imurign 62:9 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁹ hati amẓluḍ zund tunfust a‑izray, imma bu‑wayda tawargit ka‑iga. ntni s‑sin hatin fssusn f‑yat‑tunfust, ar‑srsn‑yaqlay lmizan.

imurign 62:9 Iomraidhean Croise

2 igldan 19:14

yamẓ ḥizqiyah tabrat zġ‑ufus n‑irqqasn, iġr‑tt. yawn ḥizqiyah ġakudan s‑tgmmi n‑sidi rbbi, ifsr tabrat ġ‑umnid n‑sidi rbbi.

imurign 118:9

yuf a‑izawg yan ġ‑sidi rbbi wala ittkl f‑iriyasn.

išaɛyah 26:4

amnat ġ‑sidi rbbi ġilad ula bdda, ašku rbbi siditnġ iga ajarif idumn.

išaɛyah 40:15

han iqbiln gan zund timqit iḍrn zġ‑ddlu, fssusn f‑ugdrur ittrsn f‑lmizan. yusi nttan igzirn ġ‑tuggugt n‑imdwan zund tiẓratin n‑umlal.

išaɛyah 40:17

kullu timizar n‑ddunit mẓẓint ġ‑iẓri‑ns. iġ‑tnt‑akkʷ‑iḥasb, ur‑rad‑dars‑gnt yat.

danyal 5:27

taqal: ‹yuwzn‑k ġ‑lmizan yaf‑k‑in tfssust.›

1 ṣamwil 1:15

trar‑as‑d ḥanna: «uhu a‑sidi, giġ tamġart mi‑tġufa rruḥ‑ns bahra. ur‑swiġ ma‑iktin ula ma‑issmlilliyn. ha‑yyi ar‑di‑ttffiġ ma‑illan ġ‑uwl‑inu ġ‑umnid n‑sidi rbbi.

1 ṣamwil 18:5

izayd dawd ar‑itffuġ s‑imiġ, ar‑itnjaḥ ġ‑kraygatt manis‑t‑yuzn šawl. ig‑t ilmma d‑ih̬f f‑inmmaġn. ifulki mayan ġ‑iẓri n‑kullu mddn, ifulki ula ġ‑iẓri n‑imɛawann n‑šawl.

1 ṣamwil 18:7

allnt awal‑nsnt ar‑tnjawabnt i‑ngratsnt: «šawl inġa id‑walf‑ns, dawd inġa mraw n‑id‑walf.»