imurign 25:6 - ssfjjijat f-mddn-inu - arratn imñlayn zå-løhd aqdim lli-iskr rbbi å-gras d-mddn-ns

⁶ wa sidi rbbi a‑ur‑tettut rrḥmt‑nk ula tayri‑nk izgan, ašku zġ‑zman ad‑bdda‑srsnti‑tskart.

imurign 25:6 Iomraidhean Croise

isizwur 24:27

yini: «ulġġ rbbi da‑illan ig rbbi n‑sidi ibrahim, ašku ur‑ifil lḥnant‑ns izgan ula tayri‑ns idumn i‑sidi ibrahim, izwur‑iyi‑d ġ‑uġaras inmn s‑tgmmi n‑tagʷmat‑ns.»

isizwur 32:9

iẓẓall yaɛqub ġakudan yini: «wa rbbi n‑jddi ibrahim, rbbi n‑baba isḥaq, wa sidi rbbi lli‑yyi‑d‑innan ‹wrri s‑tmazirt‑nk s‑dar ayt‑dark f‑a‑gik‑skrġ afulki.› »

naḥamyah 13:22

uṣṣaġ ayt‑lawi ad‑ssġusn ih̬fawn‑nsn munn‑d ilmma ad‑ḍufn imawn, f‑ad‑issann kullu mddn is‑ityawẓlay‑wass n‑usunfu i‑rbbi. swangm‑d mayan a‑rbbi‑nu trḍut flla, tḥnnut gigi s‑tugtt n‑tayri‑nk izgan.

naḥamyah 9:19

imma kiyi tgit wad bahra itrḥamn. ur‑tn‑tfilt ġ‑lh̬la, wala laḥ‑asn tannalt n‑umdlu lli‑asn‑izggurun ġ‑uzal, wala laḥ‑asn tannalt n‑lɛafiyt lli‑asn‑itisfiwn aġaras lli‑tn‑d‑iqqann d‑iyḍ.

imurign 103:17

tayri n‑sidi rbbi ur‑dars ttmi, tlla bdda f‑willi‑t‑ituqqarn. ar‑bdda‑iskar s‑ufulki‑ns izgan, i‑kullu tasutin n‑mddn‑ns,

imurign 103:4

ar‑issinif ddat‑nk i‑umḍḍal. ig‑ak ttaj n‑tayri d‑rrḥmt.

imurign 107:1

alġat sidi rbbi ašku nttan a‑ifulkin, ar‑bdda‑iskar s‑lḥnant‑ns izgan.

imurign 40:11

wa sidi rbbi, a‑ur‑n‑flla‑tḥḍut rrḥmt‑nk. zayd tgablt‑iyi s‑tayri‑nk ula lḥnant‑nk izgan.

ufuġ 34:6

ġakudan a‑izri sidi rbbi ġ‑umnid‑ns ar‑yaqra yini: «wad bdda illan, wad bdda illan, iga rbbi da‑itḥnnun ar‑itrḥam, ur‑a‑izrab a‑iġḍb, tigat dars lḥnant izgan ula tayri idumn.

išaɛyah 55:7

wanna yʷh̬šnn, illa fllas a‑ingara d‑uġaras‑ns, ula bu‑lbaḍl a‑ibddl iswingimn‑ns. ih̬ṣṣa‑tn ad‑grawln s‑sidi rbbi baš a‑tn‑irḥm, wrrin‑d s‑rbbi‑nġ, ašku yujad ad‑asn‑iṣamḥ f‑kullu ġaylli skrn.

išaɛyah 63:15

ssmuqql‑d ġilad zġ‑ignwan, tmnadt‑d zġ‑tattuyt tamẓlayt n‑lmajd‑nk. mah̬ aylliġ ur‑a‑di‑ttbayyan tayri‑nk itjhhdn ula lquwwa n‑tẓḍḍart‑nk? is‑ur‑k‑yaġ‑umarg‑nġ, iqama gik lḥal‑nġ?

irmiyah 31:20

ijawb ġakudan walli bdda illan yini: «is‑ur‑igi afraym iwi iɛzzan? is‑ur‑igi azzan lli‑s‑frḥġ? ġakud nna‑ti‑tẓiġ, nttan iɛzza dari. ibbi ġ‑tasa‑nu. rrḥmt‑inu a‑s‑ra‑t‑rḥmġ.

danyal 9:18

wa rbbi‑nu, rar‑d amẓẓuġ‑nk tsfldt. rẓm‑d alln‑nk tẓrt mamnk a‑nh̬ʷla nkkʷni ula tamdint lli‑ityawssann s‑ism‑nk. ašku urd f‑ssibt n‑kra n‑ufulki ginġ illan, walaynni f‑ssibt n‑rrḥmt‑nk lli‑iggutn a‑f‑a‑zġ‑gik‑ntḍalab.