imurign 78:24 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

²⁴ ar‑d‑fllasn‑izzuguz aġrum n‑‹man› zund anẓar, ifk‑asn‑d imndi n‑ignna a‑t‑šttan.

imurign 78:24 Iomraidhean Croise

naḥamyah 9:15

lliġ‑tn‑yaġ laẓ, tfkt‑asn‑d aġrum zġ‑ignna. lliġ‑tn‑yaġ irifi, tssufġt‑d aman zġ‑ujarif. tinit‑asn ilmma ad‑d‑kšmn ṭṭafn akal lli‑f‑tggullit ad‑asn‑ti‑tfkt.

naḥamyah 9:20

taznt‑d rruḥ‑nk ifulkin a‑tn‑isslmad. ur‑asn‑tkkist aġrum n‑‹man› i‑imi‑nsn, tfkt‑asn ula aman ġ‑tizi n‑irifi.

ufuġ 16:14

imikk s‑tzwa‑tġli, s‑illa kra irwasn ilmšan sdidnin, idl udm n‑wakal, isdid zund agris f‑iggi n‑wakal.

ufuġ 16:4

yini sidi rbbi ġakudan i‑musa: «ha‑yyi ra‑n‑fllawn‑tffiġ aġrum zund anẓar zġ‑ignwan. illa f‑mddn ad‑tffuġn kraygatt ass ar‑d‑ssmunun unšk nna‑f‑lkmn i‑wass‑an. ġmkad a‑s‑ra‑tn‑armġ, ẓrġ is‑rad‑skarn s‑tnbaṭṭ‑inu nġd uhu.

tinbaḍin 8:3

s‑ṣṣaḥt issdulla‑kʷn ifl‑kʷn s‑laẓ, ifk‑awn ilmma a‑tššm ‹man› lli‑ur‑tssinm kunni wala ssnn‑t id‑babatun. ġmkan a‑s‑awn‑isslmd is‑urd aġrum ka‑s‑a‑itddr bnadm, walaynni ar‑itddr bnadm s‑kraygatt awal nna‑d‑ikkan imi n‑sidi rbbi.