tasutin 11:12 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹² izd nkkin a‑irban mddn‑ad, aruġ‑tn‑d zġ‑udis‑inu aylliġ‑iyi‑tuṣṣat a‑tn‑asiġ f‑idmarn‑inu ġmklli ttasi‑tmġart arraw‑ns issumumn, ard‑tn‑sslkmġ tamazirt lli‑f‑tggullit a‑stti‑tfkt i‑id‑babatsn?

tasutin 11:12 Iomraidhean Croise

isizwur 13:15

hati kullu tamazirt‑ad tẓrit, rad‑ak‑tt‑fkġ a‑tg tink ula tin tarwa‑nk kullu mayd iftan.

isizwur 24:7

ašku isawl sri sidi rbbi bab n‑ignwan lli‑yyi‑d‑issufġn zġ‑dar ayt‑takat n‑baba ula zġ‑tmazirt lli‑ġ‑lulġ, iggall‑iyi yini: ‹amud‑nk a‑mi‑rad‑fkġ tamazirt‑ad.› d‑nttan a‑ra‑yazn lmalak‑ns ad‑ak‑izwur s‑ġin f‑a‑di‑tawit taslit i‑iwi.

isizwur 26:3

tgawrt gis, iliġ dik barkġ gik. ašku kiyi d‑wamud‑nk a‑mi‑rad‑fkġ ikalln‑ad kullutn, ssafuġ tagallit lli‑s‑ggulliġ i‑babak ibrahim.

isizwur 50:24

isawl yusf ilmma s‑aytmas yini‑asn: «han ġir imikk rad‑mmtġ. walaynni rbbi ra‑d‑srun‑yakmur a‑kʷn‑iɛawn. ra‑kʷn‑issawn zġ‑tmazirt‑ad, yawi‑kʷn s‑wakal lli‑f‑iggulla i‑ibrahim d‑isḥaq d‑yaɛqub.»

ufuġ 13:11

«ġakud nna‑kʷn‑išškšm sidi rbbi s‑wakal n‑ayt‑kanɛan, ifk‑awn‑t ġmklli‑s‑awn‑iggulla kunni d‑id‑babatun,

ufuġ 13:5

kraygatt imal ayyur‑ad a‑ra‑ttqasam lɛid, ġakud nna‑kʷn‑išškšm sidi rbbi s‑wakal n‑ayt‑kanɛan d‑ayt‑ḥit d‑ayt‑amur d‑ayt‑ḥiwi d‑ayt‑yabus, a‑t‑igan d‑wakal lli‑f‑iggulla i‑id‑babatun ad‑awn‑t‑ifk, ig akal lli‑ġ‑ingi‑ugʷfay d‑tammnt.

ufuġ 33:1

yini ilmma sidi rbbi i‑musa: «zayd kiyi d‑mddn lli‑di‑tssiwnt zġ‑wakal n‑miṣr, tawnm zġ‑ġid s‑wakal lli‑f‑ggulliġ i‑ibrahim d‑isḥaq d‑yaɛqub iniġ‑asn: ‹ra‑t‑fkġ i‑wamud‑nun.›

ufuġ 6:8

šškšmġ‑kʷn‑d s‑wakal lli‑f‑ggulliġ a‑t‑fkġ i‑ibrahim d‑isḥaq d‑yaɛqub, fkġ‑awn‑t a‑ti‑twrtm ula kunni. nkkin a‑igan rbbi da‑bdda‑illan.› »

išaɛyah 40:11

ra‑iks tawrut‑ns zund amksa, yasi‑d ilqqaġn ġ‑gr ifassn‑ns. ra‑tn‑yamẓ f‑idmarn‑ns, issrh̬u aġaras i‑tilli ssngaynin.

išaɛyah 49:15

walaynni is‑tẓḍar‑tmġart issngayn a‑tettu azzan‑ns? is‑ur‑a‑ttḥnnu ġ‑warraw n‑waḥlig‑ns? iġ‑akkʷ‑ti‑tettu nttat, ur‑ra‑km‑ttuġ nkki.

išaɛyah 49:23

igldan a‑ra‑ig imqasan i‑tarwa‑nm, d‑tgldin a‑ra‑tn‑issngay. rad‑adrn i‑ih̬f‑nsn ar‑knnun s‑wakal ġ‑umnid‑nm, ar‑km‑bahra‑tuqqarn. ġakudan a‑ra‑tissant izd nkkin a‑igan ġwalli bdda illan, d‑ur‑sar‑ra‑inḥaššam wanna‑n‑gigi‑irjan.»

iḥazqyal 34:23

ssbiddġ fllasn yan‑umksa ma‑tn‑ikssan. iga‑t‑uh̬ddam‑inu dawd. ra‑tn‑ikssa ig‑asn amksa.