tasutin 12:6 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁶ yini‑asn: «sfldat i‑ma‑rad‑awn‑iniġ. wanna isawaln ġ‑gratun s‑iwaliwn n‑rbbi siditun, ar‑as‑malaġ ih̬f‑inu ġ‑tiwuẓra, ar‑srs‑sawalġ ġ‑twargiwin,

tasutin 12:6 Iomraidhean Croise

isizwur 15:1

tigira n‑mayan yašk‑id‑wawal n‑sidi rbbi i‑abram ġ‑twaẓrit yini‑as: «way‑abram, ad‑ur‑tiksaḍt. nkkin a‑igan antal‑nk, gġ walli‑k‑ijazan s‑lh̬ir.»

isizwur 20:7

ġilad rar tamġart i‑urgaz‑ns. han ntta nnabi a‑iga, ra‑fllak‑iẓẓall a‑sul‑tddrt. walaynni iġ‑ur‑tti‑trurt, nniġ‑ak s‑ṣṣaḥt ra‑tmmtt kiyi ula kullu mddn‑nk.»

isizwur 28:12

imikk ar‑itwarga s‑iẓra yat‑tskala, ttrsn iḍarn‑ns f‑wakal, ilkm ih̬f‑ns ar ignna, ar‑as‑aqlayn lmlayka n‑rbbi ar‑as‑di‑tgguzn.

isizwur 28:16

ifaq‑d yaɛqub zġ‑iyṭs yini: «s‑ṣṣaḥt illa ‹wad bdda illan› ġ‑udġar‑ad, d‑nkki ur‑ssinġ.»

isizwur 37:5

ha yan‑wass iwarga yusf yat‑twargit, yini fllas i‑aytmas, wrrin ġakudan krhun‑t s‑uggʷar.

isizwur 37:9

iwarga daġ yat‑twargit yaḍni, yini fllas i‑aytmas: «wargaġ tawargit yaḍni. ẓriġ tafukt d‑wayyur d‑yan d‑mraw (11) n‑itri ar‑knnun ġ‑lgddam‑inu.»

isizwur 46:2

isawl‑d rbbi s‑israyil ġ‑tiwuẓra n‑iyḍ yini‑as‑d: «yaɛqub, yaɛqub». yini‑as: «ha nkki».

2 ṣamwil 7:4

yašk‑id‑wawal n‑sidi rbbi ġ‑iḍ‑an i‑natan yini‑as:

1 igldan 3:15

ifaq‑d suliman ġakudan zġ‑iyṭs, yissan izd tawargit ayan. yašk‑id s‑urušalim, ibidd ġ‑lgddam n‑ṣṣnduq n‑lɛhd n‑sidi rbbi, issattuy tiġrṣiw jdrnin d‑isakmurn n‑sslamt, iskr imkli imqqurn i‑ih̬ddamn‑ns kullutn.

1 igldan 3:5

iban‑d sidi rbbi i‑suliman ġ‑gibɛun, ġ‑yat‑twargit ġ‑iyḍ, yini‑as rbbi: «ḍalb kra trit ad‑ak‑t‑fkġ.»

ayyub 33:15

s‑twargit ula tawaẓrit n‑iyḍ a‑s‑a‑irẓẓm imẓgan n‑yan. lliġ ign ġ‑tisi yawi‑t iṭs, ġakudan a‑t‑itẓi rbbi ar‑t‑issiwid,

ayyub 4:13

aškint‑iyi‑d‑twargiwin ġ‑iyḍ ġakud lliġ‑iyi‑n‑yiwi iṭs iẓẓayn,

ufuġ 7:1

isawl sidi rbbi s‑musa yini‑as: «ẓr ġilad, han giġ‑k d‑zund rbbi i‑firɛawn, gġ gʷmak harun d‑zund nnabi‑nk.

irmiyah 23:25

«sfldġ i‑iwaliwn n‑lanbiya n‑tkrkas ar‑tkašafn s‑ism‑inu ar‑ttinin: ‹ha‑yyi wargaġ, ha‑yyi wargaġ.›

irmiyah 23:28

nnabi nna‑iwargan, isawl‑iyt f‑twargit‑ns, imma wanna dar awal‑inu, illa fllas a‑isawal s‑lḥqq n‑wawal‑inu. ašku han alim d‑imndi, izd ntni yan ad‑gan? inna‑t walli bdda illan.

iḥazqyal 1:1

ġ‑usggʷas wis kraḍ id‑mraw (30) ġ‑wayyur wis kkuẓ ġ‑wass wis smmus, lliġ nkki ġ‑gr imsukfn ġ‑tama n‑trga n‑kbar, s‑ha ignwan nurẓmn, bannt‑iyi‑d tiwuẓra n‑rbbi.

danyal 2:19

ġ‑iḍ‑an a‑d‑imla rbbi maylli intln i‑danyal ġ‑yat‑twargit. izayd danyal yalġ rbbi n‑ignna

danyal 7:1

asggʷas amzwaru n‑bilšaṣṣar agllid n‑babil, iẓra danyal yat‑twargit ula tiwuẓra ġ‑ih̬f‑ns lliġ ign ġ‑tisi, yara ġakudan maylli iwarga. ġmkad a‑tga‑tġawsa kullutt.

1 ṣamwil 3:15

ign ṣamwil aylliġ‑d‑iġli‑wass, irẓm tiflwin n‑tgmmi n‑sidi rbbi. yiksaḍ ṣamwil a‑iml tawaẓrit‑an i‑ɛali.

1 ṣamwil 3:21

iban‑d daġ sidi rbbi ġ‑šiluh. s‑wawal‑ns a‑s‑a‑d‑issban sidi rbbi ih̬f‑ns i‑ṣamwil ġ‑šiluh.