imurign 51:6 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁶ ssnġ izd lḥqq a‑trit ġ‑uwl n‑yan. sslmd‑iyi taḥkimt a‑gigi‑ttnbaḍ.

imurign 51:6 Iomraidhean Croise

2 ṣamwil 12:13

yini dawd i‑natan: «ʷh̬šnġ nkki s‑sidi rbbi.» yini‑as natan: «sidi rbbi issmatti fllak lh̬ʷšant lli‑tskrt, ur‑ra‑tmmtt.

2 igldan 20:3

«wa sidi rbbi, ġir swangm mamnk a‑bdda‑fttuġ ġ‑umnid‑nk s‑nniyt iṣfan d‑uwl izgan, ar‑skarġ ma‑iṣlaḥn ġ‑iẓri‑nk.» ar‑yalla ḥizqiyah imṭṭawn ḥrranin.

ayyub 32:8

walaynni bnadm ar‑itfham s‑rruḥ lli‑gis‑illan, ig‑tt‑unfus n‑walli iẓḍarn i‑kulši.

imurign 15:2

wanna‑ġ‑ur‑illi lɛib, ar‑iskar afulki. ar‑ittini lḥqq s‑nniyt n‑uwl‑ns.

imurign 32:5

qrraġ‑ak ġakudan mamnk ad‑ffuġġ zġ‑wawal‑nk, ur‑qamaġ ḥḍiġ ġaylli‑yyi‑issrkan. iniġ‑ak «tʷgraẓ‑iyi a‑sidi rbbi f‑ġaylli skrġ yʷh̬šn.» tssittit flla ġakudan taẓẓayt n‑ddnub‑inu.

imrwasn 2:21

ašku willi ṣlaḥnin a‑ra‑izdġ ġ‑wakal‑ad, d‑willi nmnin a‑ra‑gis‑iqama.

imrwasn 2:6

ašku rbbi da‑illan, nttan a‑d‑yakkan taḥkimt. d‑imi‑ns a‑di‑ttkka‑twassna ula lfhmt.

irmiyah 31:33

ġmkad a‑iga lɛhd lli‑rad‑skrġ d‑ayt‑israyil ġ‑uwssan‑an. ra‑n‑araġ tinbaḍin‑inu f‑uwlawn‑nsn, gġ‑tnt ġ‑ih̬fawn‑nsn. rad‑asn‑gġ rbbi‑nsn, gn‑iyi mddn‑inu. inna‑t rbbi da‑bdda‑illan.

irmiyah 32:40

rad‑didsn‑skrġ yan lɛhd bdda idumn. barkġ‑tn s‑ifulkitn ur‑sar‑tmmin, rarġ‑tn a‑yyi‑tuqqarn zġ‑ttmi n‑uwl‑nsn f‑a‑ur‑sar‑iyi‑fln.

1 ṣamwil 16:7

walaynni inna sidi rbbi i‑ṣamwil: «ad‑ur‑tmnadt udm‑ns ula tiġzi n‑tiddi‑ns, ašku ur‑t‑riġ. urd ġmklli itmnad bnadm a‑itmnad rbbi sidik. bnadm ar‑iẓrra ma‑itbann i‑walln, imma rbbi sidik ar‑iẓrra ma‑illan ġ‑uwl.»