imurign 30:11 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

¹¹ hati tusit‑n flla tandra, trart‑iyi a‑takʷiġ. tkkst‑iyi lh̬iš, tsslst‑iyi lfrḥ.

imurign 30:11 Iomraidhean Croise

isizwur 37:35

aškin‑d kullu tarwa‑ns d‑istis a‑ti‑tṣbbarn, walaynni yagʷi a‑iṣbr. yini‑asn: «uhu, rad‑sul‑allaġ ard lkmġ iwi s‑tdrut n‑wakal.» ġmkan a‑iqama ar‑fllas‑yalla.

isizwur 45:28

isawl ġakudan israyil yini: «yuwda‑yyi ġir iwi yusf, lliġ sul iddr. rad‑dduġ a‑t‑ẓrġ ur‑ta‑mmutġ.»

2 ṣamwil 6:14

ar‑itakʷi dawd s‑kullu jjhd‑ns ġ‑umnid n‑sidi rbbi, ibkis s‑ubannka n‑lkttan.

naḥamyah 8:10

yini‑asn ilmma: «zaydat s‑sslamt, tššm ma‑iḍnin, tsum ma‑imimn, taznm tiġamatin i‑willi ur‑dar yat, ašku ġassad iẓli s‑siditnġ. ad‑awn‑ur‑ṭiyr, ašku lfrḥ n‑sidi rbbi a‑igan adwas‑nun.»

imurign 27:7

sfld‑iyi a‑sidi rbbi, ha‑yyi ġriġ‑ak‑n. ḥnnu flla tɛawnt‑iyi.

imurign 30:5

hati lġaḍab‑ns ġir yan kra a‑itqama, imma rrḍa‑ns idum kullu ma‑tlla tudrt, wah̬h̬a da‑tmaṭaln imṭṭawn n‑iyḍ, ar‑d‑itfaw lfrḥ zikk ṣbaḥ.

imurign 4:7

ha nkki tssfrḥt ul‑inu uggʷar n‑willi dar iggut imndi d‑waman n‑waḍil iktin.

amslmd 3:4

tizi n‑imṭṭawn ula tizi n‑taḍṣa, tizi n‑tndra ula tizi n‑uḥwaš,

išaɛyah 25:3

ra‑k‑tmjjadn iqbiln tjhhdnin, iksaḍn zġ‑gik ayt‑tmdinin mqqurnin n‑tmizar qjrnin.

išaɛyah 25:8

ra‑issitti lmut, d‑ur‑sar‑sul‑tlli. isfiḍ rbbi siditnġ imṭṭawn zġ‑kullu udmawn, ikks lɛar f‑mddn‑ns ġ‑ddunit kullutt. hati sidi rbbi ayd isawln.

išaɛyah 61:10

ha‑yyi frḥġ bahra s‑sidi rbbi, iɛmmr‑uwl‑inu s‑lfrḥ n‑rbbi‑nu. hati isslsa‑yyi timlsit n‑ujnjm, idl‑iyi s‑uslham n‑ufulki‑ns, zund asli igan ttaj n‑lhibt f‑ugayu‑ns, d‑zund taslit issfulkin ih̬f‑ns s‑tġawsiwin n‑nnʷqrt.

išaɛyah 61:3

sslkmġ i‑willi allanin ġ‑ṣiyun ttaj n‑ufulki ġ‑udġar n‑iġd, ẓẓġurġ ayt‑imṭṭawn s‑zzit n‑lfrḥ, sslsġ i‑willi mi ttġaša rruḥ‑nsn ‹timlsit n‑ššukr›, ard a‑fllasn‑ttinin mddn: ‹aṣġar n‑lḥqq lli‑iẓẓa sidi rbbi f‑a‑d‑gis‑iban lmajd‑ns.›

irmiyah 31:4

ra‑kʷn‑daġ‑bnuġ ay‑ayt‑israyil, ttbnut zġ‑ljdid [a‑urušalim]. tgt zund taɛyyalt iṣfan, ar‑ttflujju tbrz s‑tilluna, tffuġ s‑gr ayt‑uḥwaš tfjjij.