imurign 78:58 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁵⁸ ssṭiyrn‑as‑tt lliġ a‑knnun i‑iẓran nqšnin, ssqlaqln‑t s‑ikʷrkar‑nsn ġ‑iggi n‑iwrar.

imurign 78:58 Iomraidhean Croise

1 igldan 11:10

yuṣṣa‑t f‑tġawsa‑yad yini‑as: «a‑ur‑sar‑ttɛbadt id‑rbbi yaḍni.» imma suliman ur‑iqama ġ‑wawal‑an.

1 igldan 11:7

izayd suliman ibnu yan‑ukrkur ma‑ġ‑a‑tɛbadn ‹kamuš› lli‑igan jjlih̬t n‑ayt‑muwab, ġ‑uwrir ġ‑tama n‑urušalim lli‑iwalan asġlay n‑tafukt. ibnu wayyaḍ i‑‹mulah̬› lli‑igan jjlih̬t n‑ayt‑ɛammun.

1 igldan 12:31

izayd yarabɛam ibnu lqubbat ġ‑iggi n‑iwrar, iskr‑asnt imsakmurn zġ‑gr kullu mddn, ur‑gin zġ‑ayt‑lawi.

2 igldan 17:9

ar‑tsalan ayt‑israyil iskkirn ur‑ṣlaḥnin, ġḍrn rbbi siditsn ġ‑tntla. bnun ikʷrkar i‑ih̬f‑nsn ġ‑kullu timdinin‑nsn zġ‑iġrm imẓẓin ar tamdint imqqurn idusn.

2 igldan 21:7

iskr taggjdit inqšn n‑‹ašrah›, issbidd‑stt ġ‑tgmmi tamẓlayt lli‑f‑isawl sidi rbbi i‑dawd d‑yus suliman yini‑asn: «ha tigmmi‑ad d‑tmdint‑ad n‑urušalim lli‑stiġ ġ‑gr kullu tiqbilin n‑israyil, rad‑fllas‑gġ ism‑inu kullu mayd iftan.

ufuġ 34:14

a‑ur‑tqasam kra n‑rbbi yaḍni, ašku rbbi da‑mi ism‑ns ‹wad bdda illan› iga wad išqan f‑ma‑igan wins. s‑ṣṣaḥt šqiġ nkki f‑ma‑igan winu.

tinbaḍin 27:15

‹h̬ziyt a‑iga wanna issbiddn kra n‑ṣṣurt inqšn nġd kra n‑ṣṣurt zġ‑maylli ifsin, ttyawskar f‑ufus n‑usiyyaġ, ar‑as‑iknnu ġ‑tntla. wan ġayan iga tajlh̬it ġ‑iẓri n‑sidi rbbi.› rad‑kullu‑sawln mddn inin ‹amin›.

iriyasn 10:6

wrrin daġ ayt‑israyil ar‑tsalan ma‑yʷh̬šnn ġ‑iẓri n‑sidi rbbi. ar‑tqasan ‹baɛl› d‑‹ɛaštarut› d‑id‑rbbi n‑tmazirt n‑aram d‑win ṣidun d‑win muwab d‑win ayt‑ɛammun d‑win ayt‑filisṭin. fln rbbi da‑illan, ur‑sul‑a‑ti‑tqasan.

iriyasn 2:17

walaynni ar‑sul‑tagʷin mddn ad‑sflidn s‑iriyasn‑nsn, ašku wrrin ar‑tfsadn d‑id‑rbbi yaḍni ar‑asn‑knnun. imikk a‑tkkan, s‑a‑tffuġn zġ‑uġaras n‑id‑babatsn lli‑iskarn s‑luṣiyat n‑sidi rbbi, agʷin ad‑skarn ġmkan.

iriyasn 2:20

iznd lġaḍab n‑sidi rbbi tigira f‑ayt‑israyil yini: «lliġ rẓan mddn‑ad lɛhd lli‑f‑uṣṣaġ id‑babatsn, ula da‑sflidn ntni s‑wawal‑inu,

iriyasn 3:19

walaynni lliġ ilkm dar iẓran nqšnin ġ‑tama n‑gilgal, iwrri waḥdut s‑dar‑ugllid yini‑as: «dari yan‑wawal intln ay‑agllid, riġ ad‑ak‑t‑iniġ.» yamr‑ugllid imqasan‑ns yini‑asn: «fssayt» s‑ffuġn kullu zġ‑dars.