬zuġ yan ur‑ih̬zi walli illan?

tinbaḍin 28:6

imbarkiyn a‑ra‑tgm ġakud nna‑tkšmm ula ġakud nna‑tffuġm.

tinbaḍin 7:14

imbarkiyn a‑ra‑tgm uggʷar n‑kullu iqbiln. ur‑ra‑giwn‑yili kra n‑urgaz ula kra n‑tmġart ur‑iṭṭafn tarwa, ula illa ġ‑lksibt‑nun.